പ്രവാസി ക്ഷേമനിധി ഓൺലൈൻ രജിസ്ട്രേഷൻ

കുവൈത്ത് സിറ്റി: കുവൈത്ത് കേരള മുസ്‍ലിം അസോസിയേഷൻ (കെ.കെ.എം.എ) ഫഹാഹീൽ ബ്രാഞ്ച് നോർക്ക പ്രവാസി ക്ഷേമനിധി ഓൺലൈൻ രജിസ്ട്രേഷൻ കാമ്പയിൻ ആരംഭിച്ചു. ഫഹാഹീൽ ഓഡിറ്റോറിയത്തിൽ കെ.കെ.എം.എ അഹ്‌മദി സോണൽ ജനറൽ സെക്രട്ടറി ഹാരിസ് ഉദ്ഘാടനം ചെയ്തു.

പ്രവാസി ക്ഷേമനിധി ബോർഡ് നൽകുന്ന ആനുകൂല്യങ്ങൾ ലഭിക്കുന്നതിന് രജിസ്‌ട്രേഷൻ ഓൺലൈനായി ചെയ്യുന്നതിനും മറ്റു മാർഗനിർദേശങ്ങളും ക്യാമ്പിൽ നൽകും. ബ്രാഞ്ച് പ്രസിഡന്റ് നിജാസ് എം.പി അധ്യക്ഷത വഹിച്ചു. വൈസ് പ്രസിഡന്റ് ഇംതിയാസ് തക്കാര ക്യാമ്പിനെ കുറിച്ച് വിശദീകരിച്ചു.

സി.എച്ച്. മുഷാൽ, ഷബീർ അലി, ഹനൂദ് അഷ്‌റഫ്, ഷാജിർ, മഹറൂഫ് എടക്കാവിൽ, കെ.എം. മുഹമ്മദ് അലി, സിദ്ധീഖ്, സി.ഡി. ബിജു എന്നിവർ ക്യാമ്പിന് നേതൃത്വം നൽകി. ബ്രാഞ്ച് ജനറൽ സെക്രട്ടറി സി. നഈം സ്വാഗതവും എ. മുഹമ്മദ് നജീബ് നന്ദിയും പറഞ്ഞു.