Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightKuwaitchevron_rightപ്രിയദർശിനി ലൈബ്രറി...

പ്രിയദർശിനി ലൈബ്രറി അക്കിത്തം അനുസ്​മരണം

text_fields
bookmark_border
പ്രിയദർശിനി ലൈബ്രറി അക്കിത്തം അനുസ്​മരണം
cancel
camera_alt

ഒ.ഐ.സി.സി പ്രിയദർശിനി ലൈബ്രറി സംഘടിപ്പിച്ച അക്കിത്തം അനുസ്‌മരണത്തിൽ വർഗീസ്​ പുതുക്കുളങ്ങര സംസാരിക്കുന്നു

കുവൈത്ത്​ സിറ്റി: കുവൈത്ത്​ ഒ.ഐ.സി.സി പ്രിയദർശിനി ലൈബ്രറിയുടെ ആഭിമുഖ്യത്തിൽ മഹാകവി അക്കിത്തം അനുസ്‌മരണം സംഘടിപ്പിച്ചു. വെള്ളിയാഴ്ച വൈകീട്ട്‌ നടന്ന ഓൺലൈൻ അനുസ്‌മരണ പരിപാടി ഒ.ഐ.സി.സി കോഴിക്കോട്‌ ജില്ല പ്രസിഡൻറ്​ കൃഷ്‌ണൻ കടലുണ്ടിയുടെ അധ്യക്ഷതയിൽ നാഷനൽ പ്രസിഡൻറ്​ വർഗീസ്‌ പുതുക്കുളങ്ങര ഉദ്​ഘാടനം ചെയ്​തു.

സ്നേഹമില്ലാത്ത വിപ്ലവവും രാഷ്​ട്രീയവും ആത്മാവില്ലാത്ത ശരീരം പോലെയാണെന്ന് പറഞ്ഞ അക്കിത്തം കേരളത്തിലെ മറ്റു സാഹിത്യരചയിതാക്കളിൽനിന്ന്​ വേറിട്ട വ്യക്തിത്വമാണെന്നും അദ്ദേഹം പറഞ്ഞു. എഴുത്തുകാരൻ ധർമരാജ്‌ മടപ്പള്ളി അക്കിത്തം അനുസ്‌മരണ പ്രഭാഷണം നടത്തി. കാസറ്റ്‌ കവിതകൾ സജീവമാകുന്നതിന്​ മുമ്പ്​ മലയാളി ആസ്വദിച്ച്‌ പാടിനടന്നവയാണ്‌ അക്കിത്തം കവിതകൾ എന്നും ഏതൊരു സാഹിത്യകാരനും വിലയിരുത്തപ്പെടേണ്ടത്‌ കൃതികളിലൂടെയാണെന്നും ധർമരാജ്‌ മടപ്പള്ളി പറഞ്ഞു.

മാണി ചാക്കോ വയനാട്‌ അനുശോചന പ്രമേയം അവതരിപ്പിച്ചു. എ. രാജേഷ്‌ ബാബു, ഹരീഷ്‌ തൃപ്പൂണിത്തുറ, സുലേഖ അജി, സിദ്ദീഖ്‌ അപ്പക്കൻ, ലിബിൻ മുഴക്കുന്ന്, ലിബിൻ മാത്യു, ആൻ എലിസബത്ത്‌ മാണി തുടങ്ങിയവർ സംസാരിച്ചു.

Show Full Article
TAGS:Priyadarshini Library Akkitham Remembrance OICC 
Next Story