പൊ​തു​ഗ​താ​ഗ​ത സം​വി​ധാ​നം മെ​ച്ച​പ്പെ​ടു​ത്താ​ൻ കു​വൈ​ത്ത്

കു​വൈ​ത്ത് സി​റ്റി: പൊ​തു​ഗ​താ​ഗ​ത സം​വി​ധാ​നം മെ​ച്ച​പ്പെ​ടു​ത്താ​ൻ ന​ട​പ​ടി​ക​ളു​മാ​യി കു​വൈ​ത്ത് പ​ബ്ലി​ക് ട്രാ​ൻ​സ്‌​പോ​ർ​ട്ട് ക​മ്പ​നി. പു​തി​യ രൂ​പ​ത്തി​ൽ കൂ​ടു​ത​ൽ സൗ​ക​ര്യ​ങ്ങ​ളോ​ടെ കെ ​ബ​സ് എ​ന്ന പേ​രി​ൽ പു​തി​യ ബ​സ് സ​ർ​വി​സി​ന് തു​ട​ക്കം കു​റി​ച്ചി​രി​ക്കു​ക​യാ​ണ് കെ.​പി.​ടി.​സി. ഒ​രു​കാ​ല​ത്ത് കു​വൈ​ത്ത് പ്ര​വാ​സി​ക​ളു​ടെ ഏ​ക പൊ​തു​ഗ​താ​ഗ​ത മാ​ർ​ഗ​മാ​യി​രു​ന്നു കെ.​പി.​ടി.​സി ബ​സു​ക​ൾ. പി​ന്നീ​ട് സ്വ​കാ​ര്യ ക​മ്പ​നി​ക​ൾ ഈ ​രം​ഗ​ത്തേ​ക്ക് വ​ന്ന​തോ​ടെ​യാ​ണ് കെ.​പി.​ടി.​സി​യു​ടെ പ്ര​താ​പ​ത്തി​ന് മ​ങ്ങ​ലേ​റ്റ​ത്.

ന​ഷ്ട​പ്ര​താ​പം തി​രി​ച്ചു​പി​ടി​ക്കാ​നു​ള്ള ക​ർ​മ​പ​ദ്ധ​തി​ക​ളു​ടെ ഭാ​ഗ​മാ​യാ​ണ് കെ ​ബ​സ് എ​ന്ന പേ​രി​ൽ ആ​ധു​നി​ക ബ​സു​ക​ൾ നി​ര​ത്തി​ലി​റ​ക്കി​യ​ത്. കെ.​പി.​ടി.​സി​യു​ടെ 60ാം വാ​ർ​ഷി​കാ​ഘോ​ഷ​ത്തോ​ട​നു​ബ​ന്ധി​ച്ച് അ​വ​ന്യൂ​സ് മാ​ളി​ൽ ന​ട​ന്ന ച​ട​ങ്ങി​ലാ​ണ് കെ ​ബ​സ് ആ​ദ്യ​മാ​യി അ​വ​ത​രി​പ്പി​ച്ച​ത്. ക​മ്പ​നി​യു​ടെ ന​വീ​ക​രി​ച്ച ലോ​ഗോ​യും ച​ട​ങ്ങി​ൽ പു​റ​ത്തി​റ​ക്കി. കു​വൈ​ത്തി​ലെ വി​വി​ധ പ്ര​ദേ​ശ​ങ്ങ​ളി​ലേ​ക്ക് പു​തി​യ രൂ​പ​ത്തി​ലു​ള്ള കെ ​ബ​സു​ക​ൾ സ​ർ​വി​സ് ന​ട​ത്തു​മെ​ന്ന് കെ.​പി.​ടി.​സി സി.​ഇ.​ഒ മ​ൻ​സൂ​ർ അ​ൽ സാ​ദ് പ​റ​ഞ്ഞു. സ്മാ​ർ​ട്ട് സ്‌​ക്രീ​നു​ക​ളും മൊ​ബൈ​ൽ ചാ​ർ​ജി​ങ്ങി​നാ​യു​ള്ള യു.​എ​സ്.​ബി സ്ലോ​ട്ടു​ക​ളും സു​ഖ​ക​ര​മാ​യ യാ​ത്രാ​നു​ഭ​വം പ​ക​രു​ന്ന സീ​റ്റു​ക​ളും കെ ​ബ​സി​നെ വ്യ​ത്യ​സ്ത​മാ​ക്കു​ന്ന​താ​യി അ​ദ്ദേ​ഹം കൂ​ട്ടി​ച്ചേ​ർ​ത്തു. 29 സീ​റ്റ​ർ, 35 സീ​റ്റ​ർ എ​ന്നി​ങ്ങ​നെ ര​ണ്ടു വ​ലു​പ്പ​ത്തി​ലാ​ണ് കെ ​ബ​സു​ക​ൾ പു​റ​ത്തി​റ​ക്കി​യ​ത്‌. ര​ണ്ടു സീ​റ്റ് ഭി​ന്ന​ശേ​ഷി​ക്കാ​ർ​ക്ക് പ്ര​ത്യേ​കം സ​ജ്ജീ​ക​രി​ച്ച​താ​ണ്. കെ.​പി.​ടി.​സി സ​ർ​വി​സ് നെ​റ്റ്‍വ​ർ​ക്ക് രാ​ജ്യ​മാ​കെ വ്യാ​പി​ച്ചു​കി​ട​ക്കു​ന്ന​താ​ണെ​ന്നും നി​ല​വി​ൽ 35 റൂ​ട്ടു​ക​ളി​ലാ​ണ് സ​ർ​വി​സ് ന​ട​ത്തു​ന്ന​തെ​ന്നും കൂ​ടു​ത​ൽ റൂ​ട്ടു​ക​ൾ അ​ധി​കം വൈ​കാ​തെ കൂ​ട്ടി​ച്ചേ​ർ​ക്കു​മെ​ന്നും ക​മ്പ​നി അ​റി​യി​ച്ചു.