ഫ​ല​സ്തീ​ൻ വ​നി​ത​ക​ളു​ടെ വീ​രോ​ചി​ത പ​ങ്കി​നെ ഉ​യ​ർ​ത്തി​ക്കാ​ട്ടി കു​വൈ​ത്ത്

കു​വൈ​ത്ത് സി​റ്റി: ഇ​സ്രാ​യേ​ൽ അ​ധി​നി​വേ​ശ​ത്തി​ന്റെ ഭീ​ക​ര​മാ​യ പ്ര​തി​സ​ന്ധി​ക​ൾ​ക്കി​ട​യി​ലും പ്ര​തി​രോ​ധം, വീ​ര​ത്വം, ധീ​ര​ത, നി​ര​ന്ത​ര ത്യാ​ഗ​ങ്ങ​ൾ എ​ന്നി​വ​ക്ക് ഫ​ല​സ്തീ​ൻ ജ​ന​ത​ക്കും ഫ​ല​സ്തീ​ൻ സ്ത്രീ​ക​ൾ​ക്കും കു​വൈ​ത്ത് പ്ര​ത്യേ​ക പി​ന്തു​ണ ആ​വ​ർ​ത്തി​ച്ചു. ‘ഇ​സ്‍ലാ​മി​ലെ സ്ത്രീ: ​പ​ദ​വി​യും ശാ​ക്തീ​ക​ര​ണ​വും’ എ​ന്ന അ​ന്താ​രാ​ഷ്ട്ര കോ​ൺ​ഫ​റ​ൻ​സി​ൽ കു​വൈ​ത്ത് പ്ര​തി​നി​ധി സം​ഘം മേ​ധാ​വി​യും മ​നു​ഷ്യാ​വ​കാ​ശ അ​സി​സ്റ്റ​ന്റ് വി​ദേ​ശ​കാ​ര്യ മ​ന്ത്രി​യു​മാ​യ അം​ബാ​സ​ഡ​ർ ശൈ​ഖ ജ​വ​ഹ​ർ ഇ​ബ്രാ​ഹിം അ​സ്സ​ബാ​ഹ് ന​ട​ത്തി​യ പ്ര​സം​ഗ​ത്തി​ലാ​ണ് പി​ന്തു​ണ. സൗ​ദി വി​ദേ​ശ​കാ​ര്യ മ​ന്ത്രാ​ല​യ​വും ഓ​ർ​ഗ​നൈ​സേ​ഷ​ൻ ഓ​ഫ് ഇ​സ്‌​ലാ​മി​ക് കോ​ഓ​പ​റേ​ഷ​ൻ ജ​ന​റ​ൽ സെ​ക്ര​ട്ടേ​റി​യ​റ്റും സം​യു​ക്ത​മാ​യി ജി​ദ്ദ​യി​ലാ​ണ് സ​മ്മേ​ള​നം സം​ഘ​ടി​പ്പി​ച്ച​ത്.

ദാ​രു​ണ​മാ​യ സാ​ഹ​ച​ര്യ​ങ്ങ​ളി​ലൂ​ടെ​യാ​ണ് ഫ​ല​സ്തീ​നി​യ​ൻ സ്ത്രീ​ക​ൾ ക​ട​ന്നു​പോ​കു​ന്ന​ത്. ഇ​ര​ക​ളാ​ക്ക​പ്പെ​ടു​ന്ന​വ​രി​ൽ 70 ശ​ത​മാ​നം സ്ത്രീ​ക​ളും കു​ട്ടി​ക​ളു​മാ​ണ്. മാ​നു​ഷി​ക അ​ന്താ​രാ​ഷ്ട്ര നി​യ​മ​ങ്ങ​ളു​ടെ ലം​ഘ​ന​മാ​ണ് ഇ​സ്രാ​യേ​ൽ ന​ട​ത്തു​ന്ന​തെ​ന്നും ശൈ​ഖ ജ​വ​ഹ​ർ ഇ​ബ്രാ​ഹിം അ​സ്സ​ബാ​ഹ് പ​റ​ഞ്ഞു. സ്ത്രീ​ക​ളെ സ​മൂ​ഹ​ത്തി​ലെ അ​നി​വാ​ര്യ​വും സ​ജീ​വ​വു​മാ​യ പ​ങ്കാ​ളി​ക​ളാ​യാ​ണ് കു​വൈ​ത്ത് കാ​ണു​ന്ന​ത്.

കു​വൈ​ത്ത് ഭ​ര​ണ​ഘ​ട​ന സ്ത്രീ​ക​ളു​ടെ അ​വ​കാ​ശ​ങ്ങ​ൾ നി​ർ​വ​ചി​ക്കു​ക​യും സ്ത്രീ​ക​ൾ​ക്കും പു​രു​ഷ​ന്മാ​ർ​ക്കും ഇ​ട​യി​ലു​ള്ള തു​ല്യ​ത​യെ അ​ട​യാ​ള​പ്പെ​ടു​ത്തു​ന്നു​മു​ണ്ട്. ദേ​ശീ​യ തൊ​ഴി​ൽ ശ​ക്തി​യി​ൽ 58 ശ​ത​മാ​ന​വും സ്ത്രീ​ക​ളാ​ണ്. 48 ശ​ത​മാ​നം സ്വ​കാ​ര്യ മേ​ഖ​ല​യി​ലും 60 ശ​ത​മാ​നം പൊ​തു​മേ​ഖ​ല​യി​ലും ജോ​ലി ചെ​യ്യു​ന്നു. നേ​തൃ​ത​ല​ത്തി​ൽ 28 ശ​ത​മാ​നം സ്ത്രീ​ക​ളു​ണ്ട്. പ്ര​തി​രോ​ധ മ​ന്ത്രാ​ല​യ​ത്തി​ലെ നേ​തൃ​സ്ഥാ​ന​ങ്ങ​ളി​ൽ 47 ശ​ത​മാ​ന​വും സൈ​നി​ക എ​ൻ​ജി​നീ​യ​റി​ങ് ത​സ്തി​ക​ക​ളി​ൽ 43 ശ​ത​മാ​ന​വും സ്ത്രീ​ക​ൾ വ​ഹി​ക്കു​ന്ന​താ​യും അ​വ​ർ വ്യ​ക്ത​മാ​ക്കി.