പുതിയ പാർലമെൻറ്​: വിദേശികൾക്കും നിർണായകം

കുവൈത്ത്​ സിറ്റി: കുവൈത്ത്​ പാർലമെൻറ്​ തെരഞ്ഞെടുപ്പ്​ സ്വദേശികളുടെ ആഭ്യന്തര കാര്യം എന്നുപറഞ്ഞ്​ അവഗണിക്കാൻ രാജ്യനിവാസികളായ വിദേശികൾക്ക്​ കഴിയില്ല. വിദേശികളെ ഏറെ ബാധിക്കുന്നതാണ്​ തെരഞ്ഞെടുപ്പ്​ ഫലം. വിദേശികൾക്ക്​ എതിരായ പല തീരുമാനങ്ങളുടെയും പ്രഭവകേന്ദ്രമായിട്ടുള്ളത്​ എം.പിമാരുടെ കരടുനിർദേശങ്ങളായിരുന്നു എന്നത്​കൊണ്ടാണ്​ വിദേശികൾക്കും ​കുവൈത്ത്​ പാർലമെൻറ്​ തെരഞ്ഞെടുപ്പ്​ ഫലം നിർണായകമാവുന്നത്​.

വിദേശികൾക്കെതിരായി ഏറ്റവും കൂടുതൽ പ്രസ്​താവന നടത്തിയിട്ടുള്ള സഫ അൽ ഹാഷിം എം.പിയുടെ പരാജയം രാജ്യത്തെ വിദേശികളിൽ ആഹ്ലാദം ഉണ്ടാക്കിയിട്ടുണ്ട്​. വിദേശികൾ ശ്വസിക്കുന്ന വായുവിന്​ വരെ നികുതി ഇൗടാക്കണമെന്ന്​ ഒരിക്കൽ ഇവർ പറഞ്ഞത്​ വിവാദമായിരുന്നു. സ്വദേശിവത്​കരണം, വിദേശികൾക്ക്​ ക്വാട്ട നിശ്ചയിക്കൽ. പണമയക്കലിന്​ നികുതി, വിദേശികളുടെ സേവനങ്ങൾക്ക്​ ഫീസ്​ ഏർപ്പെടുത്തലും വർധിപ്പിക്കലും തുടങ്ങി നിരവധി നിർദേശങ്ങൾ ഇത്തരത്തിൽ എം.പിമാരിൽനിന്ന്​ ഉണ്ടായിട്ടുണ്ട്​. പലതിലും സർക്കാറിന്​ മുന്നോട്ടുപോ​വേണ്ടിയും വന്നു.

പാർലമെൻറിലെ സ്വദേശിവത്​കരണ സമിതി അധ്യക്ഷൻ ഖലീൽ ഇബ്രാഹിം അൽ സാലിഹ്, ശു​െഎബ്​ അൽ മുവൈസിരി, യൂസുഫ്​ അൽ ഫദ്ദാല​ ഉൾപ്പെടെ സ്വദേശികളുടെ താൽപര്യം സംരക്ഷിക്കാൻ കൂടുതൽ കർശനമായ നടപടികൾ എടുക്കണം എന്നുവാദിക്കുന്ന നിരവധി സിറ്റിങ്​ എം.പിമാർ തെരഞ്ഞെടുക്കപ്പെട്ടിട്ടുണ്ട്​. ജനസംഖ്യ സന്തുലനം സാധ്യമാക്കാൻ വിദേശകൾക്ക്​ ക്വാട്ട നിശ്ചയിക്കണം എന്നതുൾപ്പെടെ പല അജണ്ടകളും പുതിയ പാർലമെൻറി​െൻറ പരിഗണനക്ക്​ വരും. ജനസംഖ്യ സന്തുലനം 2021 ആദ്യ മാസങ്ങളിൽ തന്നെ ചർച്ചയാവും. പുതിയ എം.പിമാരുടെ ഇക്കാര്യത്തിലെ നിലപാടുകൾ നിർണായകമാവും.