Top
Begin typing your search above and press return to search.
exit_to_app
exit_to_app
Homechevron_rightGulfchevron_rightKuwaitchevron_rightനാ​ടു​ക​ട​ത്താ​ൻ...

നാ​ടു​ക​ട​ത്താ​ൻ വി​മാ​നം ഇ​ല്ല; ജ​യി​ലി​ൽ ആ​ളു കൂ​ടു​ന്നു

text_fields
bookmark_border
നാ​ടു​ക​ട​ത്താ​ൻ വി​മാ​നം ഇ​ല്ല; ജ​യി​ലി​ൽ ആ​ളു കൂ​ടു​ന്നു
cancel

കു​വൈ​ത്ത്​ സി​റ്റി: വി​മാ​ന സ​ർ​വി​സ്​ സാ​ധാ​ര​ണ നി​ല​യി​ലാ​കാ​ത്ത​തി​നാ​ൽ ത​ട​വു​കാ​രെ സ്വ​ന്തം നാ​ടു​ക​ളി​ലേ​ക്ക്​ തി​രി​ച്ച​യ​ക്കു​ന്ന പ്ര​ക്രി​യ മ​ന്ദ​ഗ​തി​യി​ൽ. ഇ​തു​കാ​ര​ണം ജ​യി​ലി​ൽ അ​ന്തേ​വാ​സി​ക​ളു​ടെ എ​ണ്ണം വ​ർ​ധി​ച്ച്​ പ്ര​യാ​സം നേ​രി​ടു​ന്നു​ണ്ട്.

നാ​ടു​ക​ട​ത്ത​ൽ കേ​ന്ദ്ര​ത്തി​ൽ അ​ഞ്ച്​ ഏ​ഷ്യ​ൻ രാ​ജ്യ​ങ്ങ​ളി​ൽ​നി​ന്നു​ള്ള 800 പേ​ർ ഉ​ണ്ട്. മ​റ്റു ജ​യി​ലു​ക​ളി​ലും ആ​ള​ധി​ക​മാ​ണ്. ജ​യി​ലി​ൽ സ്ഥ​ല​മി​ല്ലാ​ത്ത​തി​നാ​ൽ പ​ല​രെ​യും ​പൊ​ലീ​സ്​ സ്​​റ്റേ​ഷ​നു​ക​ളി​ലെ ക​സ്​​റ്റ​ഡി​യി​ൽ സൂ​ക്ഷി​ച്ചി​രി​ക്കു​ക​യാ​ണ്. ശ്രീ​ല​ങ്ക, വി​യ​റ്റ്​​നാം, മ​ഡ​ഗാ​സ്​​ക​ർ എ​ന്നീ രാ​ജ്യ​ങ്ങ​ളി​ൽ​നി​ന്നു​ള്ള​വ​രാ​ണ്​ കൂ​ടു​ത​ൽ ത​ട​വു​കാ​രും. സ്​​ത്രീ ത​ട​വു​കാ​രും ഇ​ക്കൂ​ട്ട​ത്തി​ലു​ണ്ട്. അ​ന​ധി​കൃ​ത താ​മ​സ​ക്കാ​രെ പി​ടി​കൂ​ടാ​നു​ള്ള പ​രി​ശോ​ധ​ന കാ​മ്പ​യി​ൻ ആ​രം​ഭി​ക്കു​ന്ന​തി​ന്​ പ്ര​ധാ​ന ത​ട​സ്സം നാ​ടു​ക​ട​ത്ത​ൽ കേ​ന്ദ്ര​ത്തി​ൽ സ്ഥ​ല പ​രി​മി​തി​യു​ള്ള​താ​ണ്.

നേ​ര​ത്തേ പി​ടി​ക്ക​പ്പെ​ട്ട​വ​രും സെ​ൻ​ട്ര​ൽ ജ​യി​യി​ലി​ൽ​നി​ന്ന്​ ശി​ക്ഷാ കാ​ലാ​വ​ധി പൂ​ർ​ത്തി​യാ​ക്കി എ​ത്തി​ച്ച​വ​രും എ​ല്ലാ​മാ​യി നാ​ടു​ക​ട​ത്ത​ൽ കേ​ന്ദ്ര​ത്തി​ൽ ആ​ള​ധി​ക​മാ​ണെ​ന്ന്​ സു​ര​ക്ഷാ വൃ​ത്ത​ങ്ങ​ൾ സൂ​ചി​പ്പി​ച്ചു.കോ​വി​ഡ്​ പ്ര​തി​സ​ന്ധി തീ​​ർ​ന്ന്​ വി​മാ​ന സ​ർ​വി​സ്​ സാ​ധാ​ര​ണ നി​ല​യി​ലാ​യാ​ൽ നാ​ടു​ക​ട​ത്ത​ൽ കേ​ന്ദ്ര​ത്തി​ൽ ക​ഴി​യു​ന്ന​വ​രെ വേ​ഗ​ത്തി​ൽ സ്വ​ന്തം നാ​ടു​ക​ളി​ലേ​ക്ക്​ അ​യ​ക്കും. ഇ​ത്​ എ​ന്ന്​ സാ​ധ്യ​മാ​കു​മെ​ന്ന്​ പ​റ​യാ​ൻ ക​ഴി​യി​ല്ല. 1,80,000​ത്തി​ലേ​റെ അ​ന​ധി​കൃ​ത താ​മ​സ​ക്കാ​ർ രാ​ജ്യ​ത്തു​ണ്ട്. ഭാ​ഗി​ക പൊ​തു​മാ​പ്പ്​ കാ​ലം ക​ഴി​ഞ്ഞാ​ൽ വ്യാ​പ​ക പ​രി​ശോ​ധ​ന ന​ട​ത്തി ഇ​വ​രെ പി​ടി​കൂ​ടി തി​രി​ച്ചു​വ​രാ​ൻ ക​ഴി​യാ​ത്ത​വി​ധം സ്വ​ന്തം നാ​ടു​ക​ളി​ലേ​ക്ക്​ ക​യ​റ്റി അ​യ​ക്ക​ണ​മെ​ന്ന്​ ത​ന്നെ​യാ​ണ്​ അ​ധി​കൃ​ത​രു​ടെ തീ​രു​മാ​നം. വ്യോ​മ​ഗ​താ​ഗ​തം സാ​ധാ​ര​ണ നി​ല​യി​ലാ​വാ​ത്ത​താ​ണ്​ ഇ​തി​നു​ള്ള ത​ട​സ്സം.

കോ​വി​ഡി​െൻറ പേ​രു​പ​റ​ഞ്ഞ്​ വി​വി​ധ രാ​ജ്യ​ങ്ങ​ൾ സ്വ​ന്തം പൗ​ര​ന്മാ​രാ​യ ത​ട​വു​കാ​രെ ഏ​റ്റു​വാ​ങ്ങാ​ൻ മ​ടി​ക്കു​ന്നു​മു​ണ്ട്.ജ​യി​ലി​ൽ കോ​വി​ഡ്​ പ​ട​രാ​തി​രി​ക്കാ​ൻ അ​ധി​കൃ​ത​ർ ക​ന​ത്ത ജാ​ഗ്ര​ത പു​ല​ർ​ത്തു​ന്നു​ണ്ട്.പു​തു​താ​യി കൊ​ണ്ടു​വ​രു​ന്ന​വ​രെ പ്ര​ത്യേ​കം ബ്ലോ​ക്കി​ലാ​ണ്​ താ​മ​സി​പ്പി​ക്കു​ന്ന​ത്. രോ​ഗ​ല​ക്ഷ​ണം പ്ര​ക​ടി​പ്പി​ക്കു​ന്ന​വ​രെ ഉ​ട​ൻ ചി​കി​ത്സ​ക്കാ​യി ആ​ശു​പ​ത്രി​യി​ലേ​ക്ക്​ മാ​റ്റു​ന്നു​ണ്ട്.

ജ​യി​ൽ ഇ​ട​ക്കി​ടെ അ​ണു​ന​ശീ​ക​ര​ണം ന​ട​ത്തു​ന്നു. ത​ട​വു​കാ​ർ​ക്കും ജീ​വ​ന​ക്കാ​ർ​ക്കും ആ​രോ​ഗ്യ​മ​ന്ത്രാ​ല​യം മാ​ർ​ഗ​നി​ർ​ദേ​ശ​വും പ​രി​ശീ​ല​ന​വും ന​ൽ​കു​ന്നു. എ​ന്നി​ട്ടും ഏ​താ​നും ത​ട​വു​കാ​ർ​ക്ക്​ കോ​വി​ഡ്​ സ്ഥി​രീ​ക​രി​ച്ചു.

Show Full Article
TAGS:jail flight 
Next Story