വിലക്ക്​ ലംഘിച്ച്​ ഇപ്പോഴും ഓൺലൈൻ ക്ലാസുകൾ

കുവൈത്ത്​ സിറ്റി: അവധിക്കാലത്ത്​ ഒാൺലൈൻ ക്ലാസ്​ നടത്തരുതെന്ന​ വിദ്യാഭ്യാസ മന്ത്രാലയത്തി​​െൻറ നിർദേശം ലംഘി ച്ച്​ ഇപ്പോഴും വിവിധ സ്​കൂളുകൾ ഒാൺലൈനായി ക്ലാസ്​ നടത്തുന്നു. ആദ്യം പത്താം ക്ലാസുകാർക്കാണ്​ നടത്തിയിരു​ന്നതെങ്കിൽ ഇപ്പോൾ ചെറിയ ക്ലാസുകൾക്കും ആരംഭിച്ചിട്ടുണ്ട്​.

നേരത്തെ ചില രക്ഷിതാക്കൾ വിദ്യാഭ്യാസ മന്ത്രാലയത്തിന്​ പരാതി നൽകിയതി​​െൻറ അടിസ്ഥാനത്തിൽ ഇത്​ ചെയ്യരുതെന്ന്​ വിദ്യാഭ്യാസ മന്ത്രാലയം അസിസ്​റ്റൻറ്​ അണ്ടർ സെക്രട്ടറി അബ്​ദുൽ മുഹ്​സിൻ അൽ ഹുവൈലയുടെ നേരിട്ടുള്ള നിർദേശ പ്രകാരം സ്വകാര്യ വിദ്യാഭ്യാസ വകുപ്പ്​ മാനേജർ സനദ്​ അൽ മുതൈരി സ്​കൂളുകൾക്ക്​ സർക്കുലർ അയച്ചിരുന്നു. ഇതിന്​ വില കൽപിക്കാതെയാണ്​ ഒാൺലൈൻ പ്ലാറ്റ്​ഫോമുകളിലൂടെ ചില സ്വകാര്യ സ്​കൂളുകൾ വെബ്​ സ്​ട്രീമിങ്​ വഴി ക്ലാസുകൾ നടത്തുന്നത്​.

കോവിഡ്​ 19​​െൻറ പശ്ചാത്തലത്തിൽ കുവൈത്തിൽ സ്​കൂളുകൾക്ക്​ ദീർഘകാല അവധിയാണ്​. ​ഗ്രേഡ്​ 12ന്​ ആഗസ്​റ്റിൽ തുറക്കാനും ബാക്കിയുള്ള ഗ്രേഡുകൾക്ക്​ ഒക്​ടോബറിൽ തുറക്കാനുമാണ്​ നിലവിലെ തീരുമാനം. ദീർഘകാല അവധി നൽകേണ്ടി വരു​േമ്പാഴുള്ള പ്രതിസന്ധി മറികടക്കാൻ ഇൗ വർഷം കരിക്കുലം വെട്ടിക്കുറക്കുന്നതും ​പരീക്ഷക്ക്​ ശേഷമുള്ള പൊതു അവധി റദ്ദാക്കുന്നതും ഉൾപ്പെടെയുള്ള സാധ്യതകൾ ആണ്​ പരിഗണിക്കുന്നത്​.