അബ്​ദുല്ല അൽ സാലിം സാംസ്​കാരിക നിലയം പൊതുജനങ്ങൾക്ക്​ തുറന്നുകൊടുത്തു

കുവൈത്ത് സിറ്റി: ശൈഖ്​ അബ്​ദുല്ല അൽ സാലിം സാംസ്​കാരിക നിലയം ​പൊതുജനങ്ങൾക്ക് തുറന്നുകൊടുത്തു. ശഅബ് അൽ ബഹ്രിയിൽ നിർമാണം പൂർത്തിയായ മ്യൂസിയവും സാംസ്​കാരിക നിലയവും ഫെബ്രുവരി നാലിനാണ്​ അമീർ ഉദ്ഘാടനം ചെയ്​തത്​. ബുധനാഴ്​ച മുതൽ പൊതുജനങ്ങൾക്ക്​ ഒൗദ്യോഗിക പ്രവേശനം അനുവദിച്ചു. 18 വയസ്സിന്​ മുകളിലുള്ളവർക്ക്​ മൂന്നു​ ദീനാറാണ്​ പ്രവേശന ഫീസ്​. സഹായത്തിന്​ പോവുന്ന ഗാർഹികത്തൊഴിലാളിക്ക്​ രണ്ടുദീനാർ നൽകണം. രണ്ടു ​വയസ്സിൽ താഴെയുള്ളവർക്ക്​ സൗജന്യമാണ്​. 18 വയസ്സ്​ വരെയുള്ളവർക്ക്​ രണ്ട്​ ദീനാറും ഭിന്നശേഷിയുള്ളവർക്ക്​ ഒന്നര ദീനാറുമാണ്​ ഫീസ്​. വീൽചെയർ ഉപയോഗിക്കേണ്ടവർക്ക്​ ഒന്നര ദീനാർ ഫീസ്​ നൽകണമെങ്കിലും ഒരാളെ സൗജന്യമായി സഹായത്തിന്​ കൊണ്ടുപോവാം. 

സാധാരണ ദിവസങ്ങളിൽ രാവിലെ ഒമ്പതുമുതൽ ​രാത്രി ഏഴുവരെയും അവധി ദിവസങ്ങളിൽ രാവിലെ ഒമ്പതു മുതൽ രാത്രി പത്തുവരെയുമാണ്​ സാംസ്​കാരിക നിലയം പ്രവർത്തിക്കുക. ഞായറാഴ്​ച നിലയം തുറക്കില്ല. നാചുറൽ ഹിസ്​റ്ററി മ്യൂസിയം, സയൻസ്​ മ്യൂസിയം, ഇസ്​ലാമിക്​ ഹിസ്​റ്ററി മ്യൂസിയം, സ്​പേസ്​ മ്യൂസിയം, ഫൈൻ ആർട്​സ്​ സ​​െൻറർ, 350 സീറ്റുള്ള തിയറ്റർ എന്നിങ്ങനെ ആറു​ പ്രധാന കെട്ടിടങ്ങളാണ്​ പദ്ധതിക്ക്​ കീഴിലുള്ളത്​. രാജ്യത്തി​​െൻറ സംസ്​കാരിക തനിമയും പൈതൃകവും അറിയാനും സംരക്ഷിക്കാനുമുള്ള കേന്ദ്രമായാണ് ഇവ പണികഴിപ്പിച്ചത്.