പത്തനംതിട്ട സ്വദേശി കുവൈത്തിൽ നിര്യാതനായി

കുവൈത്ത്​ സിറ്റി: പത്തനംതിട്ട മല്ലപ്പള്ളി സ്വദേശി കുവൈത്തിൽ കോവിഡ്​ ചികിത്സയിലിരിക്കെ നിര്യാതനായി. മല്ലപ്പള്ളി പുതുച്ചേരി തൈക്കൂട്ടത്തിൽ പരേതനായ രാജപ്പപണിക്കരുടെ മകൻ അജികുമാരൻ നായർ (49) ആണ്​ മരിച്ചത്​. ഭാര്യ: രാജി ചാന്ദ്ര. മക്കൾ: അർജുൻ, അശ്വിൻ. ഫേസ് ഇൻറർനാഷനൽ കൺസൾട്ടൻസി ഡ്രാഫ്റ്റ്മാനായിരുന്നു. ഫോക്കസ് കുവൈത്ത്​ യൂണിറ്റ് രണ്ടിലെ സജീവ അംഗമാണ്​. മുൻ ജോയൻറ്​ ട്രഷറർ, ഓഡിറ്റർ, വെൽഫെയർ ജോയൻറ്​ കൺവീനർ പദവികൾ വഹിച്ചിട്ടുണ്ട്​.