ഇ​സ്രാ​യേ​ൽ- ഇ​റാ​ൻ സം​ഘ​ർ​ഷം; സ​മാ​ധാ​ന ശ്ര​മ​ങ്ങ​ൾ...

കു​വൈ​ത്ത് സി​റ്റി: ഇ​സ്രാ​യേ​ൽ- ഇ​റാ​ൻ സം​ഘ​ർ​ഷം ശ​ക്തി​പ്പെ​ട്ട​തോ​ടെ സ​മാ​ധാ​ന ശ്ര​മ​ങ്ങ​ളും ച​ർ​ച്ച​ക​ളും സ​ജീ​വം. യു​ദ്ധം തു​ട​രു​ന്ന​ത് അ​ശാ​ന്തി​യും ആ​ൾ​നാ​ശ​വും വ​ർ​ധി​പ്പി​ക്കു​ക​യും ലോ​ക​ത്തെ പ്ര​തി​കൂ​ല​മാ​യി ബാ​ധി​ക്കു​ക​യും ചെ​യ്യും. മി​ഡി​ലീസ്റ്റിൽ ഇ​ത് വ്യാ​പ​ക പ്ര​ത്യാ​ഘാ​ത​ങ്ങ​ളും സൃ​ഷ്ടി​ക്കും.

സം​ഘ​ർ​ഷം അ​വ​സാ​നി​പ്പി​ക്കാ​നും മേ​ഖ​ല​യു​ടെ സ​മാ​ധാ​ന​വും സു​ര​ക്ഷ​യും നി​ല​നി​ർ​ത്താ​നും ഗ​ൾ​ഫ് രാ​ജ്യ​ങ്ങ​ൾ ഏ​കോ​പ​നം ന​ട​ത്തി​വ​രുക​യാ​ണ്. രാ​ഷ്ട്ര നേ​താ​ക്ക​ളും വി​ദേ​ശ​കാ​ര്യ​മ​ന്ത്രാ​ല​യ​ങ്ങ​ളും ഇ​തി​നാ​യി ശ്ര​മം ന​ട​ത്തി​വ​രു​ന്നു.ഏ​റ്റു​മു​ട്ട​ൽ അ​വ​സാ​നി​പ്പി​ക്കാ​ൻ വ​ർ​ധി​ച്ചു​വ​രു​ന്ന അ​ന്താ​രാ​ഷ്ട്ര സ​മ്മ​ർ​ദ്ദ​ത്തി​നി​ട​യി​ൽ കു​വൈ​ത്തും ന​യ​ത​ന്ത്ര ഇ​ട​പെ​ട​ൽ ശ​ക്ത​മാ​ക്കി. ക​ഴി​ഞ്ഞ ദി​വ​സം കു​വൈ​ത്ത് അ​മീ​ർ ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹ് ഖ​ത്ത​ർ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി​യു​മാ​യി സ​ഥി​തി​ഗ​തി​ക​ൾ വി​ല​യി​രു​ത്തി.

മി​ഡി​ൽ ഈ​സ്റ്റ് മേ​ഖ​ല​യി​ലെ സം​ഭ​വ​വി​കാ​സ​ങ്ങ​ളും ഇ​റാ​നും ഇ​സ്രാ​യേ​ലും ത​മ്മി​ലു​ള്ള നി​ല​വി​ലു​ള്ള സം​ഘ​ർ​ഷ​വും പ്രാ​ദേ​ശി​ക, അ​ന്ത​ർ​ദേ​ശീ​യ സം​ഭ​വ​വി​കാ​സ​ങ്ങ​ളും ഇ​രു​വ​രും ച​ർ​ച്ച ന​ട​ത്തി. നേ​ര​ത്തെ തു​ർ​ക്കി​യ പ്ര​സി​ഡ​ന്റ് റ​ജ​ബ് ത്വ​യ്യി​ബ് ഉ​ർ​ദു​ഗാ​നു​മാ​യും അ​മീ​ർ ച​ർ​ച്ച ന​ട​ത്തി​യി​രു​ന്നു.

വി​ദേ​ശ​കാ​ര്യ​മ​ന്ത്രാ​ല​യ​വും വി​വി​ധ രാ​ജ്യ​ങ്ങ​ളു​മാ​യും എ​കോ​പ​ന​വും ന​ട​ത്തി​വ​രു​ന്നു. വി​ദേ​ശ​കാ​ര്യ​മ​ന്ത്രി അ​ബ്ദു​ല്ല അ​ൽ യ​ഹ്‍യ​യും വി​വി​ധ രാ​ജ്യ​ങ്ങ​ളി​ലെ വി​ദേ​ശ​കാ​ര്യ​മ​ന്ത്രി​മാ​രു​മാ​യി ച​ർ​ച്ച​ക​ൾ ന​ട​ത്തി​വ​രു​ന്നു​ണ്ട്. പ്ര​ശ്ന പ​രി​ഹാ​ര​ത്തി​ന് ഗ​ൾ​ഫ് സ​ഹ​ക​ര​ണ കൗ​ൺ​സി​ലും (ജി.​സി.​സി) നീ​ക്കം ആ​രം​ഭി​ച്ചി​ട്ടു​ണ്ട്.

വി​ദേ​ശ​കാ​ര്യ​മ​ന്ത്രി അ​ബ്ദു​ല്ല അ​ൽ യ​ഹ്‍യ​യു​ടെ അ​ധ്യ​ക്ഷ​ത​യി​ൽ ക​ഴി​ഞ്ഞ ദി​വ​സം ജി.​സി.​സി വി​ദേ​ശ​കാ​ര്യ മ​ന്ത്രി​മാ​രു​ടെ അ​ടി​യ​ന്ത​ര യോ​ഗ​വും ചേ​ർ​ന്നു. സം​ഘ​ർ​ഷം മേ​ഖ​ല​യി​ൽ സൃ​ഷ്ടി​ക്കു​ന്ന പ്ര​തി​സ​ന്ധി പ​രി​ഹ​രി​ക്കാ​നും ഉ​ട​ന​ടി വെ​ടി​നി​ർ​ത്താ​നും യോ​ഗം ആ​വ​ശ്യ​പ്പെ​ട്ടു.

ച​ർ​ച്ച ന​ട​ത്തി കു​വൈ​ത്തും ഇ​റ്റ​ലി​യും

കു​വൈ​ത്ത് സി​റ്റി: മേ​ഖ​ല​യി​ലെ ഏ​റ്റ​വും പു​തി​യ സം​ഭ​വ​വി​കാ​സ​ങ്ങ​ളെ​യും അ​വ​യു​ടെ ആ​ഗോ​ള, മേ​ഖ​ല പ്ര​ത്യാ​ഘാ​ത​ങ്ങ​ളും ച​ർ​ച്ച ചെ​യ്ത് കു​വൈ​ത്തും ഇ​റ്റ​ലി​യും.

ഇ​റ്റ​ലി ഉ​പ​പ്ര​ധാ​ന​മ​ന്ത്രി​യും വി​ദേ​ശ​കാ​ര്യ മ​ന്ത്രി​യു​മാ​യ അ​ന്റോ​ണി​യോ ത​ജാ​നി കു​വൈ​ത്ത് വി​ദേ​ശ​കാ​ര്യ മ​ന്ത്രി അ​ബ്ദു​ല്ല അ​ൽ യ​ഹ്യ​യു​മാ​യി ഫോ​ണി​ൽ ബ​ന്ധ​പ്പെ​ട്ടു സ​ഥി​തി​ഗ​തി​ക​ൾ ചോ​ദി​ച്ച​റി​ഞ്ഞു.

സം​യു​ക്ത ഏ​കോ​പ​നം പ്രോ​ത്സാ​ഹി​പ്പി​ക്കു​ന്ന​തി​നും, പ്രാ​ദേ​ശി​ക സു​ര​ക്ഷ​യും സ്ഥി​ര​ത​യും സം​ര​ക്ഷി​ക്കു​ന്ന​തി​നു​ള്ള അ​ന്താ​രാ​ഷ്ട്ര ശ്ര​മ​ങ്ങ​ൾ വ​ർ​ധി​പ്പി​ക്കു​ന്ന​തി​നു​മു​ള്ള വ​ഴി​ക​ളും ഇ​രു​വ​രും പ​രി​ശോ​ധി​ച്ചു.

കു​വൈ​ത്ത് ഡെ​പ്യൂ​ട്ടി വി​ദേ​ശ​കാ​ര്യ മ​ന്ത്രി ശൈ​ഖ് ജ​റാ​ഹ് ജാ​ബി​ർ അ​ൽ അ​ഹ്മ​ദ് അ​സ്സ​ബാ​ഹി​നെ ബ​ഹ്‌​റൈ​ൻ വി​ദേ​ശ​കാ​ര്യ മ​ന്ത്രാ​ല​യം അ​ണ്ട​ർ​സെ​ക്ര​ട്ട​റി ഖാ​ലി​ദ് അ​ൽ ജ​ല​ഹ്മ ഫോ​ണി​ൽ ബ​ന്ധ​പ്പെ​ട്ടു. മേ​ഖ​ല​യി​ലെ ഏ​റ്റ​വും പു​തി​യ സം​ഭ​വ​വി​കാ​സ​ങ്ങ​ൾ ഇ​രു​വ​രും ച​ർ​ച്ച ചെ​യ്ത​താ​യി വി​ദേ​ശ​കാ​ര്യ മ​ന്ത്രാ​ല​യം അ​റി​യി​ച്ചു.

പൂ​ർ​ണ സ​ജ്ജ​രാ​യി റെ​ഡ് ക്ര​സ​ന്റ് സൊ​സൈ​റ്റി

കു​വൈ​ത്ത് സി​റ്റി: പ്രാ​ദേ​ശി​ക സം​ഭ​വ​വി​കാ​സ​ങ്ങ​ൾ​ക്കി​ട​യി​ൽ ദേ​ശീ​യ​വും മാ​നു​ഷി​ക​വു​മാ​യ പ​ങ്കി​നോ​ടു​ള്ള അ​ച​ഞ്ച​ല​മാ​യ പ്ര​തി​ബ​ദ്ധ​ത വ്യ​ക്ത​മാ​ക്കി കു​വൈ​ത്ത് റെ​ഡ് ക്ര​സ​ന്റ് സൊ​സൈ​റ്റി (കെ.​ആ​ർ.​സി.​എ​സ്). പൗ​ര​ന്മാ​രു​ടെ സു​ര​ക്ഷ​ക്കും ക്ഷേ​മ​ത്തി​നും ത​ങ്ങ​ൾ മു​ൻ​ഗ​ണ​ന ന​ൽ​കു​ന്ന​താ​യി കെ.​ആ​ർ.​സി.​എ​സ് ചെ​യ​ർ​മാ​ൻ അം​ബാ​സ​ഡ​ർ ഖാ​ലി​ദ് അ​ൽ മാ​ഗെ​യിം​സ് വ്യ​ക്ത​മാ​ക്കി.

പ​ദ്ധ​തി​യു​ടെ ഭാ​ഗ​മാ​യി കെ.​ആ​ർ.​സി.​എ​സ് ഒ​ന്നി​ല​ധി​കം ഫീ​ൽ​ഡ്, ലോ​ജി​സ്റ്റി​ക്ക​ൽ ന​ട​പ​ടി​ക​ൾ സ​ജീ​വ​മാ​ക്കി​യി​ട്ടു​ണ്ട്. പ​രി​ശീ​ല​നം ല​ഭി​ച്ച സ​ന്ന​ദ്ധ​പ്ര​വ​ർ​ത്ത​ക​രും ജീ​വ​ന​ക്കാ​രും അ​ട​ങ്ങു​ന്ന റാ​പ്പി​ഡ് റെ​സ്‌​പോ​ൺ​സ് ടീ​മു​ക​ൾ സ​ജ്ജ​മാ​ണ്. വെ​യ​ർ​ഹൗ​സു​ക​ളി​ൽ ദു​രി​താ​ശ്വാ​സ സാ​മ​ഗ്രി​ക​ളും മെ​ഡി​ക്ക​ൽ ഇ​ന​ങ്ങ​ളും ആ​വ​ശ്യ​ത്തി​ന് ഉ​ണ്ടെ​ന്നും അ​റി​യി​ച്ചു.

സി​വി​ൽ ഡി​ഫ​ൻ​സു​മാ​യി സ​ഹ​ക​രി​ച്ച് പ്ര​ഥ​മ​ശു​ശ്രൂ​ഷ, ദു​ര​ന്ത പ്ര​തി​ക​ര​ണം, അ​ന്താ​രാ​ഷ്ട്ര മാ​നു​ഷി​ക നി​യ​മം എ​ന്നി​വ​യി​ൽ പ്ര​ത്യേ​ക പ​രി​ശീ​ല​ന പ​രി​പാ​ടി​ക​ളും സം​ഘ​ടി​പ്പി​ക്കു​ന്നു​ണ്ടെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.