കു​വൈ​ത്തി​ലേ​ക്ക് തൊ​ഴി​ലാ​ളി വി​ല​ക്കി​ന് തീ​രു​മാ​നി​ച്ചിട്ടി​ല്ലെ​ന്ന് ഫി​ലി​പ്പീ​ൻ​സ്

കു​വൈ​ത്ത് സി​റ്റി: കു​വൈ​ത്തി​ലേ​ക്ക് ഗാ​ര്‍ഹി​ക തൊ​ഴി​ലാ​ളി​ക​ളെ അ​യ​ക്കു​ന്ന​ത് അ​വ​സാ​നി​പ്പി​ക്കാ​ൻ തീ​രു​മാ​നി​ച്ചി​ട്ടി​ല്ലെ​ന്ന് ഫി​ലി​പ്പീ​ൻ​സ് വി​ദേ​ശ​കാ​ര്യ വ​കു​പ്പ് വ്യ​ക്ത​മാ​ക്കി. ഫി​ലി​പ്പീ​ൻ​സി​ലെ വാ​ർ​ത്താ ചാ​ന​ലാ​യ എ.​എ​ൻ.​സി​ക്ക് ന​ൽ​കി​യ അ​ഭി​മു​ഖ​ത്തി​ൽ വി​ദേ​ശ​കാ​ര്യ അ​ണ്ട​ർ സെ​ക്ര​ട്ട​റി എ​ഡ്വേ​ർ​ഡോ ഡി. ​വേ​ഗ​യാ​ണ് ഇ​ക്കാ​ര്യം വി​ശ​ദീ​ക​രി​ച്ച​ത്. അ​തേ​സ​മ​യം, വി​ഷ​യ​ത്തി​ൽ ച​ർ​ച്ച​ക​ൾ തു​ട​രു​ക​യാ​ണെ​ന്നും കു​വൈ​ത്തി​ലെ ഫി​ലി​പ്പി​നോ തൊ​ഴി​ലാ​ളി​ക​ളു​ടെ സു​ര​ക്ഷ​യും ക്ഷേ​മ​വും ഉ​റ​പ്പാ​ക്കു​ന്ന​തി​ന് ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്കു​മെ​ന്നും അ​ദ്ദേ​ഹം വ്യ​ക്ത​മാ​ക്കി.

‘തൊ​ഴി​ലാ​ളി​ക​ളു​ടെ സു​ര​ക്ഷ​യും സം​ര​ക്ഷ​ണ​വും താ​ൽ​ക്കാ​ലി​ക ന​ട​പ​ടി​ക​ളി​ൽ ആ​ശ്ര​യി​ച്ചാ​യി​രി​ക്ക​രു​ത്; സ്ഥി​ര​മാ​യ പ​രി​ഹാ​ര​മാ​ണ് വേ​ണ്ട​ത്’ ഡി ​വേ​ഗ കൂ​ട്ടി​ച്ചേ​ർ​ത്തു. ഫി​ലി​പ്പി​നോ തൊ​ഴി​ലാ​ളി​ക​ളു​ടെ സു​ര​ക്ഷ ഉ​റ​പ്പാ​ക്കാ​ൻ കു​വൈ​ത്ത് സ​ർ​ക്കാ​റു​മാ​യി കൂ​ടു​ത​ൽ ച​ർ​ച്ച​ക​ൾ തു​ട​രു​ക​യാ​ണ്.

ഡാ​ഫ്നി ന​ക​ല​ബാ​ൻ, ജെ​ന്നി ആ​ൽ​വ​രാ​ഡോ എ​ന്നീ ഫി​ലി​പ്പീ​നി തൊ​ഴി​ലാ​ളി​ക​ളു​ടെ ദാ​രു​ണ മ​ര​ണ​ത്തെ തു​ട​ർ​ന്ന് കു​വൈ​ത്തി​ലേ​ക്ക് ഗാ​ർ​ഹി​ക തൊ​ഴി​ലാ​ളി​ക​ളെ അ​യ​ക്കു​ന്ന​ത് നി​ർ​ത്താ​ൻ ആ​ലോ​ചി​ക്കു​ന്നു​വെ​ന്ന് ഫി​ലി​പ്പീ​ൻ​സ് മൈ​ഗ്ര​ന്റ് വ​ർ​ക്കേ​ഴ്‌​സ് സെ​ക്ര​ട്ട​റി ഹാ​ൻ​സ് കാ​ക്ഡാ​ക് ക​ഴി​ഞ്ഞ​യാ​ഴ്ച പ​റ​ഞ്ഞി​രു​ന്നു. ഒ​ക്ടോ​ബ​റി​ൽ കാ​ണാ​താ​യ ഡാ​ഫ്നി ന​ക​ല​ബാ​നെ പി​ന്നീ​ട് കു​വൈ​ത്ത് പൗ​ര​ന്റെ വ​സ​തി​യി​ൽ മ​രി​ച്ച നി​ല​യി​ൽ ക​ണ്ടെ​ത്തി. മ​റ്റൊ​രു സം​ഭ​വ​ത്തി​ൽ, ജെ​ന്നി അ​ൽ​വ​രാ​ഡോ ജോ​ലി സ്ഥ​ല​ത്ത് പു​ക ശ്വ​സി​ച്ച് മ​രി​ച്ചു.

ഇ​വ​രു​ടെ കൂ​ടെ ഈ ​സം​ഭ​വ​ത്തി​ൽ നേ​പ്പാ​ൾ, ശ്രീ​ല​ങ്ക​ൻ പൗ​ര​ന്മാ​രും ​മ​രി​ച്ചു. നി​ർ​ഭാ​ഗ്യ​വ​ശാ​ൽ മാ​റി​പ്പോ​യി ആ​ൽ​വ​രാ​ഡോ​ക്ക് പ​ക​രം നേ​പ്പാ​ൾ പൗ​ര​ന്റെ മൃ​ത​ദേ​ഹ​മാ​ണ് ഫി​ലി​പ്പൈ​ൻ​സി​ൽ എ​ത്തി​ച്ച​ത്. കു​വൈ​ത്തി​ൽ ഏ​ക​ദേ​ശം 215,000 ഫി​ലി​പ്പി​നോ തൊ​ഴി​ലാ​ളി​ക​ളു​ണ്ട്. ജീ​നെ​ലി​ൻ പ​ഡേ​ണ​ൽ വി​ല്ലാ​വെ​ൻ​ഡെ എ​ന്ന ഗാ​ർ​ഹി​ക​ത്തൊ​ഴി​ലാ​ളി കു​വൈ​ത്തി​ൽ കൊ​ല്ല​പ്പെ​ട്ട​തി​നെ തു​ട​ർ​ന്ന് 2020​​ ജ​നു​വ​രി 15 മു​ത​ൽ​ ഫി​ലി​പ്പീ​ൻ​സ്​ കു​വൈ​ത്തി​ലേ​ക്ക്​ തൊ​ഴി​ലാ​ളി​ക​ളെ അ​യ​ക്കു​ന്ന​ത്​ നി​ർ​ത്തി​യെ​ങ്കി​ലും മ​ധ്യ​സ്ഥ ച​ർ​ച്ച​യെ തു​ട​ർ​ന്ന് പി​ന്നീ​ട് പി​ൻ​വ​ലി​ച്ചു.

തൊ​ഴി​ലാ​ളി​ക​ളു​ടെ​യും തൊ​ഴി​ലു​ട​മ​യു​ടെ​യും അ​വ​കാ​ശ​ങ്ങ​ൾ സം​ര​ക്ഷി​ക്കു​ന്ന പു​തി​യ റി​ക്രൂ​ട്ട്​​മെ​ന്റ്​ ക​രാ​റി​ൽ ഇ​രു​രാ​ജ്യ​ങ്ങ​ളും ഒ​പ്പി​ട്ടി​രു​ന്നു. തൊ​ഴി​ലാ​ളി​ക​ളു​ടെ സു​ര​ക്ഷ ഉ​റ​പ്പു​വ​രു​ത്താ​ൻ കു​വൈ​ത്ത് അ​ധി​കൃ​ത​ർ ക​ർ​ശ​ന ന​ട​പ​ടി​ക​ൾ സ്വീ​ക​രി​ക്കു​ന്നു​ണ്ടെ​ങ്കി​ലും ഒ​റ്റ​പ്പെ​ട്ട സം​ഭ​വ​ങ്ങ​ൾ ആ​വ​ർ​ത്തി​ക്കു​ക​യാ​ണ്.