കുവൈത്തിൽ നേരിയ ഭൂചലനം അനുഭവപ്പെട്ടു

കുവൈത്ത്​ സിറ്റി: കുവൈത്തിൽ ശനിയാഴ്​ച പുലർച്ചെ നേരിയ ഭൂചലനം അനുഭവപ്പെട്ടു. റിക്​ടർ സ്​കെയിലിൽ 3.1 രേഖപ്പെടുത്തിയ ചെറിയ കമ്പനമാണ്​ പുലർച്ചെ 3.18ന്​ അനുഭവപ്പെട്ടതെന്ന് ശാസ്​ത്ര ​ഗവേഷണ കേന്ദ്രത്തിലെ​ കുവൈത്ത്​ നാഷനൽ സീസ്​​മിക്​ നെറ്റ്​വർക്ക്​ അറിയിച്ചു. ഏഴ്​ കിലോമീറ്റർ ആഴത്തിൽ സാധാരണക്കാർക്ക്​ അനുഭവപ്പെടാത്ത നിസ്സാര ചലനം ആണ്​ ഉണ്ടായതെന്നും ആശങ്കപ്പെടാൻ ഒന്നുമില്ലെന്നും അധികൃതർ വ്യക്​തമാക്കി.