ആ​രോ​ഗ്യ​സം​ര​ക്ഷ​ണ സം​വി​ധാ​നം മെ​ച്ച​പ്പെ​ടു​ത്തു​ന്ന​തി​ൽ ന​ഴ്സു​മാ​രു​ടെ പ​ങ്ക് വ​ലു​ത്

കു​വൈ​ത്ത് സി​റ്റി: യോ​ഗ്യ​ത​യു​ള്ള ന​ഴ്‌​സി​ങ് സ്റ്റാ​ഫാ​ണ് ആ​രോ​ഗ്യ​സം​ര​ക്ഷ​ണ സം​വി​ധാ​നം മെ​ച്ച​പ്പെ​ടു​ത്തു​ന്ന​തെ​ന്ന് കു​വൈ​ത്ത് ആ​രോ​ഗ്യ മ​ന്ത്രാ​ല​യം അ​ണ്ട​ർ​സെ​ക്ര​ട്ട​റി ഡോ. ​അ​ബ്ദു​ൽ റ​ഹ്മാ​ൻ അ​ൽ മു​തൈ​രി. ന​ഴ്‌​സി​ങ് സ്റ്റാ​ഫ് ത​ങ്ങ​ളു​ടെ പ​ങ്ക് വ​ഹി​ക്കാ​ത്തി​ട​ത്തോ​ളം ആ​രോ​ഗ്യ പ​രി​ര​ക്ഷ നേ​ടാ​നു​ള്ള മ​ന്ത്രാ​ല​യ​ത്തി​ന്‍റെ ശ്ര​മ​ങ്ങ​ള്‍ കൈ​വ​രി​ക്കി​ല്ലെ​ന്ന് അ​ദ്ദേ​ഹം പ​റ​ഞ്ഞു. അ​ന്താ​രാ​ഷ്ട്ര ന​ഴ്‌​സ​സ് ദി​നാ​ച​ര​ണ​ത്തി​ൽ ന​ട​ന്ന പ​രി​പാ​ടി​യി​ല്‍ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

രോ​ഗി​ക​ളു​ടെ അ​വ​കാ​ശ​ങ്ങ​ള്‍ക്കും സു​ര​ക്ഷ​ക്കും പ്രാ​ധാ​ന്യം ന​ല്‍ക​ണം. വി​വി​ധ അ​ന്താ​രാ​ഷ്ട്ര ഏ​ജ​ന്‍സി​ക​ളു​മാ​യി സ​ഹ​ക​രി​ച്ചു രാ​ജ്യ​ത്തെ ന​ഴ്സു​മാ​ര്‍ക്കാ​യി നി​ര​വ​ധി പ​രി​ശീ​ല​ന കോ​ഴ്‌​സു​ക​ൾ സം​ഘ​ടി​പ്പി​ച്ചു വ​രു​ന്ന​താ​യും അ​ൽ മു​തൈ​രി പ​റ​ഞ്ഞു. നി​ല​വി​ല്‍ രാ​ജ്യ​ത്ത് സ്ത്രീ​ക​ളും പു​രു​ഷ​ന്മാ​രു​മാ​യി 22,000 ല​ധി​കം ന​ഴ്സു​മാ​രാ​ണ് പൊ​തു മേ​ഖ​ല​യി​ല്‍ ജോ​ലി ചെ​യ്യു​ന്ന​ത്. ആ​രോ​ഗ്യ സേ​വ​ന​ങ്ങ​ളി​ൽ രാ​ജ്യ​ത്തി​ന്‍റെ ഭാ​വി രൂ​പ​പ്പെ​ടു​ത്തു​ന്ന​തി​ൽ ന​ഴ്‌​സി​ങ് സ്റ്റാ​ഫ് വ​ഹി​ക്കു​ന്ന പ​ങ്കി​നെ ന​ഴ്‌​സി​ങ് സ​ർ​വീ​സ് ഡി​പ്പാ​ർ​ട്ട്‌​മെ​ൻ്റ് ഡ​യ​റ​ക്ട​ർ ഡോ. ​ഇ​മാ​ൻ അ​ൽ അ​വാ​ദി അ​ഭി​ന​ന്ദി​ച്ചു.