വി​മാ​ന​മെ​ത്തി​യി​ട്ടും ല​ഗേ​ജി​ല്ല; എ​യ​ർ ഇ​ന്ത്യ എ​ക്സ്പ്ര​സി​ലെ ഒ​രു ദു​രി​തക​ഥ

കു​വൈ​ത്ത് സി​റ്റി: വി​മാ​നം വൈ​ക​ലും റ​ദ്ദാ​ക്ക​ലും പ്ര​വാ​സി​ക​ൾ​ക്ക് പു​തു​മ​യു​ള്ളൊ​രു കാ​ര്യ​മ​ല്ല. എ​ന്നാ​ൽ വി​മാ​നം എ​ത്തി​യി​ട്ടും ല​ഗേ​ജ് എ​ത്താ​തി​രു​ന്നാലോ.. അ​തു​ണ്ടാ​ക്കു​ന്ന പ്ര​യാ​സ​ങ്ങ​ൾ ചെ​റു​താ​യി​രി​ക്കി​ല്ല. കു​വൈ​ത്തി​ൽ​നി​ന്ന് എ​യ​ർ ഇ​ന്ത്യ എ​ക്സ്പ്ര​സ് വ​ഴി വ്യാ​ഴാ​ഴ്ച കോ​ഴി​ക്കോ​ട്ടേ​ക്ക് തി​രി​ച്ച ഭൂ​രി​പ​ക്ഷം യാ​ത്ര​ക്കാ​ർ​ക്കും അ​ന്ന് ല​ഗേ​ജു​ക​ൾ കി​ട്ടി​യി​ല്ല.

ക​ണ്ണൂ​രി​ൽ അ​ന്താ​രാ​ഷ്ട്ര സ​മ്മേ​ള​ന​ത്തി​ൽ പ​​​ങ്കെ​ടു​ക്കാ​നാ​യി തി​രി​ച്ച കു​വൈ​ത്ത് ഇ​ൻ​സ്റ്റി​റ്റ്യൂ​ട്ട് ഫോ​ർ സ​യ​ന്റി​ഫി​ക് റി​സ​ർ​ച്ചി​ലെ ശാ​സ്ത്ര​ജ്ഞ​ന് ഇ​തു​വ​ഴി സം​ഭ​വി​ച്ച​ത് വ​ലി​യ ന​ഷ്ടം. കേ​ര​ള സ​ർ​ക്കാ​റി​ന്റെ സാ​ങ്കേ​തി​ക വി​ദ്യാ​ഭ്യാ​സ ഡ​യ​റ​ക്ട​റേ​റ്റും ക​ണ്ണൂ​രി​ലെ ഗ​വ​ൺ​മെ​ന്റ് എ​ൻ​ജി​നീ​യ​റി​ങ് കോ​ള​ജും സം​യു​ക്ത​മാ​യി സം​ഘ​ടി​പ്പി​ച്ച അ​ന്താ​രാ​ഷ്ട്ര സ​മ്മേ​ള​ന​ത്തി​ൽ പ്ര​ഭാ​ഷ​ണം ന​ട​ത്താ​നാ​യാ​ണ് ജൂ​ൺ 26ന് ​ഇ​ദ്ദേ​ഹം കു​വൈ​ത്തി​ൽ​നി​ന്ന് എ​യ​ർ ഇ​ന്ത്യ എ​ക്സ്പ്ര​സ് വ​ഴി കോ​ഴി​ക്കോ​ട്ടേ​ക്ക് യാ​ത്ര​ചെ​യ്ത​ത്. 27ന് ​രാ​വി​ലെ​യാ​യി​രു​ന്നു പ​രി​പാ​ടി.

യാ​ത്ര പു​റ​പ്പെ​ടു​ന്ന​തി​നാ​യി കു​വൈ​ത്ത് വി​മാ​ന​ത്താ​വ​ള​ത്തി​ൽ നി​ൽ​ക്ക​വെ കു​റ​ച്ച് ദി​വ​സ​ങ്ങ​ളാ​യി ചെ​ക്ക്ഡ് ല​ഗേ​ജു​ക​ളു​ടെ വ​ലി​യൊ​രു ഭാ​ഗം വി​മാ​ന​ങ്ങ​ളി​ൽ എ​ത്തു​ന്നി​ല്ലെ​ന്ന് സ​ഹ​യാ​ത്രി​ക​ൻ ഇ​ദ്ദേ​ഹ​ത്തെ അ​റി​യി​ച്ചു. തു​ട​ർ​ന്ന് എ​യ​ർ ഇ​ന്ത്യ ജീ​വ​ന​ക്കാ​രെ സ​മീ​പി​ച്ച് തി​ര​ക്കേ​റി​യ ഷെ​ഡ്യൂ​ളും പ്ര​ഭാ​ഷ​ണ​ത്തി​നു​ള്ള കാ​ര്യ​ങ്ങ​ളും വ​സ്ത്ര​ങ്ങ​ളും മ​റ്റും ല​ഗേ​ജി​ലാ​ണെ​ന്നും വ്യ​ക്ത​മാ​ക്കി. ആ​ശ​ങ്ക വേ​ണ്ടെ​ന്നും അ​വ കൃ​ത്യ​മാ​യി നാ​ട്ടി​ൽ എ​ത്തു​മെ​ന്നാ​യി​രു​ന്നു മ​റു​പ​ടി.

രണ്ടാംനാൾ ല​ഗേ​ജ് എ​ത്തി​

കോ​ഴി​ക്കോ​ട് വി​മാ​ന​മി​റ​ങ്ങി​യ​പ്പോ​ൾ ആ​ശ​ങ്ക​പ്പെട്ട​തു​ത​ന്നെ സം​ഭ​വി​ച്ചു. അ​ദ്ദേ​ഹ​ത്തി​ന്റെ​ത് ഉ​ൾ​പ്പെ​ടെ 70 ശ​ത​മാ​നം ല​ഗേ​ജു​ക​ളും എ​ത്തി​യി​ട്ടി​ല്ല. പി​റ്റേ​ദി​വ​സം പ്ര​ഭാ​ഷ​ണം ഉ​ള്ള​താ​ണ്. വ​സ്ത്ര​വും കു​റി​പ്പു​ക​ളും പു​സ്ത​ക​ങ്ങ​ളും എ​ല്ലാം ല​​ഗേ​ജ് ബാ​ഗി​ലും. ഇ​തോ​ടെ രാ​ത്രി 11 മ​ണി​ക്ക് കോ​ഴി​ക്കോ​ട്ടെ ഒ​രു മാ​ളി​ൽ​നി​ന്ന് വ​സ്ത്ര​ങ്ങ​ളും ഷൂ​സും വാ​ങ്ങേ​ണ്ടി​വ​ന്നു. പ്ര​സം​ഗ​ത്തി​നു​ള്ള ചി​ല നി​ർ​ണാ​യ​ക വ​സ്തു​ക്ക​ൾ അ​പ്പോ​ഴും ല​ഭ്യ​മ​ല്ലാ​യി​രു​ന്നു. അ​ത് പ്ര​ഭാ​ഷ​ണ​ത്തെ​യും ബാ​ധി​ച്ചു.

ര​ണ്ടു ദി​വ​സം ക​ഴി​ഞ്ഞ് ല​ഗേ​ജ് താ​മ​സ​സ്ഥ​ല​ത്തെ​ത്തി​യ​പ്പോ​ഴേ​ക്കും അ​ത്യാ​വ​ശ്യം ക​ഴി​ഞ്ഞി​രു​ന്നു. മ​ട​ക്ക​യാ​ത്ര​യി​ൽ ഹാ​ൻ​ഡ് ബാ​ഗേ​ജ് അ​നു​വ​ദ​നീ​യ​മാ​യ​തി​ലും കു​റ​ച്ചു ഭാ​രം കൂ​ടി​യ​തി​നാ​ൽ കോ​ഴി​ക്കോ​ടു​ള്ള എ​യ​ർ ഇ​ന്ത്യ എ​ക്സ്പ്ര​സ് ഉ​ദ്യോ​ഗ​സ്ഥ​ർ ക​ർ​ശ​ന നി​ല​പാ​ട് സ്വീ​ക​രി​ക്കു​ക​യും കൗ​ണ്ട​റി​ന് മു​ന്നി​ൽ​വെ​ച്ച് വീ​ണ്ടും പാ​ക്ക് ചെ​യ്യാ​ൻ നി​ർ​ബ​ന്ധി​ത​നാ​യ​തു​മാ​യ ദു​ര​നു​ഭ​വം യാ​ത്ര​ക്കാ​ര​ൻ പ​ങ്കു​​വെ​ച്ചു. യാ​ത്ര​ക്കി​ടെ സം​ഭ​വി​ച്ച ന​ഷ്ട​ങ്ങ​ളി​ൽ പ​രാ​തി ന​ൽ​കാ​ൻ ഒ​രു​ങ്ങു​ക​യാ​ണ് ഇ​ദ്ദേ​ഹം.