ആ​റി​ന് ദേ​ശീ​യ അ​സം​ബ്ലി​യി​ൽ സ​ത്യ​പ്ര​തി​ജ്ഞ ചെ​യ്യും; വി​ക​സ​ന റോ​ഡ്മാ​പ്പു​മാ​യി സ​ർ​ക്കാ​ർ

കു​വൈ​ത്ത് സി​റ്റി: പ്ര​ധാ​ന​മ​ന്ത്രി ശൈ​ഖ് ഡോ.​മു​ഹ​മ്മ​ദ് സ​ബാ​ഹ് അ​ൽ സാ​ലി​മി​ന്‍റെ നേ​തൃ​ത്വ​ത്തി​ലു​ള്ള പു​തി​യ സ​ർ​ക്കാ​ർ ഫെ​ബ്രു​വ​രി ആ​റി​ന് ദേ​ശീ​യ അ​സം​ബ്ലി​യി​ൽ സ​ത്യ​പ്ര​തി​ജ്ഞ ചെ​യ്യും. ഇ​തി​ന് മു​ന്നോ​ടി​യാ​യി സ​ർ​ക്കാ​ർ-​പാ​ർ​ല​മെ​ന്‍റ് സം​യു​ക്ത കോ​ഓ​ഡി​നേ​ഷ​ൻ ക​മ്മി​റ്റി യോ​ഗം ചേ​ർ​ന്നു. പ്ര​ധാ​ന​മ​ന്ത്രി ശൈ​ഖ് ഡോ.​മു​ഹ​മ്മ​ദ് സ​ബാ​ഹ് അ​ൽ സാ​ലിം സ​ർ​ക്കാ​റുമാ​യു​ള്ള ഏ​കോ​പ​ന​ത്തി​നു​ള്ള പാ​ർ​ല​മെ​ന്‍റ​റി ക​മ്മി​റ്റി അം​ഗ​ങ്ങ​ൾ, ദേ​ശീ​യ അ​സം​ബ്ലി സ്പീ​ക്ക​ർ അ​ഹ​മ്മ​ദ് അ​ൽ സ​ദൂ​ൻ എ​ന്നി​വ​രു​മാ​യി കൂ​ടി​ക്കാ​ഴ്ച ന​ട​ത്തി. നി​ല​വി​ലെ അ​സം​ബ്ലി കാ​ലാ​വ​ധി​യു​ടെ തു​ട​ക്ക​ത്തി​ൽ മു​ൻ സ​ർ​ക്കാ​റു​മാ​യി ചേ​ർ​ന്ന് രൂ​പീ​ക​രി​ച്ച നി​യ​മ​നി​ർ​മാ​ണ റോ​ഡ്മാ​പ്പ് വി​പു​ലീ​ക​രി​ക്കു​ന്ന​തു സം​ബ​ന്ധി​ച്ച് ​യോ​ഗം വി​ല​യി​രു​ത്തി.

ദേ​ശീ​യ അ​സം​ബ്ലി സ​മ്മേ​ള​ന​ത്തി​ന് മു​മ്പ് സ​ർ​ക്കാ​ർ അ​തി​ന്‍റെ പ്ര​വ​ർ​ത്ത​ന പ​രി​പാ​ടി ത​യാ​റാ​ക്കു​മെ​ന്നും നി​യ​മ​നി​ർ​മാ​ണ റോ​ഡ്മാ​പ്പ് ഭേ​ദ​ഗ​തി ചെ​യ്യ​ണ​മെ​ങ്കി​ൽ സ​ർ​ക്കാ​റും നി​യ​മ​സ​ഭ​യും ച​ർ​ച്ച ചെ​യ്യു​മെ​ന്നും പ്ര​ധാ​ന​മ​ന്ത്രി പ​റ​ഞ്ഞു. മു​ൻ സ​ർ​ക്കാ​ർ ദേ​ശീ​യ അ​സം​ബ്ലി​യു​മാ​യി നി​യ​മ​നി​ർ​മാ​ണ​ങ്ങ​ൾ ച​ർ​ച്ച ചെ​യ്യു​ന്ന​തി​നും അം​ഗീ​ക​രി​ക്കു​ന്ന​തി​നു​മു​ള്ള കൃ​ത്യ​മാ​യ പ​ദ്ധ​തി​യി​ൽ എ​ത്തി​യി​രു​ന്നു. അ​സം​ബ്ലി​യും സ​ർ​ക്കാ​റും നി​ര​വ​ധി സു​പ്ര​ധാ​ന നി​യ​മ​നി​ർ​മാ​ണ​ങ്ങ​ൾ​ക്ക് അം​ഗീ​കാ​രം ന​ൽ​കു​ക​യും ചെ​യ്തു. ഡി​സം​ബ​ർ 19 മു​ത​ൽ മ​റ്റു നി​യ​മ​നി​ർ​മാ​ണ​ങ്ങ​ളു​ടെ ച​ർ​ച്ച​ക​ൾ അ​ജ​ണ്ട​ക​ളി​ൽ ഉ​ൾ​പ്പെ​ടു​ത്തി​യി​രു​ന്നു. എ​ന്നാ​ൽ ഡി​സം​ബ​ർ 16 ന് ​മു​ൻ അ​മീ​ർ ശൈ​ഖ് ന​വാ​ഫ് അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹി​ന്‍റെ വി​യോ​ഗ​വും സ​ർ​ക്കാ​റി​ന്‍റെ രാ​ജി​യും അ​സം​ബ്ലി സ​മ്മേ​ള​ന​ത്തെ ത​ട​സ്സ​പ്പെ​ടു​ത്തി. സ​ർ​ക്കാ​ർ രാ​ജി​വെ​ച്ച​തി​നാ​ൽ പി​ന്നീ​ട് അ​സം​ബ്ലി സ​മ്മേ​ള​ന​ങ്ങ​ളും ന​ട​ന്നി​ല്ല. ഇ​തി​നി​ടെ, ശൈ​ഖ് ഡോ. ​മു​ഹ​മ്മ​ദ് സ​ബാ​ഹ് അ​ൽ സാ​ലി​മി​നെ പു​തി​യ പ്ര​ധാ​ന​മ​ന്ത്രി​യാ​യി നി​യ​മി​ച്ചു.

പു​തി​യ മ​ന്ത്രി​സ​ഭ രൂ​പ​വ​ത്ക​ര​ണം പൂ​ർ​ത്തി​യാ​യ​തോ​ടെ അ​സം​ബ്ലി സ​മ്മേ​ള​ന​ങ്ങ​ൾ ഇ​നി ത​ട​സ്സ​മി​ല്ലാ​തെ മു​ന്നോ​ട്ടു പോ​കു​മെ​ന്നാ​ണ് പ്ര​തീ​ക്ഷ. പ്ര​വാ​സി​ക​ൾ​ക്ക് കു​ടും​ബ​വി​സ അ​നു​വ​ദി​ക്കു​ന്ന​ത​ട​ക്ക​മു​ള്ള സു​പ്ര​ധാ​ന വി​ഷ​യ​ങ്ങ​ൾ ദേ​ശീ​യ അ​സം​ബ്ലി​യു​ടെ മേ​ശ​പ്പു​റ​ത്തു​ണ്ട്.