ഔ​ദ്യോ​ഗി​ക പ​രി​പാ​ടി​ക​ളി​ൽ മ​റ്റു രാ​ജ്യ​ങ്ങ​ളു​ടെ ചി​ഹ്ന​ങ്ങ​ൾ വേ​ണ്ട

കു​വൈ​ത്ത് സി​റ്റി: രാ​ജ്യ​ത്തി​ന​ക​ത്തും പു​റ​ത്തും ഔ​ദ്യോ​ഗി​ക പ​രി​പാ​ടി​ക​ളി​ൽ മ​റ്റു രാ​ജ്യ​ങ്ങ​ളു​ടെ പ​താ​ക ഉ​യ​ർ​ത്തു​ന്ന​തി​നും ദേ​ശീ​യ ഗാ​നം ആ​ല​പി​ക്കു​ന്ന​തി​നും വി​ല​ക്ക്. ക​ഴി​ഞ്ഞ ദി​വ​സം ചേ​ർ​ന്ന മ​ന്ത്രി​സ​ഭ യോ​ഗ​ത്തി​ലാ​ണ് തീ​രു​മാ​നം. രാ​ജ്യ​ത്തി​ന​ക​ത്തും പു​റ​ത്തു​മു​ള്ള ഏ​ത് ഔ​ദ്യോ​ഗി​ക പ​രി​പാ​ടി​യി​ലും കു​വൈ​ത്ത് ദേ​ശീ​യ പ​താ​ക​യും ദേ​ശീ​യ ഗാ​ന​വും മാ​ത്ര​മേ ഉ​പ​യോ​ഗി​ക്കാ​വൂ. രാ​ജ്യ​ത്തെ എ​ല്ലാ സ​ർ​ക്കാ​ർ ഏ​ജ​ൻ​സി​ക​ൾ​ക്കും സ്ഥാ​പ​ന​ങ്ങ​ൾ​ക്കും തീ​രു​മാ​നം ബാ​ധ​ക​മാ​ണെ​ന്നും ഔ​ദ്യോ​ഗി​ക പ്ര​തി​നി​ധി സം​ഘ​ങ്ങ​ൾ ഈ ​നി​യ​ന്ത്ര​ണം പാ​ലി​ക്കേ​ണ്ട​തി​ന്‍റെ പ്രാ​ധാ​ന്യ​വും മ​ന്ത്രി​സ​ഭ വ്യ​ക്ത​മാ​ക്കി. ദേ​ശീ​യ പ്രോ​ട്ടോ​ക്കോ​ള്‍ ക​ർ​ശ​ന​മാ​യി പാ​ലി​ക്കു​ന്ന​ത് ഉ​റ​പ്പാ​ക്കു​ന്ന​തി​ന്‍റെ ഭാ​ഗ​മാ​യാ​ണ് മ​ന്ത്രി​സ​ഭ നി​ര്‍ദേ​ശം.

പ്ര​ധാ​ന​മ​ന്ത്രി ശൈ​ഖ് അ​ഹ്മ​ദ് അ​ബ്ദു​ല്ല അ​ൽ അ​ഹ​മ്മ​ദ് അ​സ്സ​ബാ​ഹി​ന്റെ നേ​തൃ​ത്വ​ത്തി​ൽ ബ​യാ​ൻ പാ​ല​സി​ൽ ചേ​ർ​ന്ന പ്ര​തി​വാ​ര യോ​ഗ​ത്തി​ൽ നി​ര​വ​ധി ക​ര​ട് ഡി​ക്രി-​നി​യ​മ​ങ്ങ​ൾ അം​ഗീ​ക​രി​ക്കു​ക​യും അ​ന്തി​മ അം​ഗീ​കാ​ര​ത്തി​നാ​യി അ​മീ​ർ ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹി​ന് കൈ​മാ​റു​ക​യും ചെ​യ്തു.

ഇ​സ് ലാ​മി​ക പു​തു​വ​ർ​ഷ​ത്തി​ന്റെ (ഹി​ജ്‌​റ) മു​ന്നോ​ടി​യാ​യി അ​മീ​ർ ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹ്, കി​രീ​ടാ​വ​കാ​ശി ശൈ​ഖ് സ​ബാ​ഹ് ഖാ​ലി​ദ് അ​ൽ ഹ​മ​ദ് അ​ൽ മു​ബാ​റ​ക് അ​സ്സ​ബാ​ഹ് എ​ന്നി​വ​ർ​ക്ക് മ​ന്ത്രി​സ​ഭ അ​ഭി​ന​ന്ദ​ന കേ​ബി​ൾ അ​യ​ച്ച​താ​യി ഉ​പ​പ്ര​ധാ​ന​മ​ന്ത്രി​യും കാ​ബി​ന​റ്റ് കാ​ര്യ സ​ഹ​മ​ന്ത്രി​യു​മാ​യ ഷെ​രീ​ദ അ​ബ്ദു​ല്ല അ​ൽ മൗ​ഷാ​ർ​ജി യോ​ഗ​ത്തി​ന് ശേ​ഷം പ​റ​ഞ്ഞു. പു​തു​വ​ത്സ​ര അ​വ​ധി സം​ബ​ന്ധി​ച്ച സി​വി​ൽ സ​ർ​വി​സ് ക​മീ​ഷ​ന്‍റെ തീ​രു​മാ​ന​വും മ​ന്ത്രി​സ​ഭ വി​ല​യി​രു​ത്തി.