വി​ദേ​ശ രാ​ജ്യ​ങ്ങ​ളി​ലെ ആ​കെ ത​ട​വു​കാ​ർ 10,152; ഗ​ൾ​ഫ് ജ​യി​ലു​ക​ളി​ലു​ള്ള​ത് 6478 ഇ​ന്ത്യ​ക്കാ​ർ; കുവൈത്തിൽ 387

കു​വൈ​ത്ത് സി​റ്റി: ഗ​ൾ​ഫ് രാ​ജ്യ​ങ്ങ​ളി​ലെ ജ​യി​ലു​ക​ളി​ലു​ള്ള ഇ​ന്ത്യ​ക്കാ​രു​ടെ എ​ണ്ണ​ത്തി​ൽ വ​ർ​ധ​ന​യെ​ന്ന് റി​പ്പോ​ർ​ട്ട്. ഫെ​ബ്രു​വ​രി ആ​ദ്യ വാ​ര​ത്തി​ൽ ​കേ​ന്ദ്ര വി​ദേ​ശ​കാ​ര്യ​സ​ഹ​മ​ന്ത്രി കീ​ർ​ത്തി​വ​ർ​ധ​ൻ സി​ങ് ലോ​ക്സ​ഭ​യി​ൽ ന​ൽ​കി​യ മ​റു​പ​ടി​യി​ലാ​ണ് വി​വി​ധ വി​ദേ​ശ​രാ​ജ്യ​ങ്ങ​ളി​ൽ ത​ട​വി​ലാ​യ ഇ​ന്ത്യ​ക്കാ​രു​ടെ എ​ണ്ണം വ്യ​ക്ത​മാ​ക്കി​യ​ത്. ആ​റ് ഗ​ൾ​ഫ് രാ​ജ്യ​ങ്ങ​ളി​ലാ​യി 6478 ഇ​ന്ത്യ​ക്കാ​രാ​ണ് വി​വി​ധ കേ​സു​ക​ളി​ലാ​യി ജ​യി​ലു​ക​ളി​ലു​ള്ള​ത്. 86 വി​ദേ​ശ രാ​ജ്യ​ങ്ങ​ളി​ലാ​യി 10,152 ഇ​ന്ത്യ​ക്കാ​ർ ത​ട​വി​ൽ ക​ഴി​യു​ന്നു​ണ്ട്. കേ​സു​ക​ളി​ൽ ശി​ക്ഷ അ​നു​ഭ​വി​ക്കു​ന്ന​വ​രും, വി​ചാ​ര​ണ​യി​ലു​ള്ള​വ​രും ഉ​ൾ​പ്പെ​ടെ​യാ​ണ് ഈ ​ക​ണ​ക്ക്.

ക​ഴി​ഞ്ഞ വ​ർ​ഷം ആ​ഗ​സ്റ്റി​ൽ കേ​​ന്ദ്ര സ​ർ​ക്കാ​ർ പാ​ർ​ല​മെ​ന്റി​ൽ സ​മ​ർ​പ്പി​ച്ച ക​ണ​ക്കു പ്ര​കാ​രം ആ​റ് ഗ​ൾ​ഫ് രാ​ജ്യ​ങ്ങ​ളി​ലാ​യി 6365 ത​ട​വു​കാ​രാ​യി​രു​ന്നു ഉ​ള്ള​ത്. എ​ന്നാ​ൽ, ആ​റു മാ​സം ക​ഴി​യു​മ്പോ​ൾ സ​മ​ർ​പ്പി​ച്ച റി​പ്പോ​ർ​ട്ട് പ്ര​കാ​രം ഇ​ത് 113 പേ​ർ കൂ​ടി വ​ർ​ധി​ച്ച് 6478ലെ​ത്തി. ഇ.​ടി. മു​ഹ​മ്മ​ദ് ബ​ഷീ​ർ എം.​പി​യു​ടെ ചോ​ദ്യ​ത്തി​ന് കേ​ന്ദ്ര വി​ദേ​ശ​കാ​ര്യ​സ​ഹ​മ​ന്ത്രി കീ​ർ​ത്തി വ​ർ​ധ​ൻ സി​ങ്ങാ​ണ് പു​തി​യ ക​ണ​ക്ക് വെ​ളി​പ്പെ​ടു​ത്തി​യ​ത്.

ത​ട​വു​കാ​രി​ൽ കൂ​ടു​ത​ൽ പേ​രും ഗ​ൾ​ഫ് രാ​ജ്യ​ങ്ങ​ളി​ലാ​ണ്. സൗ​ദി അ​റേ​ബ്യ​യി​ലാ​ണ് ഏ​റ്റ​വും കൂ​ടു​ത​ൽ (2633). ര​ണ്ടാ​മ​ത് യു.​എ.​ഇ ആ​ണ് (2518). ഇ​രു രാ​ജ്യ​ങ്ങ​ളി​ലും ആ​റു മാ​സം മു​മ്പ​ത്തെ റി​പ്പോ​ർ​ട്ടി​നേ​ക്കാ​ൾ വ​ർ​ധ​ന​വു​ണ്ടാ​യി. ഖ​ത്ത​ർ (611), ഒ​മാ​ൻ (148), കു​വൈ​ത്ത് (387), ബ​ഹ്റൈ​ൻ (181) എ​ന്നി​ങ്ങ​നെ​യാ​ണ് ഇ​ന്ത്യ​ൻ ത​ട​വു​കാ​രു​ടെ എ​ണ്ണം. സൗ​ദി​യി​ൽ 39 ത​ട​വു​കാ​രും, യു.​എ.​ഇ​യി​ൽ 210 ത​ട​വു​കാ​രാ​ണ് കൂ​ടി. കു​വൈ​ത്തി​ൽ ഒ​ന്നും, ഖ​ത്ത​റി​ൽ 23ഉം ​കൂ​ടി​യ​പ്പോ​ൾ, ബ​ഹ്റൈ​ൻ (132), ഒ​മാ​ൻ (28) രാ​ജ്യ​ങ്ങ​ളി​ൽ ത​ട​വു​കാ​രു​ടെ എ​ണ്ണം കു​റ​ഞ്ഞു.

അ​തേ​സ​മ​യം, റ​മ​ദാ​നി​ൽ വി​വി​ധ രാ​ജ്യ​ങ്ങ​ൾ പ്ര​ഖ്യാ​പി​ച്ച പൊ​തു​മാ​പ്പി​ൽ ഉ​ൾ​പ്പെ​ട്ട​വ​രു​ടെ ക​ണ​ക്ക് പു​റ​ത്തു​വ​രു​ന്ന​തോ​ടെ ത​ട​വു​കാ​രു​ടെ എ​ണ്ണം ഇ​നി​യും കു​റ​യും.

ഗ​ൾ​ഫ് രാ​ജ്യ​ങ്ങ​ൾ ക​ഴി​ഞ്ഞാ​ൽ അ​യ​ൽ​രാ​ജ്യ​മാ​യ നേ​പ്പാ​ളി​ലാ​ണ് (1317) ഏ​റ്റ​വും കൂ​ടു​ത​ൽ ഇ​ന്ത്യ​ക്കാ​ർ ത​ട​വി​ലു​ള്ള​ത്. ബ്രി​ട്ട​നി​ൽ 288ഉം, ​മ​ലേ​ഷ്യ​യി​ൽ 338ഉം, ​അ​മേ​രി​ക്ക​യി​ൽ 169ഉം, ​ഇ​റ്റ​ലി​യി​ൽ 168ഉം, ​ചൈ​ന​യി​ൽ 173ഉം ​പേ​ർ ത​ട​വു​കാ​രാ​യു​ണ്ട്.

എം​ബ​സി​ക​ളു​ടെ സേ​വ​നം ഉ​റ​പ്പാ​ക്കാം

എ​ല്ലാ രാ​ജ്യ​ങ്ങ​ളി​ലും എം​ബ​സി​യും കോ​ൺ​സു​ലേ​റ്റും ഇ​ന്ത്യ​ൻ ത​ട​വു​കാ​രു​ടെ കേ​സു​ക​ൾ സം​ബ​ന്ധി​ച്ച് ജാ​ഗ്ര​ത പാ​ലി​ക്കു​ന്ന​താ​യി മ​ന്ത്രാ​ല​യം അ​റി​യി​ച്ചു. വി​ദേ​ശ രാ​ജ്യ​ങ്ങ​ളി​ൽ ഒ​രു ഇ​ന്ത്യ​ക്കാ​ര​ൻ ത​ട​വി​ലാ​വു​ന്ന​ത് സം​ബ​ന്ധി​ച്ച് വി​വ​രം ല​ഭി​ച്ചാ​ൽ അ​ത​തി​ട​ങ്ങ​ളി​ലെ ഇ​ന്ത്യ​ൻ മി​ഷ​ൻ/​പോ​സ്റ്റ് പ്രാ​ദേ​ശി​ക വി​ദേ​ശ​കാ​ര്യ ഓ​ഫി​സു​മാ​യും അ​ധി​കാ​രി​ക​ളു​മാ​യും ബ​ന്ധ​പ്പെ​ടു​ക​യും, കേ​സി​ന്റെ വ​സ്തു​ത​ക​ൾ, അ​യാ​ളു​ടെ ഇ​ന്ത്യ​ൻ പൗ​ര​ത്വം എ​ന്നി​വ ഉ​റ​പ്പു​വ​രു​ത്തു​ന്ന​തി​നും ക്ഷേ​മം ഉ​റ​പ്പാ​ക്കു​ന്ന​തി​നും കോ​ൺ​സു​ലാ​ർ സേ​വ​നം ല​ഭ്യ​മാ​ക്കാ​ൻ ശ്ര​മി​ക്കു​ക​യും ചെ​യ്യും.

ആ​വ​ശ്യ​മാ​ണെ​ങ്കി​ൽ നി​യ​മ​സ​ഹാ​യ​വും, ഫീ​സ് വാ​ങ്ങാ​തെ അ​ഭി​ഭാ​ഷ​ക സേ​വ​ന​വും ഉ​റ​പ്പാ​ക്കും. അ​ടി​യ​ന്ത​ര ഘ​ട്ട​ങ്ങ​ളി​ൽ ഇ​ന്ത്യ​ൻ ക​മ്യൂ​ണി​റ്റി വെ​ൽ​ഫെ​യ​ർ ഫ​ണ്ടി​ൽ​നി​ന്നു​ള്ള പി​ന്തു​ണ​യും ല​ഭ്യ​മാ​ക്കും.