ഫുനൈതീസിൽ മെഡിക്കൽ കൗൺസിൽ ശാഖ ആരംഭിച്ചു

കുവൈത്ത് സിറ്റി: അഹ്മദി ഗവർണറേറ്റിലെ ഫുനൈതീസിൽ ജനറൽ മെഡിക്കൽ കൗൺസിൽ ശാഖ പ്രവർത്തനം ആരംഭിച്ചു. ആരോഗ്യമന്ത്രി ഡോ. ഖാലിദ് അൽ സയീദ് മെഡിക്കൽ കൗൺസിൽ ഉദ്‌ഘാടനം ചെയ്തു.

പൗരന്മാർക്കുള്ള ആരോഗ്യ സേവനങ്ങൾ എളുപ്പമാക്കാനായി എല്ലാ ഗവർണറേറ്റുകളിലും മെഡിക്കൽ കൗൺസിൽ ശാഖകൾ ആരംഭിക്കാൻ ആരോഗ്യമന്ത്രാലയത്തിന് പദ്ധതിയുള്ളതായി മന്ത്രി പറഞ്ഞു. ആരോഗ്യമന്ത്രാലയത്തിലെ ഉന്നത ഉദ്യോഗസ്ഥരും ഉദ്‌ഘാടന ചടങ്ങിൽ പങ്കെടുത്തു.