ഒ.ഐ.സി.സി ആലപ്പുഴ ജില്ല കമ്മിറ്റി കർമ പുരസ്കാരം എൻ.കെ. പ്രേമചന്ദ്രൻ എം.പിക്ക്
text_fieldsഒ.ഐ.സി.സി കുവൈത്ത് ആലപ്പുഴ ജില്ല മീറ്റിന്റെ ഫ്ലയർ നാഷനൽ കമ്മിറ്റി ജനറൽ സെക്രട്ടറി ബി.എസ്. പിള്ളൈ പ്രകാശനം ചെയ്യുന്നു
കുവൈത്ത് സിറ്റി: ഒ.ഐ.സി.സി കുവൈത്ത് ആലപ്പുഴ ജില്ല കമ്മിറ്റി ഏര്പ്പെടുത്തിയ ലീഡർ കെ. കരുണാകരൻ കർമ പുരസ്കാരം എന്.കെ. പ്രേമചന്ദ്രന് എം.പിക്ക്. 2023 ജനുവരി 20ന് സാൽമിയ ഇന്ത്യൻ കമ്യൂണിറ്റി സീനിയർ സ്കൂളിൽ നടക്കുന്ന ജില്ല മീറ്റിൽ പുരസ്കാരം കൈമാറും.
ഒ.ഐ.സി.സി കുവൈത്ത് നാഷനൽ കമ്മിറ്റി പ്രസിഡന്റ് വർഗീസ് പുതുക്കുളങ്ങര ഉദ്ഘാടനം ചെയ്യും. കുവൈത്തിലെ സാമൂഹിക സാംസ്കാരിക, ബിസിനസ് മേഖലയിലെ പ്രമുഖർ പങ്കെടുക്കും. ഗാനമേള, നാടൻപാട്ട്, നൃത്തനൃത്യങ്ങൾ തുടങ്ങിയ വിവിധയിനം കലാപരിപാടികളും അരങ്ങേറും.
ജില്ല മീറ്റിന്റെ ഫ്ലയർ പ്രകാശനം അബ്ബാസിയ ഒ.ഐ.സി.സി ഓഫിസിൽ നടന്ന ചടങ്ങിൽ നാഷനൽ കമ്മിറ്റി ജനറൽ സെക്രട്ടറി ബി.എസ്. പിള്ള നിർവഹിച്ചു. ആലപ്പുഴ ജില്ല കമ്മിറ്റി പ്രസിഡന്റ് വിപിൻ മങ്ങാട്ട് അധ്യക്ഷത വഹിച്ചു. ജനറൽ സെക്രട്ടറി ബിനോയ് ചന്ദ്രൻ സ്വാഗതം പറഞ്ഞു.
നാഷനൽ കമ്മിറ്റി ട്രഷറർ രാജീവ് നാടുവിലേമുറി, മനോജ് ചണ്ണപ്പേട്ട, മാത്യു ചെന്നിത്തല, പ്രസിഡന്റ് മനോജ് റോയ്, ബിജി പള്ളിക്കൽ, ഹരി പത്തിയൂർ, ബാബു പനമ്പള്ളി, വിജോ പി. തോമസ്, സാബു തോമസ്, ജിതിൻ ജോർജ് തുടങ്ങിയവർ സംസാരിച്ചു. ആലപ്പുഴ ജില്ല ട്രഷറർ ഷിബു ചെറിയാൻ നന്ദി പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

