ഇ​പ്പോ​ൾ ഉ​പ​യോ​ഗ​പ്പെ​ടു​ത്താം

കുവൈത്ത് സിറ്റി: പൊതുമാപ്പ് അവസാനിക്കാൻ ഞായറാഴ്ച വരെ സമയം ഉണ്ടെങ്കിലും വെള്ളി,ശനി അവധി ദിവസങ്ങൾ ആയതിനാൽ വ്യാഴാഴ്ച തന്നെ ഉപയോഗപ്പെടുത്തണം. അല്ലാത്തവർക്ക് ഞായറാഴ്ചക്കകം നടപടികൾ പൂർത്തിയാക്കാനാകില്ല. മാ​ർ​ച്ച് 17 മു​ത​ൽ മൂ​ന്ന് മാ​സ​ത്തേ​ക്കാ​ണ് രാ​ജ്യ​ത്ത് പൊ​തു​മാ​പ്പ് പ്ര​ഖ്യാ​പി​ച്ച​ത്. ജൂ​ൺ 17 വ​രെ നി​ശ്ച​യി​ച്ച സ​മ​യ​പ​രി​ധി പി​ന്നീ​ട് 30 വ​രെ നീ​ട്ടി. ഈ ​മാ​സം 30ന് ​മു​മ്പ് നി​യ​മ​ലം​ഘ​ക​ർ രാ​ജ്യം വി​ടു​ക​യോ പി​ഴ അ​ട​ച്ച് താ​മ​സം നി​യ​മ​വി​ധേ​യ​മാ​ക്കു​യോ ചെ​യ്യ​ണം. ഇ​ത്ത​ര​ക്കാ​ർ​ക്ക് പു​തി​യ വി​സ​യി​ൽ രാ​ജ്യ​ത്തേ​ക്ക് മ​ട​ങ്ങി​വ​രാ​ൻ ക​ഴി​യും. ജൂ​ൺ 30ന് ​ശേ​ഷം അ​ന​ധി​കൃ​ത​മാ​യി രാ​ജ്യ​ത്ത് തു​ട​രു​ന്ന​വ​ർ​ക്കെ​തി​രെ ശ​ക്ത​മാ​യ ന​ട​പ​ടി​ക​ൾ ഉ​ണ്ടാ​കും. ഇ​വ​ര്‍ക്കെ​തി​രെ ആ​ജീ​വ​നാ​ന്ത വി​ല​ക്കേ​ർ​പ്പെ​ടു​ത്തി നാ​ടു​ക​ട​ത്ത​ല്‍ ഉ​ള്‍പ്പ​ടെ​യു​ള്ള ന​ട​പ​ടി​ക​ള്‍ സ്വീ​ക​രി​ക്കും. അ​ന​ധി​കൃ​ത​മാ​യി ക​ഴി​യു​ന്ന​വ​ര്‍ക്ക് സ​ഹാ​യ​ങ്ങ​ള്‍ ന​ല്‍കു​ന്ന​വ​ര്‍ക്കെ​തി​രെ​യും ന​ട​പ​ടി​യെ​ടു​ക്കും. നാ​ട്ടി​ലേ​ക്ക് പോ​കാ​ൻ പാ​സ്​​പോ​ർ​ട്ടോ മ​റ്റ് രേ​ഖ​ക​ളോ ഇ​ല്ലാ​ത്ത​വ​ർ​ക്ക് ഇ​ന്ത്യ​ന്‍ എം​ബ​സി പാ​സ്‌​പോ​ർ​ട്ടും എ​മ​ർ​ജ​ൻ​സി സ​ർ​ട്ടി​ഫി​ക്ക​റ്റും ന​ൽ​കും. ഇ​തി​നാ​യി വെ​ള്ളി​യാ​ഴ്ച ഒ​ഴി​കെ ഉ​ച്ച​ക്ക് ര​ണ്ടു മ​ണി മു​ത​ൽ നാ​ലു മ​ണി വ​രെ ഇ​ന്ത്യ​ൻ എം​ബ​സി​യു​ടെ കേ​ന്ദ്ര​ങ്ങ​ളി​ല്‍ അ​പേ​ക്ഷ ന​ൽ​കാം.