ഒാൺലൈനാക്കി കച്ചവടം വർധിപ്പിക്കാം, കെ.എം സ്​റ്റോറിലൂടെ

കുവൈത്ത്​ സിറ്റി: ഒാൺലൈനി​​െൻറ വരവോടെ നാട്ടിലെ ചെറുകിട വ്യാപാര സ്ഥാപനങ്ങൾക്ക്​ നഷ്​ടമായ കച്ചവടം ഒാൺലൈൻ ബിസിനസിലൂടെതന്നെ തിരിച്ചുപിടിക്കാൻ അവസരമൊരുക്കുകയാണ്​ കേരള മാർക്കറ്റ്​ സ്​റ്റോർ അഥവാ കെ.എം സ്​റ്റോർ എന്ന നവീന ആശയം. വെബ്​സൈറ്റ്​ ഉണ്ടാക്കൽ, പ്രോഡക്​ട്​ ലിസ്​റ്റ്​ ചെയ്യൽ, ഡിജിറ്റൽ മാർക്കറ്റിങ്​ തുടങ്ങിയവയുടെ സങ്കീർണതകളും പണച്ചെലവുമായിരുന്നു ചെറുകിട ബിസിനസുകാർക്ക്​ ഒാൺലൈൻ വ്യാപാരത്തിലേക്ക്​ ഇറങ്ങിച്ചെല്ലാൻ തടസ്സമായി നിന്നത്​. എന്നാൽ kmstore.in എന്ന ഡിജിറ്റൽ പ്ലാറ്റ്ഫോമിൽ രജിസ്​റ്റർ ചെയ്യുന്നതോടെ ചെറുകിട കച്ചവടക്കാർക്കും ഒാൺലൈൻ വ്യാപാരത്തി​​െൻറ ഭാഗമാവാം. ഈ വെബ്സൈറ്റിൽ രജിസ്​റ്റർ ചെയ്​താൽ കച്ചവടക്കാർക്ക് അവരുടെ സ്ഥാപനത്തി​​െൻറ പേരിൽതന്നെ ഓൺലൈൻ സ്​റ്റോർ ലഭിക്കുന്നതാണ്. അതിൽ അവർക്ക് അവരുടെ പ്രോഡക്ടുകൾ ലിസ്​റ്റ്​ ചെയ്യാം. അതത്​ പ്രദേശങ്ങളിലോ സമീപ പ്രദേശങ്ങളെകൂടി ഉൾപ്പെടുത്തി വിപുലമായോ സംസ്ഥാന തലത്തിലോ മാർക്കറ്റ്​ ചെയ്യാനും സഹായിക്കും.

സ്വന്തമായി കേക്ക് പോലെയുള്ള ഉൽപന്നങ്ങൾ വീട്ടിൽ ഉണ്ടാക്കി വിൽക്കുന്ന പുതു സംരംഭകർക്കും ഓൺലൈൻ ബിസിനസി​​െൻറ സാധ്യതകൾ തേടാം എന്നതും സവിശേഷതയാണ്. കെ.എം സ്​റ്റോർ ആപ് അല്ലെങ്കിൽ വെബ്സൈറ്റ് തുറക്കുന്ന ഉപഭോക്താവിന്​ മുന്നിൽ പ്രത്യക്ഷപ്പെടുക അതത്​ പ്രദേശത്തെ രജിസ്​റ്റർ ചെയ്​ത വ്യാപാര സ്ഥാപനങ്ങളാണ്. സ്​റ്റോറിലുള്ള ഉൽപന്നങ്ങളെല്ലാം ഈ വെർച്വൽ സ്​റ്റോറിൽനിന്നും വാങ്ങാൻ കഴിയും. ഇടപാട്​ കടയുടമയും ഉപഭോക്താവും നേരിട്ടാണ്​. കെ.എം സ്​റ്റോർ ഇവരെ ബന്ധപ്പെടുത്തുന്ന ഒരു ഡിജിറ്റൽ പ്ലാറ്റ്​ഫോം മാത്രമാണ്​. KMStoreൽ  രജിസ്​റ്റർ ചെയ്യുന്നതോടെ കച്ചവടക്കാര്‍ക്ക് അവരവരുടെ സ്ഥാപനത്തെ അതത് പ്രദേശങ്ങളിൽ ഡിജിറ്റലായി പരസ്യം ചെയ്യാൻ  അവസരം ഒരുക്കുന്നുമുണ്ട്. 

ഈ സേവനത്തിന് ഒരു വർഷത്തേക്ക് കച്ചവടക്കാർക്ക് ചെലവ്​ 2000 രൂപയാണ്. ലോക്ഡൗണി​​െൻറ പശ്ചാത്തലത്തിൽ ഇപ്പോൾ രജിസ്​റ്റർ ചെയ്യുന്ന കച്ചവടക്കാർക്ക് ഈ സേവനം ഒരു വർഷം സൗജന്യമായി നൽകും. www.kmstore.in എന്ന വെബ്‌സൈറ്റിന് പുറമെ ആൻഡ്രോയ്​ഡ്​ ഫോണുകളിലും ​ഐഫോണിലും മൊബൈൽ ആപ്​ ലഭ്യമാണ്​. ഏതുതരം ബിസിനസിനും സർവിസ്​ സെക്​ടറിനും ഈ  പ്ലാറ്റ്ഫോം ഉപയോഗപ്പെടുത്താം. എൻജിനീയറിങ്​ പഠനം പൂർത്തിയായ​ റോഷൻ എന്ന മലയാളി യുവാവി​​െൻറ സ്​റ്റാർട്ടപ് ​സംരംഭമാണ്​ കേരള മാർക്കറ്റ് സ്​റ്റോർ.