ഇ​ന്ത്യ​യി​ൽ പെ​ട്രോ​ളി​യം മേ​ഖ​ല​യി​ൽ നി​ക്ഷേ​പ​ത്തി​ന്​ കു​വൈ​ത്ത്​ പ​ദ്ധ​തി​യു​ടെ 

കു​വൈ​ത്ത്​ സി​റ്റി: ഇ​ന്ത്യ​യി​ൽ പെ​ട്രോ​ളി​യം, പെ​ട്രോ കെ​മി​ക്ക​ൽ മേ​ഖ​ല​യി​ൽ നി​ക്ഷേ​പ​ത്തി​ന്​ കുവൈത്ത്​ ത​യാ​റെ​ടു​ക്കു​ന്ന​താ​യി റി​പ്പോ​ർ​ട്ട്. കു​വൈ​ത്ത്​ പെ​ട്രോ​ളി​യം കോ​ർ​പ​റേ​ഷ​​ന്​ കീ​ഴി​ലു​ള്ള കു​വൈ​ത്ത്​ പെ​ട്രോ​ളി​യം ഇ​ൻ​റ​ർ​നാ​ഷ​ന​ലി​​​െൻറ സി.​ഇ.​ഒ ന​ബീ​ൽ ​ബൂ​റി​സ്​​ലി​യാ​ണ്​ ഇ​തു​സം​ബ​ന്ധി​ച്ച്​ സൂ​ച​ന ന​ൽ​കി​യ​ത്. പ​ദ്ധ​തി​യു​ടെ കൂ​ടു​ത​ൽ വി​ശ​ദാം​ശ​ങ്ങ​ൾ ഒ​ന്നോ ര​ണ്ടോ ആ​ഴ്​​ച​ക്കു​ള്ളി​ൽ പ്ര​ഖ്യാ​പി​ക്കു​മെ​ന്ന്​ ​അ​ദ്ദേ​ഹം അ​റി​യി​ച്ചു. ഇ​ന്ത്യ​യി​ലെ പെ​ട്രോ​ളി​യം കം ​പെ​ട്രോ​കെ​മി​ക്ക​ൽ പ​ദ്ധ​തി​യി​ലാ​ണ്​ കു​വൈ​ത്ത്​ പെ​ട്രോ​ളി​യം ഇ​ൻ​റ​ർ​നാ​ഷ​ന​ൽ നി​ക്ഷേ​പം ന​ട​ത്തു​ക. പ​ദ്ധ​തി​യെ കു​റി​ച്ച്​ കൂ​ടു​ത​ൽ വി​ശ​ദീ​ക​ര​ണ​ത്തി​ന്​ അ​ദ്ദേ​ഹം ത​യാ​റാ​യി​ല്ല. 

ഇ​ന്ത്യ പെ​ട്രോ​ളി​യം മേ​ഖ​ല​യി​ൽ ത​ന്ത്ര​പ​ര​മാ​യ അ​ന്താ​രാ​ഷ്​​ട്ര സ​ഹ​ക​ര​ണ​ത്തി​ന്​ ശ്ര​മി​ച്ചു​വ​രു​ക​യാ​ണ്. ലോ​ക​ത്തി​ലെ ഏ​റ്റ​വും വ​ലി​യ എ​ണ്ണ ശു​ദ്ധീ​ക​ര​ണ​ശാ​ല​ക​ളി​ൽ ഒ​ന്നാ​വാ​ൻ പോ​വു​ന്ന മ​ഹാ​രാ​ഷ്​​ട്ര​യി​ലെ നി​ർ​ദി​ഷ്​​ട ര​ത്​​ന​ഗി​രി റി​ഫൈ​ന​റി ആ​ൻ​ഡ്​ പെ​ട്രോ കെ​മി​ക്ക​ൽ​സി​ൽ ലോ​ക​ത്തി​ലെ ഏ​റ്റ​വും വ​ലി​യ എ​ണ്ണ​ക്ക​മ്പ​നി​യാ​യ സൗ​ദി​യു​ടെ അ​രാം​കോ വ​ൻ നി​ക്ഷേ​പ​ത്തി​നൊ​രു​ങ്ങു​ക​യാ​ണ്.

ഇ​ന്ത്യ​യി​ൽ പൊ​തു​മേ​ഖ​ല​യി​ലെ എ​ണ്ണ​ക്ക​മ്പ​നി​ക​ൾ ചേ​ർ​ന്ന്​ രൂ​പ​വ​ത്​​ക​രി​ച്ച ര​ത്​​ന​ഗി​രി റി​ഫൈ​ന​റി​യി​ൽ 50 ശ​ത​മാ​നം ഒാ​ഹ​രി​ക​ളാ​ണ്​ അ​രാം​കോ സ്വ​ന്ത​മാ​ക്കു​ക. 44 ബി​ല്യ​ൻ ഡോ​ള​ർ ചെ​ല​വി​ലാ​ണ്​ ര​ത്​​ന​ഗി​രി പ​ദ്ധ​തി യാ​ഥാ​ർ​ഥ്യ​മാ​ക്കു​
ന്ന​ത്. 2025ലാ​ണ്​ പ​ദ്ധ​തി പൂ​ർ​ത്തി​യാ​വു​ക. മ​റ്റു വി​ദേ​ശ ക​മ്പ​നി​ക​ൾ​ക്ക്​ ഒാ​ഹ​രി വി​ൽ​ക്കാ​ൻ അ​രാം​കോ​ക്ക്​ അ​വ​കാ​ശ​മു​ണ്ടാ​വും. ഇൗ ​പ​ദ്ധ​തി​യി​ലാ​ണോ കു​വൈ​ത്ത്​ നി​ക്ഷേ​പി​ക്കു​ന്ന​ത്​ എ​ന്ന​ത്​ ഇ​പ്പോ​ൾ വ്യ​ക്​​ത​മ​ല്ല.