കല (ആർട്ട്) കുവൈത്ത്​ 'നിറം' ചിത്രരചനമത്സരം വിജയികളെ പ്രഖ്യാപിച്ചു

കുവൈത്ത്​ സിറ്റി: ശിശുദിനത്തോടനുബന്ധിച്ച്​ കുവൈത്തിലെ ഇന്ത്യൻ സ്കൂൾ കുട്ടികൾക്കായി കല (ആർട്ട്) കുവൈത്ത്​ സംഘടിപ്പിച്ച 'നിറം' ചിത്രരചന മത്സരത്തിലെ വിജയികളെ പ്രഖ്യാപിച്ചു. കോവിഡ് പശ്ചാത്തലത്തിൽ സാങ്കേതിക വിദ്യ ഉപയോഗിച്ച്​ സ്വന്തം വീടുകളിൽ തന്നെയാണ് കുട്ടികൾ മത്സരത്തിൽ പങ്കെടുത്തത്. വിജയികൾക്കുള്ള സമ്മാന വിതരണം ഡിസംബർ 28 ചൊവ്വാഴ്ച്ച വൈകുന്നേരം അഞ്ചിന്​ ഇന്ത്യൻ എംബസിയിൽ നടക്കും. തുടർച്ചയായ 17ാം വർഷം നടത്തിയ പരിപാടിയിൽ കുവൈത്തിലെ 24 ഇന്ത്യൻ സ്‌കൂളുകളിൽനിന്നായി 2700ലധികം കുട്ടികൾ പ​െങ്കടുത്തുവെന്നും വിവിധ രാജ്യക്കാരായ വിദ്യാർഥികൾ മത്സരത്തിൽ പങ്കെടുത്തുവെന്നും കല (ആർട്ട്​) കുവൈത്ത്​ ഭാരവാഹികൾ വാർത്താസമ്മേളനത്തിൽ പറഞ്ഞു.

ഒന്നും രണ്ടും മൂന്നും സമ്മാനങ്ങൾക്കു പുറമെ 66 പേർക്ക് മെറിറ്റ് പ്രൈസും 164 പേർക്ക് പ്രോത്സാഹന സമ്മാനവും പ്രഖ്യാപിച്ചിട്ടുണ്ട്. ഒന്നും രണ്ടും മൂന്നും സമ്മാനാർഹർക്ക് സർട്ടിഫിക്കറ്റും മെഡലും മെമെ​േൻറായും കൂടാതെ ഒന്നാം സമ്മാനർഹർക്ക് സ്വർണനാണയവും നൽകുന്നുണ്ട്. മെറിറ്റ്, കോൺസലേഷൻ സമ്മാന ജേതാക്കൾക്കുള്ള സർട്ടിഫിക്കറ്റും മത്സരത്തിൽ പങ്കെടുത്തവർക്കുള്ള പങ്കാളിത്ത സർട്ടിഫിക്കറ്റും ഇമെയിൽ വഴി അയക്കും. മത്സരഫലം മുഴുവനായി www.kalakuwait.net എന്ന വെബ്സൈറ്റിൽ ലഭ്യമാണ്. ആർട്ടിസ്​റ്റുരായ ശശികൃഷ്ണൻ, ജോൺ മാവേലിക്കര, സുനിൽ കുളനട എന്നിവർ നേതൃത്വം നൽകിയ പാനൽ ആയിരുന്നു വിധികർത്താക്കൾ. പ്രസിഡൻറ്​ വി.പി. മുകേഷ്, ജനറൽ സെക്രട്ടറി ശിവകുമാർ, ട്രഷറർ ഹസൻകോയ, ജനറൽ കൺവീനർ ജെയ്സൺ ജോസഫ്, വിധികർത്താക്കളായ ആർട്ടിസ്​റ്റ്​ ശശികൃഷ്​ണൻ, ആർട്ടിസ്​റ്റ്​ സുനിൽ കുളനട എന്നിവർ ഫർവാനിയ ബദർ അൽ സമ ക്ലിനിക് ഹാളിൽ നടത്തിയ വാർത്താസമ്മേളനത്തിൽ സംബന്ധിച്ചു.