കാസർകോട് എക്സ്പാട്രിയറ്റ്സ് അസോസിയേഷന് പുതിയ നേതൃത്വം
text_fieldsകുവൈത്ത് സിറ്റി: കാസർകോട് എക്സ്പാട്രിയറ്റ്സ് അസോസിയേഷന് പുതിയ ഭാരവാഹികളെ തെരഞ്ഞെടുത്തു.
കോവിഡ് സാഹചര്യം കണക്കിലെടുത്ത് നിലവിലെ ഭാരവാഹികൾ നേരിട്ടും മറ്റുള്ളവർ ഓൺലൈനിലുമായാണ് ജനറൽ കൗൺസിൽ യോഗത്തിൽ പെങ്കടുത്തത്. ഫർവാനിയ ബദർ അൽ സമ മെഡിക്കൽ സെൻറർ ഹാളിൽ നടന്ന യോഗത്തിൽ പ്രസിഡൻറ് സത്താർ കുന്നിൽ അധ്യക്ഷത വഹിച്ചു.
മുഖ്യരക്ഷാധികാരി സഗീർ തൃക്കരിപ്പൂർ ഉദ്ഘാടനം ചെയ്തു. ജനറൽ സെക്രട്ടറി സലാം കളനാട് പ്രവർത്തന റിപ്പോർട്ടും ട്രഷറർ രാമകൃഷ്ണൻ കള്ളാർ സാമ്പത്തിക റിപ്പോർട്ടും അവതരിപ്പിച്ചു. ചെയർമാൻ ഖലീൽ അടൂർ, രക്ഷാധികാരി മഹമൂദ് അപ്സര, അഷ്റഫ് അയ്യൂർ എന്നിവർ സംസാരിച്ചു.
വർക്കിങ് പ്രസിഡൻറ് ഹമീദ് മധൂർ സ്വാഗതവും രാമകൃഷ്ണൻ കള്ളാർ നന്ദിയും പറഞ്ഞു. റിട്ടേണിങ് ഓഫിസർ സഗീർ തൃക്കരിപ്പൂർ തെരഞ്ഞെടുപ്പ് നിയന്ത്രിച്ചു.
ഭാരവാഹികൾ: പി.എ. നാസർ (പ്രസി.), നളിനാക്ഷൻ ഒളവറ (ജന. സെക്ര.), സി.എച്ച്. മുഹമ്മദ് കുഞ്ഞി (ട്രഷ.), സുധൻ ആവിക്കര (ഓർഗനൈസിങ് സെക്ര.), നാസർ ചുള്ളിക്കര, നൗഷാദ് തിടിൽ, ഹാരിസ് മുട്ടുന്തല, സുബൈർ കാഡംകോട് (വൈസ് പ്രസി.), ജലീൽ ആരിക്കാടി, ശ്രീനിവാസൻ, സത്താർ കോളവയൽ, കബീർ മഞ്ഞംപാറ (ജോ. സെക്ര.), യാദവ് ഹോസ്ദുർഗ് (ജോ. ട്രഷ).
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
