അ​ന്താ​രാ​ഷ്ട്ര ക​മ്പ​നി​ക​ളെ കു​വൈ​ത്തി​ലേ​ക്ക് ക്ഷ​ണി​ച്ച് പ്ര​ധാ​ന​മ​ന്ത്രി

കു​വൈ​ത്ത് സി​റ്റി: അ​ന്താ​രാ​ഷ്ട്ര ക​മ്പ​നി​ക​ളെ കു​വൈ​ത്തി​ലേ​ക്ക് നി​ക്ഷേ​പ​ത്തി​ന് ക്ഷ​ണി​ച്ച് കു​വൈ​ത്ത് പ്ര​ധാ​ന​മ​ന്ത്രി ശൈ​ഖ് അ​ഹ്മ​ദ് അ​ബ്ദു​ല്ല അ​സ്സ​ബാ​ഹ്. നി​ക്ഷേ​പ​ക​ർ​ക്ക് അ​നു​കൂ​ല​മാ​യ അ​ന്ത​ര​ക്ഷ​മാ​ണ് രാ​ജ്യ​ത്തു​ള്ള​തെ​ന്നും സ​ർ​ക്കാ​റി​ന്റെ എ​ല്ലാ പി​ന്തു​ണ​യും അ​വ​ർ​ക്കു​ണ്ടാ​കു​മെ​ന്നും ദു​ബൈ​യി​ൽ ന​ട​ക്കു​ന്ന ‘ലോ​ക സ​ർ​ക്കാ​ർ ഉ​ച്ച​കോ​ടി’​യി​ൽ അ​ദ്ദേ​ഹം പ​റ​ഞ്ഞു.

ദു​ബൈ​യി​ൽ എ​ല്ലാ വ​ർ​ഷ​വും ന​ട​ക്കാ​റു​ള്ള ഉ​ച്ച​കോ​ടി വി​വി​ധ രാ​ജ്യ​ങ്ങ​ളി​ലെ സ​ർ​ക്കാ​ർ പ്ര​തി​നി​ധി​ക​ൾ​ക്കും നി​ക്ഷേ​പ​ക​ർ​ക്കും സാ​​ങ്കേ​തി​ക വി​ദ​ഗ്ധ​ർ​ക്കും ഒ​ത്തു​കൂ​ടാ​നും സാ​ധ്യ​ത​ക​ൾ ച​ർ​ച്ച ചെ​യ്യാ​നും പ​ദ്ധ​തി​ക​ൾ രൂ​പ​പ്പെ​ടു​ത്താ​നു​മു​ള്ള വേ​ദി​യാ​ണ്. കു​വൈ​ത്തി​നെ പ്ര​തി​നി​ധീ​ക​രി​ച്ച് പ്ര​ധാ​ന​മ​ന്ത്രി​യെ കൂ​ടാ​തെ വി​ദേ​ശ​കാ​ര്യ മ​ന്ത്രി ശൈ​ഖ് അ​ബ്ദു​ല്ല അ​ൽ യ​ഹ്‍യ​യും സാ​മ്പ​ത്തി​ക കാ​ര്യ മ​ന്ത്രി നൂ​റ അ​ൽ ഫ​സ്സാ​മും സി​വി​ൽ സ​ർ​വിസ് ബ്യൂ​റോ മേ​ധാ​വി ഡോ. ​ഇ​സ്സാം അ​ൽ റ​ബ്‍യാ​നും പ​​ങ്കെ​ടു​ക്കു​ന്നു.

ലോ​ക​ത്തി​ലെ വി​വി​ധ വ​ൻ​കി​ട ക​മ്പ​നി പ്ര​തി​നി​ധി​ക​ളു​മാ​യി കു​വൈ​ത്ത് മ​ന്ത്രി​ത​ല സം​ഘം കൂ​ടി​ക്കാ​ഴ്ച ന​ട​ത്തി. ദു​ബൈ ഭ​ര​ണാ​ധി​കാ​രി ഉ​ൾ​പ്പെ​ടെ പ്ര​മു​ഖ​രു​മാ​യും പ്ര​ധാ​ന​മ​ന്ത്രി ച​ർ​ച്ച ന​ട​ത്തി. രാ​ജ്യ​ത്തെ സ​മ്പ​ദ് വ്യ​വ​സ്ഥ മെ​ച്ച​പ്പെ​ടു​ത്താ​നും നി​ക്ഷേ​പം ആ​ക​ർ​ഷി​ക്കാ​നു​മാ​യി തീ​വ്ര ശ്ര​മ​ത്തി​ലാ​ണ് കു​വൈ​ത്ത് ഭ​ര​ണ​കൂ​ടം.

ഇ​തി​നാ​യി സ​മീ​പ വ​ർ​ഷ​ങ്ങ​ളി​ൽ നി​ര​വ​ധി നി​യ​മ​പ​രി​ഷ്കാ​ര​ങ്ങ​ൾ ന​ട​ത്തി വ്യ​വ​സ്ഥ​ക​ൾ ഉ​ദാ​ര​മാ​ക്കി.