കോട്ടയം ജില്ലാ പ്രവാസി അസോസിയേഷന്‍ ഓണാഘോഷം 

കുവൈത്ത് സിറ്റി: കോട്ടയം ജില്ലാ പ്രവാസി അസോസിയേഷന്‍ ഓണാഘോഷം അബ്ബാസിയ പോപ്പിന്‍സ് ഹാളില്‍ നടന്നു. 
നൃത്തം, നാടകം, തിരുവാതിരക്കളി, വള്ളപ്പാട്ട്, മിമിക്രി, നാടന്‍പാട്ട്, ഫ്രന്‍ഡ്സ് ഓഫ് കുവൈത്തിന്‍െറ ഗാനമേള എന്നിവയുണ്ടായി. പ്രോഗ്രാം കണ്‍വീനര്‍ രതീഷ്, ഡിപിന്‍ പ്രസാദ് എന്നിവര്‍ നേതൃത്വം നല്‍കി. ഇന്ത്യന്‍ എംബസി ലേബര്‍ അറ്റാഷെ തോമസ് ജോസഫ് ഉദ്ഘാടനം ചെയ്തു. പ്രസിഡന്‍റ് അനൂപ് സോമന്‍ അധ്യക്ഷത വഹിച്ചു. ജനറല്‍ സെക്രട്ടറി ജോര്‍ജ് കാലായില്‍ സ്വാഗതവും ട്രഷറര്‍ ജസ്റ്റിന്‍ ജയിംസ് നന്ദിയും പറഞ്ഞു. രക്ഷാധികാരി സിബിച്ചന്‍ മാളിയേക്കല്‍, ഒ.ഐ.സി.സി പ്രസിഡന്‍റ് വര്‍ഗീസ് പുതുക്കുളങ്ങര, കല കുവൈത്ത് ജനറല്‍ സെക്രട്ടറി സജി ജനാര്‍ദനന്‍, ഭാരതീയ പ്രവാസി പരിഷത്ത് ജനറല്‍ സെക്രട്ടറി ഹരി ബാലരാമപുരം, വൈസ് പ്രസിഡന്‍റ് സി.എസ്. ബത്തര്‍ എന്നിവര്‍ സംസാരിച്ചു.