ആഭ്യന്തര, വിദ്യാഭ്യാസ മന്ത്രിമാർക്കെതിരായ അവിശ്വാസം 10ന്​ വോട്ടിനിടും

കുവൈത്ത്​ സിറ്റി: കുവൈത്ത്​ ആഭ്യന്തര മന്ത്രി അനസ്​ അൽ സാലിഹ്​, വിദ്യാഭ്യാസ മന്ത്രി ഡോ. സൗദ്​ അൽ ഹർബി എന്നിവർക്കെതിരായ അവിശ്വാസ പ്രമേയം സെപ്​റ്റംബർ 10ന്​ പാർലമെൻറിൽ വോട്ടിനിടും. കഴിഞ്ഞ മാസം ഇരുവർ​ക്കുമെതിരെ അവിശ്വാസ പ്രമേയം അവതരിപ്പിച്ചിരുന്നെങ്കിലും പാർലമെൻറി​െൻറ പിന്തുണ ലഭിച്ചില്ല. വലിയ ഇടവേളയില്ലാതെ വീണ്ടും കുറ്റവിചാരണ നടത്തുകയും അവിശ്വാസ പ്രമേയത്തിന്​ നോട്ടീസ്​ നൽകുകയുമായിരുന്നു. ഒരിടവേളക്ക്​ ശേഷം പാർലമെൻറ്​ അംഗങ്ങൾ നിരന്തരം മന്ത്രിമാർക്കെതിരെ കുറ്റവിചാരണ നടത്തുന്ന പ്രവണതയാണ്​ സമീപകാലത്ത്​ കണ്ടുവരുന്നത്​.

പാർല​മെൻറ്​ തെരഞ്ഞെടുപ്പ്​ അടുത്ത സാഹചര്യത്തിൽ ബഹുജന പിന്തുണ നേടാനാണ്​ ഇതെന്ന്​ ആരോപണമുണ്ട്​. അതേസമയം, എം.പിമാർ ഇത്​ നിഷേധിക്കുന്നു. കുവൈത്ത്​ പ്രധാനമന്ത്രി ശൈഖ്​ സബാഹ്​ ഖാലിദ്​ അൽ ഹമദ്​ അസ്സബാഹിനെതിരെയും കുറ്റവിചാരണക്ക്​ നോട്ടീസ്​ സമർപ്പിച്ചിട്ടുണ്ട്​. അബ്​ദുൽ കരീം അൽ കൻദരി, അൽ ഹുമൈദി, അൽ സുബൈഇ എന്നീ എം.പിമാർ സമർപ്പിച്ച കുറ്റവിചാരണ നോട്ടീസ്​ രണ്ടാഴ്​ചക്ക്​ ശേഷം പരിഗണിക്കുമെന്ന്​ സ്​പീക്കർ മർസൂഖ്​ അൽ ഗാനിം വ്യക്​തമാക്കി.

അബ്​ദുൽ വഹാബ്​ അൽ ബാബ്​തൈൻ, ബദർ അൽ മുല്ല, അബ്​ദുൽ കരീം അൽ കൻദരി, യൂസുഫ്​ അൽ ഫദ്ദാല, ഡോ. ഒൗദ അൽ റുവൈഇ, അൽ ഹുമൈദി അൽ സുബൈഇ, ഡോ. ഖലീൽ അബുൽ, ഉമർ അൽ തബ്​തബാഇ, ഫർറാജ്​ അൽ അർബീദ്​, നാസർ അൽ ദൂസരി എന്നീ എം.പിമാരാണ്​ വിദ്യാഭ്യാസ മന്ത്രിക്കെതിരായ അവിശ്വാസ ​പ്രമേയത്തിൽ ഒപ്പിട്ടത്​. ഖാലിദ്​ അൽ ഉതൈബി, താമിർ അൽ സുവൈത്ത്​, അബ്​ദുൽ കരീം അൽ കൻദരി, മുഹമ്മദ്​ അൽ മുതൈർ, നായിഫ്​ അൽ മിർദാസ്​, ഹംദാൻ അൽ ആസിമി, ആദിൽ അൽ ദംഹി, അബ്​ദുല്ല ഫഹദ്​, ശു​െഎബ്​ അൽ മുവൈസിരി, മുഹമ്മദ്​ ഹായിഫ്​ എന്നിവരാണ്​ ആഭ്യന്തര മന്ത്രിക്കെ​തിരെ അവിശ്വാസം കൊണ്ടുവരുന്നത്​.