80 ഇന്ത്യൻ ന​ഴ്സു​മാ​രു​ടെ പ​ട്ടി​ക എം​ബ​സി  ആ​രോ​ഗ്യ​മ​ന്ത്രാ​ല​യ​ത്തി​ന്​ കൈ​മാ​റി

കു​വൈ​ത്ത്​ സി​റ്റി: 2015ൽ ​കു​വൈ​ത്തി​ലേ​ക്ക് റി​ക്രൂ​ട്ട് ചെ​യ്യ​പ്പെ​ട്ട 80 ന​ഴ്സു​മാ​രു​ടെ പ​ട്ടി​ക ഇ​ന്ത്യ​ൻ എം​ബ​സി കു​വൈ​ത്ത് ആ​രോ​ഗ്യ​മ​ന്ത്രാ​ല​യ​ത്തി​ന്​ കൈ​മാ​റി. കു​വൈ​ത്ത് ആ​രോ​ഗ്യ​മ​ന്ത്രാ​ല​യം അ​ധി​കൃ​ത​ർ ഇ​ന്ത്യ​യി​ൽ​നി​ന്ന് നേ​രി​ട്ട് റി​ക്രൂ​ട്ട് ചെ​യ്യു​ക​യും കു​വൈ​ത്തി​ൽ എ​ത്തി​യ ശേ​ഷം ജോ​ലി ല​ഭി​ക്കാ​തി​രി​ക്കു​ക​യോ ജോ​ലി ല​ഭി​ച്ചി​ട്ടും ശ​മ്പ​ളം ല​ഭി​ക്കാ​തി​രി​ക്കു​ക​യോ ചെ​യ്ത​വ​രു​ടെ വി​വ​ര​ങ്ങ​ളാ​ണ് പ​ട്ടി​ക​യി​ലു​ള്ള​ത്. ആ​രോ​ഗ്യ​മ​ന്ത്രാ​ല​യ​ത്തി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട്ടി​രു​ന്നു​വെ​ന്ന് തെ​ളി​യി​ക്കു​ന്ന രേ​ഖ​ക​ൾ സ​ഹി​ത​മാ​ണ് പ​ട്ടി​ക കൈ​മാ​റി​യ​ത്.

ഇ​ന്ത്യ​ൻ അം​ബാ​സ​ഡ​ർ കെ. ​ജീ​വ സാ​ഗ​ർ കു​വൈ​ത്ത് ആ​രോ​ഗ്യ​മ​ന്ത്രി ഡോ. ​ബാ​സി​ൽ അ​സ്സ​ബാ​ഹു​മാ​യി ന​ട​ത്തി​യ ച​ർ​ച്ച​യു​ടെ തു​ട​ർ​ച്ച​യാ​യാ​ണ് എം​ബ​സി പ​ട്ടി​ക ത​യാ​റാ​ക്കി​യ​ത്. ഇ​ന്ത്യ​യി​ൽ​നി​ന്നു​ള്ള ന​ഴ്സ് റി​ക്രൂ​ട്ട്മ​​െൻറ് വി​വാ​ദ​ത്തി​ലാ​യ 2015ൽ ​റി​ക്രൂ​ട്ട് ചെ​യ്യ​പ്പെ​ട്ട​വ​രാ​ണ് കു​വൈ​ത്തി​ൽ എ​ത്തി​യി​ട്ടും ജോ​ലി ല​ഭി​ക്കാ​തെ​യോ ജോ​ലി ല​ഭി​ച്ചി​ട്ടും ശ​മ്പ​ളം കി​ട്ടാ​തെ​യോ പ്ര​തി​സ​ന്ധി​യി​ലാ​യ​ത്. ന​ഴ്‌​സു​മാ​ർ പ​രാ​തി​യു​മാ​യി എം​ബ​സി​യെ സ​മീ​പി​ച്ച​തി​നെ തു​ട​ർ​ന്ന്​ അം​ബാ​സ​ഡ​ർ വി​ഷ​യം ആ​രോ​ഗ്യ​മ​ന്ത്രി​യു​ടെ ശ്ര​ദ്ധ​യി​ൽ​പെ​ടു​ത്തി​യി​രു​ന്നു. നി​യ​മ​നം ല​ഭി​ച്ചി​ട്ടും ജോ​ലി​യി​ൽ പ്ര​വേ​ശി​ക്കാ​നാ​കാ​ത്ത മു​ഴു​വ​ൻ ന​ഴ്‌​സു​മാ​രും എം​ബ​സി​യി​ൽ ര​ജി​സ്​​റ്റ​ർ ചെ​യ്യ​ണ​മെ​ന്ന്​ എം​ബ​സി അ​റി​യി​ച്ചിരുന്നു. അ​നു​കൂ​ല ന​ട​പ​ടി​യു​ണ്ടാ​കു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്ന് എം​ബ​സി വൃ​ത്ത​ങ്ങ​ൾ പ​റ​ഞ്ഞു.