ഒാൺലൈൻ പഠനം: വിദ്യാർഥികൾക്ക് ടി.വി നൽകി

കുവൈത്ത്​ സിറ്റി: ഓണ്‍ലൈന്‍ പഠനസൗകര്യമില്ലാത്ത വിദ്യാർഥികൾക്ക് ആലപ്പുഴ ഡിസ്ട്രിക്ട് അസോസിയേഷൻ കുവൈത്ത്​ (അഡാക്​) ടി.വി വിതരണം ചെയ്തു. ആലപ്പുഴ ജില്ലയിലെ വിവിധ പ്രദേശങ്ങളിൽ ടെലിവിഷൻ വിതരണം ചെയ്യുന്നതി​​െൻറ ജില്ലതല ഉദ്​ഘാടനം മാവേലിക്കര എം.എൽ.എ ആർ. രാജേഷ് നിർവഹിച്ചു. പ്രവാസികൾ എക്കാലവും സമൂഹത്തോട് കാണിക്കുന്ന പ്രതിബദ്ധത അവിസ്മരണീയമാണെന്നും ആലപ്പുഴ ഡിസ്ട്രിക്ട് അസോസിയേഷൻ കുവൈത്തി​​െൻറ പ്രവർത്തനങ്ങൾ മാതൃകാപരമാണെന്നും എം.എൽ.എ പറഞ്ഞു.

ചുനക്കര ഗ്രാമപഞ്ചായത്ത് പ്രസിഡൻറ്​ ശാന്ത ഗോപാലകൃഷ്ണൻ അധ്യക്ഷത വഹിച്ചു. ബ്ലോക്ക്​ പഞ്ചായത്തംഗം സഞ്​ജു, വാർഡംഗങ്ങളായ പി.എം. രവി, ശോഭകുമാരി, ചുനക്കര യു.പി സ്​കൂൾ പ്രധാനാധ്യാപിക ഡി. ഉമ, പി.ടി.എ പ്രസിഡൻറ്​ പ്രവീൺ തുടങ്ങിയവർ പ​െങ്കടുത്തു. മനോജ് റോയ്, രഞ്ജിത് രവി, ദിനേശ് ചുനക്കര എന്നിവർ പരിപാടികൾക്ക് നേതൃത്വം നൽകി.