സാ​ൽ​മി​യ​യി​ൽ ഒ​രു മ​ര​ണം തീ​പി​ടി​ത്ത കേ​സു​ക​ൾ വ​ർ​ധി​ച്ചു; ജാ​ഗ്ര​ത അ​നി​വാ​ര്യം

കു​വൈ​ത്ത് സി​റ്റി: രാ​ജ്യ​ത്ത് താ​പ​നി​ല ഉ​യ​ർ​ന്നു തു​ട​ങ്ങി​യ​തോ​ടെ തീ​പി​ടി​ത്ത കേ​സു​ക​ളും വ​ർ​ധി​ച്ചു. ദി​വ​സ​വും കു​റ​ഞ്ഞ​ത് ഒ​രു കേ​സെ​ങ്കി​ലും നി​ല​വി​ൽ റി​പ്പോ​ർ​ട്ട് ചെ​യ്യ​പ്പെ​ടു​ന്നു​ണ്ട്. തി​ങ്ക​ളാ​ഴ്ച രാ​ത്രി സാ​ൽ​മി​യ​യി​ലെ അ​പ്പാ​ർ​ട്ട്മെ​ന്റ് കെ​ട്ടി​ട​ത്തി​ലു​ണ്ടാ​യ തീ​പി​ടി​ത്ത​ത്തി​ൽ ഒ​രാ​ൾ മ​രി​ച്ചു.

അ​പ​ക​ട​ത്തി​ന് പി​റ​കെ താ​ഴേ​ക്ക് ചാ​ടി​യ​താ​ണ് മ​ര​ണ​കാ​ര​ണം. ആ​ളി​ക്ക​ത്തി​യ തീ ​ജ​ന​ങ്ങ​ളെ ആ​ശ​ങ്ക​യി​ലാ​ക്കി. സാ​ൽ​മി​യ, അ​ൽ ബി​ദ ഫ​യ​ർ സ്റ്റേ​ഷ​നു​ക​ളി​ൽ നി​ന്നു​ള്ള അ​ഗ്നി​ശ​മ​ന സേ​നാം​ഗ​ങ്ങ​ൾ ഉ​ട​ൻ സ്ഥ​ല​ത്തെ​ത്തി ര​ക്ഷാ​പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ചു. മ​ണി​ക്കൂ​റു​ക​ൾ എ​ടു​ത്താ​ണ് തീ ​പൂ​ർ​ണ​മാ​യും നി​യ​ന്ത്ര​ണ​വി​ധേ​യ​മാ​ക്കി​യ​ത്. ചൊ​വ്വാ​ഴ്ച രാ​വി​ലെ​യും സാ​ൽ​മി​യ​യി​ലെ ഒ​രു അ​പ്പാ​ർ​ട്ട്മെ​​ന്റി​ൽ തീ​പി​ടി​ത്ത​മു​ണ്ടാ​യി. കാ​ര്യ​മാ​യ പ​രി​ക്കു​ക​ളില്ലാ​തെ അ​ഗ്നി​ശ​മ​ന സേ​നാം​ഗ​ങ്ങ​ൾ തീ ​നി​യ​ന്ത്ര​ണ​വി​ധേ​യ​മാ​ക്കി. ഞാ​യ​റാ​ഴ്ച ഹ​വ​ല്ലി​ലെ വീ​ട്ടി​ലും തീ​പി​ടി​ത്ത​മു​ണ്ടാ​യി​രു​ന്നു.തീ​പി​ടി​ത്ത​ങ്ങ​ൾ വ​ർ​ധി​ച്ച​തോ​ടെ സു​ര​ക്ഷ സം​വി​ധാ​ന​ങ്ങ​ൾ കാ​ര്യ​ക്ഷ​മ​മാ​ക്കാ​ൻ കു​വൈ​ത്ത് ഫ​യ​ർ​ഫോ​ഴ്സ് ഉ​ണ​ർ​ത്തി. തീ​പി​ടി​ത്തം ത​ട​യു​ന്ന​തി​നു​ള്ള മാ​ർ​ഗ​നി​ർ​ദേ​ശ​ങ്ങ​ൾ പാ​ലി​ക്ക​ണ​മെ​ന്ന് സ്വ​ദേ​ശി​ക​ളോ​ടും പ്ര​വാ​സി​ക​ളോ​ടും ഫ​യ​ർ​ഫോ​ഴ്സ് അ​ഭ്യ​ർ​ഥി​ച്ചു. തീ​പി​ടി​ത്ത കേ​സു​ക​ൾ ഒ​ഴി​വാ​ക്കാ​ൻ ഫ​യ​ർ​ഫോ​ഴ്സും സ്ഥാ​പ​ന​ങ്ങ​ളി​ൽ പ​രി​ശോ​ധ​ന ന​ട​ത്തി​വ​രു​ന്നു​മു​ണ്ട്.വാ​ഹ​ന​ങ്ങ​ൾ തീ​പി​ടി​ച്ച സം​ഭ​വ​വും ഇ​തി​ന​കം റി​പ്പോ​ട്ട് ചെ​യ്യ​പ്പെ​ട്ട​തി​നാ​ൽ വാ​ഹ​ന ഉ​പ​യോ​ക്താ​ക്ക​ളും ജാ​ഗ്ര​ത പു​ല​ർ​ത്ത​ണം.