പി.എം ഫൗണ്ടേഷൻ ടാലൻറ് സെർച്ച് കുവൈത്തിൽ 100 ശതമാനം പങ്കാളിത്തം
text_fieldsകുവൈത്ത് സിറ്റി: പി.എം ഫൗണ്ടേഷൻ, ഗൾഫ് മാധ്യമവുമായി ചേർന്ന് നടത്തിയ ടാലൻറ് സെർച്ച് പരീക്ഷയിൽ കുവൈത്തിൽ രജിസ്റ്റർ ചെയ്ത മുഴുവൻ വിദ്യാർഥികളും പെങ്കടുത്തു. കുവൈത്തിൽ അബ്ബാസിയ യുനൈറ്റഡ് ഇന്ത്യൻ സ്കൂളാണ് പരീക്ഷാ വേദിയായത്. മാർച്ച്/ഏപ്രിൽ മാസങ്ങളിലെ പത്താം ക്ലാസ് പൊതുപരീക്ഷയിൽ എല്ലാ വിഷയങ്ങൾക്കും എ പ്ലസ്/ എ വൺ നേടിയ വിദ്യാർഥികളാണ് മാറ്റുരച്ചത്. പൊതുവിജ്ഞാനം, വിശകലനം, അടിസ്ഥാന വിഷയങ്ങളിലുള്ള പരിജ്ഞാനം എന്നീ മേഖലകളിൽ വിദ്യാർഥികളുടെ മാറ്റുനോക്കാൻ പര്യാപ്തമായിരുന്നു ചോദ്യങ്ങൾ. അക്കാദമിക പഠനത്തിനൊപ്പം കുട്ടികളുടെ സാമൂഹികവബോധവും നിരീക്ഷണ പാടവവും പരീക്ഷിക്കപ്പെട്ടു. കേരളത്തിലെ 15 കേന്ദ്രങ്ങളിലും ജി.സി.സി രാജ്യങ്ങളിലെ മറ്റ് ഒമ്പത് സെൻററുകളിലുമായി ആയിരക്കണക്കിന് വിദ്യാർഥികളാണ് ഒരേസമയം പരീക്ഷ എഴുതിയത്.
കുവൈത്തിൽ അബ്ബാസിയ യുനൈറ്റഡ് ഇന്ത്യൻ സ്കൂളാണ് വേദിയായത്. മികവ് തെളിയിക്കുന്ന വിദ്യാർഥികൾക്ക് പി.എം ഫൗണ്ടേഷൻ ഒന്നേകാൽ ലക്ഷം രൂപയുടെ സ്കോളർഷിപ്പും തുടർപഠന മാർഗനിർദേശങ്ങളും നൽകും. നിശ്ചിത മാർക്ക് നേടുന്ന കുട്ടികൾക്കെല്ലാം ‘അവാർഡ് ഒാഫ് എക്സലൻസ്’ സർട്ടിഫിക്കറ്റും 10,000 രൂപ മൂല്യമുള്ള സമ്മാനങ്ങളും ലഭിക്കും. ഗൾഫ് മാധ്യമം കുവൈത്ത് റെസിഡൻറ് മാനേജർ അൻവർ സഇൗദ്, എസ്.എ.പി. ആസാദ്, സി.എ. മനാഫ്, മാർക്കറ്റിങ് ഇൻ ചാർജ് സി.കെ. നജീബ്, നാസർ എളമരം തുടങ്ങിയവർ നേതൃത്വം നൽകി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.