പുനരൈക്യ വാർഷികവും ഓണാഘോഷവും

കുവൈത്ത് സിറ്റി: മലങ്കര കത്തോലിക്ക സഭയുടെ മൂവാറ്റുപുഴ ഭദ്രാസനാധിപൻ ഡോ. യൂഹാനോൻ മാർ തെയോഡോഷ്യസ് മെത്രാപ്പോലീത്തക്ക് സ്വീകരണവും 92ാം പുനരൈക്യ വാർഷികവും ഇവാനിയ ക്വിസ് സീസൺ 8 (സീനിയേഴ്സ്) മത്സരവും ഓണാഘോഷവും നടന്നു. ഡോ. യൂഹാനോൻ മാർ തെയോഡോഷ്യസ് മെത്രാപ്പോലീത്ത മീറ്റിങ് ഉദ്ഘാടനവും മത്സരങ്ങളിൽ വിജയിച്ചവർക്കുള്ള സമ്മാനവിതരണവും നടത്തി. കെ.എം.ആർ.എം പ്രസിഡന്റ് ജോസഫ് കെ. ഡാനിയേൽ അധ്യക്ഷത വഹിച്ചു.

ആത്മീയ ഉപദേഷ്ടാവ് റവ. ഫാ. ജോൺ തുണ്ടിയത്ത് ആമുഖപ്രഭാഷണം നടത്തി. ജനറൽ സെക്രട്ടറി മാത്യു കോശി സ്വാഗതവും ട്രഷറർ ജിമ്മി എബ്രഹാം നന്ദിയും പറഞ്ഞു.

ബിനു എബ്രഹാം, തോമസ് ജോൺ, ജോസ് വർഗീസ്, ജിബി എബ്രഹാം, നോബിൻ ഫിലിപ്പ്, ബിന്ദു മനോജ്‌, മേരി ലിറ്റി എന്നിവർ നേതൃത്വം നൽകി.