ഔദ്യോഗികവും ജനകീയവുമായ പിന്തുണ

കുവൈത്ത് സിറ്റി: ഖത്തറിന്റെയും ജനങ്ങളുടെയും സുരക്ഷക്കും സ്ഥിരതക്കും നേരെയുള്ള ഏതൊരു ഭീഷണിയെയും നേരിടാൻ കുവൈത്ത് പൂർണമായും നിലകൊള്ളുമെന്ന് വിദേശകാര്യ മന്ത്രി അബ്ദുല്ല അൽ യഹ്‌യ. ഖത്തറിന്റെ പരമാധികാരം, സുരക്ഷ, പ്രദേശിക സമഗ്രത എന്നിവ സംരക്ഷിക്കുന്ന എല്ലാത്തിനും കുവൈത്തിന്റെ ഔദ്യോഗികവും ജനകീയവുമായ പിന്തുണ അറിയിക്കുന്നതിനായി ഖത്തർ പ്രധാനമന്ത്രിയും വിദേശകാര്യ മന്ത്രിയുമായ മുഹമ്മദ് ബിൻ അബ്ദുൽറഹ്മാനെ ബന്ധപ്പെട്ടതായും മന്ത്രി പറഞ്ഞു.

ഖത്തറിന്റെ സുരക്ഷ കുവൈത്തിന്റെ സുരക്ഷയുടെ അവിഭാജ്യ ഘടകമാണ്. പൊതുവായ വെല്ലുവിളികൾ നേരിടുമ്പോൾ സഹകരണത്തിന്റെയും ഐക്യദാർഢ്യത്തിന്റെയും കൂടുതൽ ഏകീകരണം ആവശ്യമാണെന്നും മന്ത്രി അബ്ദുല്ല അൽ യഹ്‌യ വ്യക്തമാക്കി.