ഒ.ഐ.സി.സി യൂത്ത് വിങ് കുവൈത്ത് മെഡിക്കൽ ക്യാമ്പ് ഫ്ലെയർ പ്രകാശനം

കുവൈത്ത് സിറ്റി: ഒ.ഐ.സി.സി യൂത്ത് വിങ് കുവൈത്ത് നേതൃത്വത്തിൽ ഉമ്മൻ ചാണ്ടിയുടെ ചരമവാർഷികത്തോടനുബന്ധിച്ച് സംഘടിപ്പിക്കുന്ന സൗജന്യ മെഡിക്കൽ ക്യാമ്പിന്റെ ഫ്ലയർ പ്രകാശനം ചെയ്തു. ഒ.ഐ.സി.സി കുവൈത്ത് ആക്ടിങ് പ്രസിഡന്റ് ബി.എസ്. പിള്ള ഫ്ലെയർ പ്രകാശനം നിർവഹിച്ചു. യൂത്ത് വിങ്ങ് പ്രസിഡന്റ് ഷോബിൻ സണ്ണി അധ്യക്ഷത വഹിച്ചു.

ഒ.ഐ.സി.സി ജനറൽ സെക്രട്ടറി (സംഘടന ചുമതല) എം.എ. നിസാം,വൈസ് പ്രസിഡന്റ് വിപിൻ മങ്ങാട്ട്, ലേഡീസ് വിങ് പ്രസിഡന്റ് ഷെറിൻ ബിജു, നാഷണൽ കമ്മിറ്റി ഭാരവാഹികൾ,ജില്ല ഭാരവാഹികൾ,യൂത്ത് വിങ് ഭാരവാഹികൾ എന്നിവർ ചടങ്ങിൽ സന്നിഹിതരായി. ഫർവാനിയ ബദർ മെഡിക്കൽ സെന്ററുമായി സഹകരിച്ചു ജൂൺ 26നാണ് മെഡിക്കൽ ക്യാമ്പ്.