ഫ​ല​സ്തീ​ൻ ഐ​ക്യ​ദാ​ർ​ഢ്യം; ആ​ഘോ​ഷ പ​രി​പാ​ടി​ക​ൾ നി​ർ​ത്തി​വെ​ച്ച് കു​വൈ​ത്ത്

കു​വൈ​ത്ത് സി​റ്റി: ഇ​സ്രാ​യേ​ൽ അ​ധി​നി​വേ​ശ​ത്തി​നെ​തി​രെ ചെ​റു​ത്തു​നി​ൽ​പ് ന​ട​ത്തു​ന്ന ഫ​ല​സ്തീ​ൻ ജ​ന​ത​യോ​ട് ഐ​ക്യ​ദാ​ർ​ഢ്യ​വു​മാ​യി കു​വൈ​ത്ത്. ഫ​ല​സ്തീ​ൻ ജ​ന​ത​ക്കും ര​ക്ത​സാ​ക്ഷി​ക​ൾ​ക്കും ഐ​ക്യ​ദാ​ർ​ഢ്യം പ്ര​ഖ്യാ​പി​ച്ച് രാ​ജ്യ​ത്തെ എ​ല്ലാ ആ​ഘോ​ഷ പ​രി​പാ​ടി​ക​ളും നി​ർ​ത്തി​വെ​ക്കാ​ന്‍ വ്യാ​ഴാ​ഴ്ച അ​ടി​യ​ന്ത​ര​മാ​യി കൂ​ടി​യ മ​ന്ത്രി​മാ​രു​ടെ കൗ​ൺ​സി​ൽ നി​ർ​ദേ​ശം ന​ല്‍കി.

ഫ​ല​സ്തീ​ന് പി​ന്തു​ണ ന​ൽ​കു​ന്ന കു​വൈ​ത്തി​ന്റെ സ്ഥി​രം നി​ല​പാ​ടി​ന് അ​നു​സ​രി​ച്ചാ​ണ് തീ​രു​മാ​ന​മെ​ന്ന് സ​ർ​ക്കാ​ർ ക​മ്യൂ​ണി​ക്കേ​ഷ​ൻ സെ​ന്റ​ർ അ​തി​ന്റെ എ​ക്‌​സ് വെ​ബ്‌​സൈ​റ്റി​ൽ അ​റി​യി​ച്ചു.

ഫ​ല​സ്തീ​നെ​തി​രാ​യ ഇ​സ്രാ​യേ​ൽ ആ​ക്ര​മ​ണ​ത്തി​നെ​തി​രെ ശ​ക്ത​മാ​യ പ്ര​തി​ഷേ​ധ​മാ​ണ് കു​വൈ​ത്തി​ല്‍ ഉ​യ​രു​ന്ന​ത്. ഫ​ല​സ്തീ​ൻ ജ​ന​ത​ക്കൊ​പ്പം നി​ല​കൊ​ള്ളു​ന്ന​തി​ലും പൂ​ർ​ണ​മാ​യ അ​വ​കാ​ശ​ങ്ങ​ൾ നേ​ടി​യെ​ടു​ക്കു​ന്ന​തി​ൽ അ​വ​രെ പി​ന്തു​ണ​ക്കു​ന്ന​തി​ലും കു​വൈ​ത്ത് ഭ​ര​ണ​കൂ​ട​ത്തി​ന്റെ ഉ​റ​ച്ച​തും ത​ത്ത്വാ​ധി​ഷ്‌​ഠി​ത​വു​മാ​യ നി​ല​പാ​ട് മ​ന്ത്രി​സ​ഭ നേ​ര​ത്തെ വ്യ​ക്ത​മാ​ക്കി​യി​രു​ന്നു. അ​റ​ബ് മേ​ഖ​ല​യി​ലെ വി​വി​ധ രാ​ജ്യ​ങ്ങ​ളി​ലെ മ​ന്ത്രി​മാ​രു​മാ​യും കു​വൈ​ത്ത് മ​ന്ത്രി​മാ​ർ സ്ഥി​തി​ഗ​തി​ക​ൾ വി​ല​യി​രു​ത്തു​ന്നു​ണ്ട്.

കു​വൈ​ത്ത് പാ​ര്‍ല​മെ​ന്റ് അം​ഗ​ങ്ങ​ൾ ഫ​ല​സ്തീ​ൻ ജ​ന​ത​ക്ക് നേ​ര​ത്തെ പൂ​ർ​ണ പി​ന്തു​ണ പ്ര​ഖ്യാ​പി​ച്ചി​ട്ടു​ണ്ട്. ഫ​ല​സ്തീ​ൻ ജ​ന​ത​യോ​ട് ഐ​ക്യ​ദാ​ർ​ഢ്യം പ്ര​ഖ്യാ​പി​ച്ച് കു​വൈ​ത്ത് വി​മ​ൻ അ​സോ​സി​യേ​ഷ​നു​ക​ളു​ടെ യൂ​നി​യ​നും നി​ല​പാ​ട് വ്യ​ക്ത​മാ​ക്കി. ഫ​ല​സ്തീ​ൻ ജ​ന​ത​ക്ക് ഭ​ക്ഷ​ണ​വും വൈ​ദ്യ​സ​ഹാ​യ​വും ന​ൽ​കാ​ൻ ല​ക്ഷ്യ​മി​ട്ടു​ള്ള ‘എ​യ്ഡ് ഫ​ല​സ്തീ​ൻ’ കാ​മ്പ​യി​ന് കു​വൈ​ത്ത് റെ​ഡ് ക്ര​സ​ന്റ് സൊ​സൈ​റ്റി (കെ.​ആ​ർ.​സി.​എ​സ്) തു​ട​ക്ക​മി​ട്ടി​ട്ടു​ണ്ട്.

സാ​മൂ​ഹി​ക​കാ​ര്യ മ​ന്ത്രാ​ല​യം അ​ടി​യ​ന്ത​ര ദു​രി​താ​ശ്വാ​സ കാ​മ്പ​യി​നും ആ​രം​ഭി​ച്ചു. ഫ​ല​സ്തീ​നി​ക​ളെ ചി​കി​ത്സി​ക്കു​ന്ന​തി​നാ​യി മെ​ഡി​ക്ക​ൽ, സ​ർ​ജി​ക്ക​ൽ ടീ​മു​ക​ൾ രൂ​പ​വ​ത്ക​രി​ക്കാ​നു​ള്ള സ​ന്ന​ദ്ധ​ത കു​വൈ​ത്ത് സ​ർ​ജ​ൻ​സ് അ​സോ​സി​യേ​ഷ​ൻ അ​റി​യി​ച്ചി​ട്ടു​ണ്ട്. കു​വൈ​ത്ത് സൊ​സൈ​റ്റി ഫോ​ർ റി​ലീ​ഫും ഫ​ല​സ്തീ​ൻ ജ​ന​ത​ക്കാ​യി ദു​രി​താ​ശ്വാ​സ കാ​മ്പ​യി​നു​മാ​യി രം​ഗ​ത്തു​ണ്ട്.

പി​ന്തു​ണ​യു​മാ​യി സി​വി​ൽ സൊ​സൈ​റ്റി സം​ഘ​ട​ന​ക​ൾ

കു​വൈ​ത്ത് സി​റ്റി: ഇ​സ്രാ​യേ​ൽ ആ​ക്ര​മ​ണം അ​വ​സാ​നി​പ്പി​ക്കാ​ൻ അ​ന്താ​രാ​ഷ്ട്ര സ​മൂ​ഹ​ത്തോ​ട് ആ​വ​ശ്യ​പ്പെ​ട്ട് കു​വൈ​ത്ത് സി​വി​ൽ സൊ​സൈ​റ്റി സം​ഘ​ട​ന​ക​ൾ. ഫ​ല​സ്തീ​ൻ ജ​ന​ത​യോ​ട് ഐ​ക്യ​ദാ​ർ​ഢ്യം പ്ര​ക​ടി​പ്പി​ച്ചും ആ​ക്ര​മ​ണ​ങ്ങ​ൾ അ​വ​സാ​നി​പ്പി​ക്കാ​ൻ ആ​വ​ശ്യ​പ്പെ​ട്ടും 40 കു​വൈ​ത്ത് സി​വി​ൽ സൊ​സൈ​റ്റി സം​ഘ​ട​ന​ക​ൾ രം​ഗ​ത്തെ​ത്തി.

ഫ​ല​സ്തീ​ൻ ജ​ന​ത​യു​ടെ സം​ര​ക്ഷ​ണ​ത്തി​നും ഇ​സ്രാ​യേ​ൽ ന​ട​ത്തു​ന്ന ക്രൂ​ര​മാ​യ ആ​ക്ര​മ​ണ​ങ്ങ​ൾ അ​വ​സാ​നി​പ്പി​ക്കു​ന്ന​തി​നു​മു​ള്ള ഉ​ത്ത​ര​വാ​ദി​ത്തം ഏ​റ്റെ​ടു​ക്കാ​ൻ അ​ന്താ​രാ​ഷ്ട്ര സ​മൂ​ഹ​ത്തോ​ട് സം​ഘ​ട​ന​ക​ൾ സം​യു​ക്ത പ്ര​സ്താ​വ​ന​യി​ൽ ആ​വ​ശ്യ​പ്പെ​ട്ടു.

ഫ​ല​സ്തീ​ൻ ജ​ന​ത​ക്കും സ്വ​ത്തി​നും ഇ​സ്‌​ലാ​മി​ക, ക്രി​സ്ത്യ​ൻ പു​ണ്യ​സ്ഥ​ല​ങ്ങ​ളു​ടെ നേ​രെ​യു​ള്ള ന​ട​പ​ടി​ക​ൾ, അ​ന​ധി​കൃ​ത കു​ടി​യേ​റ്റം എ​ന്നി​വ അ​വ​സാ​നി​പ്പി​ക്ക​ണം. ഫ​ല​സ്തീ​ൻ ര​ണ്ട് പ​തി​റ്റാ​ണ്ടു​ക​ളാ​യി ഇ​സ്രാ​യേ​ലി​ന്റെ ക്രൂ​ര​മാ​യ ആ​ക്ര​മ​ണ​ങ്ങ​ൾ​ക്ക് സാ​ക്ഷ്യം വ​ഹി​ക്കു​ന്ന​താ​യി എ​ൻ.​ജി.​ഒ​ക​ൾ അ​നു​സ്മ​രി​ച്ചു. ഫ​ല​സ്തീ​ൻ ജ​ന​ത​യോ​ടു​ള്ള ഇ​സ്രാ​യേ​ൽ ക്രൂ​ര​ത മ​റ​ക്കാ​നോ പൊ​റു​ക്കാ​നോ ക​ഴി​യി​ല്ലെ​ന്നും ചൂ​ണ്ടി​ക്കാ​ട്ടി.