കുവൈത്തിൽ നാലുപേർക്ക്​ കൂടി കോവിഡ്​

കുവൈത്ത്​ സിറ്റി: കുവൈത്തിൽ ബുധനാഴ്​ച നാലുപേർക്ക്​ കൂടി കോവിഡ്​ 19 സ്ഥിരീകരിച്ചു. ഇതോടെ രാജ്യത്ത്​ വൈറസ്​ ബാധിച്ചവരുടെ എണ്ണം 195 ആയി. ഇതിൽ 43 പേർ ​രോഗമുക്​തി നേടി. ബാക്കി 152 പേരാണ്​ ചികിത്സയിലുള്ളത്​. അതിനിടെ തീവ്രപരിചരണ വിഭാഗത്തിലുള്ളവരുടെ എണ്ണം ഒന്ന്​ വർധിച്ച്​ ആറായി. ബുധനാഴ്​ച നാലുപേർ രോഗമുക്​തി നേടുകയും ചെയ്​തിട്ടുണ്ട്​.

രണ്ട്​ കുവൈത്തികൾക്കും ഫിലിപ്പീൻസ്​, ​സൊമാലിയ എന്നിവിടങ്ങളിലെ പൗരൻമാർക്കുമാണ്​ പുതുതായി രോഗം സ്ഥിരീകരിച്ചത്​.