ഗാ​ർ​ഹി​ക​ത്തൊ​ഴി​ലാ​ളി റി​ക്രൂ​ട്ട്​​മെൻറി​ന്​ ഫിലിപ്പീൻസ്​ നി​ബ​ന്ധ​ന

കു​വൈ​ത്ത്​ സി​റ്റി: കു​വൈ​ത്തി​ലേ​ക്ക് ഗാ​ർ​ഹി​ക​ത്തൊ​ഴി​ലാ​ളി​ക​ളെ റി​ക്രൂ​ട്ട്​ ചെ​യ്യാ​ൻ ഫി​ലി​പ്പീ​ൻ​സ്​ സ​ർ​ക്കാ​ർ ബാ​ങ്ക് ഗ്യാ​ര​ണ്ടി നി​ബ​ന്ധ​ന ഏ​ർ​പ്പെ​ടു​ത്തി​യ​താ​യി സൂ​ച​ന. 

കു​വൈ​ത്തും ഫി​ലി​പ്പീ​ൻ​സും ത​മ്മി​ലു​ണ്ടാ​ക്കി​യ തൊ​ഴി​ൽ ക​രാ​റി​ൽ​നി​ന്ന് വി​ഭി​ന്ന​മാ​യി ഫി​ലി​പ്പീ​ൻ​സ്​ പു​തി​യ നി​ബ​ന്ധ​ന ഏ​ർ​പ്പെ​ടു​ത്തി​യ​ത് റി​ക്രൂ​ട്ടി​ങ് ഓ​ഫി​സു​ക​ൾ​ക്ക്​ ത​ല​വേ​ദ​ന സൃ​ഷി​ടി​ക്കു​ന്ന​താ​യി ഡൊ​മ​സ്​​റ്റി​ക് ലേ​ബ​ർ ഓ​ഫി​സ് ഓ​ണേ​ഴ്‌​സ് യൂ​നി​യ​ൻ ആ​രോ​പി​ച്ചു. ഫി​ലി​പ്പീ​ൻ​സി​ൽ​നി​ന്ന് ഗാ​ർ​ഹി​ക ജോ​ലി​ക്കാ​രെ റി​ക്രൂ​ട്ട്​ ചെ​യ്യ​ണ​മെ​ങ്കി​ൽ ഓ​രോ തൊ​ഴി​ലാ​ളി​ക്കും 10,000 ഡോ​ള​ർ എ​ന്ന തോ​തി​ൽ ഫി​ലി​പ്പീ​ൻ​സി​ലെ ഏ​തെ​ങ്കി​ലും ലോ​ക്ക​ൽ ബാ​ങ്കി​ൽ ഗ്യാ​ര​ണ്ടി ന​ൽ​ക​ണ​മെ​ന്നാ​ണ് കു​വൈ​ത്തി​ലെ റി​ക്രൂ​ട്ടി​ങ് ഓ​ഫി​സു​ക​ൾ​ക്കു ല​ഭി​ച്ച നി​ർ​ദേ​ശം. 

ഗാ​ർ​ഹി​ക​ത്തൊ​ഴി​ലാ​ളി റി​ക്രൂ​ട്ട്​​മ​െൻറു​മാ​യി ബ​ന്ധ​പ്പെ​ട്ട്​ ഇ​രു​രാ​ജ്യ​ങ്ങ​ളും ത​മ്മി​ൽ ര​ണ്ടു മാ​സം മു​മ്പ്​ ഉ​ണ്ടാ​ക്കി​യ ക​രാ​റി​ൽ ബാ​ങ്ക് ഗ്യാ​ര​ണ്ടി വ്യ​വ​സ്ഥ പ​റ​യു​ന്നി​ല്ലെ​ന്നും ക​രാ​ർ പ്രാ​ബ​ല്യ​ത്തി​ലാ​യ​താ​യി കാ​ണി​ച്ചു ഫി​ലി​പ്പീ​ൻ​സ്​ ഇ​റ​ക്കി​യ എ​ക്സി​ക്യൂ​ട്ടി​വ് ഓ​ർ​ഡ​റി​ൽ ആ​ണ് ബാ​ങ്ക് ഗ്യാ​ര​ണ്ടി നി​ർ​ദേ​ശം കൂ​ട്ടി​ച്ചേ​ർ​ത്തി​ട്ടു​ള്ള​തെ​ന്നും ഡൊ​മ​സ്​​റ്റി​ക് ലേ​ബ​ർ ഓ​ഫി​സ് യൂ​നി​യ​ൻ ചെ​യ​ർ​മാ​ൻ ഖാ​ലി​ദ് അ​ൽ ദ​ഖാ​ൻ പ​റ​ഞ്ഞു. 
ക​രാ​ർ കാ​ലാ​വ​ധി​ക്ക് മു​മ്പ്​ തൊ​ഴി​ലാ​ളി തി​രി​ച്ചു​പോ​കു​ന്ന സാ​ഹ​ച​ര്യ​മു​ണ്ടാ​യാ​ൽ ശ​മ്പ​ള കു​ടി​ശ്ശി​ക ഉ​ൾ​പ്പെ​ടെ ഉ​റ​പ്പാ​ക്കു​ന്ന​തി​നാ​ണ് ബാ​ങ്ക് ഗ്യാ​ര​ണ്ടി ഏ​ർ​പ്പെ​ടു​ത്തു​ന്ന​തെ​ന്നാ​ണ് വി​ശ​ദീ​ക​ര​ണം. ഏ​തെ​ങ്കി​ലും ഓ​ഫി​സി​നെ​തി​രെ ആ​വ​ർ​ത്തി​ച്ചു​ള്ള പ​രാ​തി​ക​ൾ ഉ​ണ്ടെ​ങ്കി​ൽ ഗ്യാ​ര​ണ്ടി തു​ക 50,000 ഡോ​ള​ർ വ​രെ ഉ​യ​രു​മെ​ന്നും ഉ​ത്ത​ര​വി​ലു​ള്ള​താ​യി ഖാ​ലി​ദ് അ​ൽ ദ​ഖാ​ൻ പ​റ​ഞ്ഞു. 

ഏ​റെ​നാ​ള​ത്തെ അ​നി​ശ്ചി​ത​ത്വ​ത്തി​നൊ​ടു​വി​ൽ ക​ഴി​ഞ്ഞ മേ​യി​ലാ​ണ് കു​വൈ​ത്തും ഫി​ലി​പ്പീ​ൻ​സും ത​മ്മി​ൽ ഗാ​ർ​ഹി​ക​ത്തൊ​ഴി​ലാ​ളി റി​ക്രൂ​ട്ടി​ങ് ക​രാ​ർ ഒ​പ്പി​ട്ട​ത്. 
കു​വൈ​ത്തി​ൽ ജോ​ലി​ചെ​യ്യു​ന്ന ഫി​ലി​പ്പീ​ൻ​സ്​​തൊ​ഴി​ലാ​ളി​ക​ൾ​ക്ക്​ അ​നു​കൂ​ല​മാ​യ ഒ​ട്ട​ന​വ​ധി വ്യ​വ​സ്ഥ​ക​ൾ ഉ​​ൾ​ക്കൊ​ള്ളു​ന്ന​താ​യി​രു​ന്നു ക​രാ​ർ. 
എ​ട്ടു​മ​ണി​ക്കൂ​ർ വി​ശ്ര​മം അ​നു​വ​ദി​ക്ക​ണം, പാ​സ്​​പോ​ർ​ട്ട്​ ​സ്​​പോ​ൺ​സ​ർ പി​ടി​ച്ചു​വെ​ക്ക​രു​ത്, ഒ​രു സ്​​പോ​ൺ​സ​ർ​ക്ക്​ കീ​ഴി​ൽ മാ​ത്രം തൊ​ഴി​ലെ​ടു​പ്പി​ക്കാ​ൻ പാ​ടു​ള്ളൂ തു​ട​ങ്ങി ഫി​ലി​പ്പീ​ൻ​സ്​ മു​ന്നോ​ട്ടു വെ​ച്ച മി​ക്ക വ്യ​വ​സ്ഥ​ക​ളും കു​വൈ​ത്ത് അം​ഗീ​ക​രി​ച്ചി​രു​ന്നു.
 നേ​ര​ത്തെ വ​നി​ത ഗാ​ർ​ഹി​ക​ത്തൊ​ഴി​ലാ​ളി​ക​ളെ റി​ക്രൂ​ട്ട്​ ചെ​യ്യു​ന്ന​തി​ന് 750 ഡോ​ള​ർ ബാ​ങ്ക് ഗ്യാ​ര​ണ്ടി ന​ൽ​ക​ണ​മെ​ന്ന് ഇ​ന്ത്യ​ൻ എം​ബ​സി നി​ബ​ന്ധ​ന വെ​ച്ചി​രു​ന്നു. കു​വൈ​ത്ത്​ അ​ധി​കൃ​ത​രു​ടെ എ​തി​ർ​പ്പി​നെ തു​ട​ർ​ന്ന് പി​ന്നീ​ട് തീ​രു​മാ​നം എ​ടു​ത്തു​മാ​റ്റു​ക​യാ​യി​രു​ന്നു.