മുനിസിപ്പൽ പരിശോധന: നിരവധി വർക്​ഷോപ്പുകൾ അടച്ചുപൂട്ടി

കുവൈത്ത്​ സിറ്റി: മുനിസിപ്പൽ അധികൃതർ നടത്തിയ പരിശോധനയിൽ നിരവധി വർക്​ഷോപ്പുകൾ അടച്ചുപൂട്ടി.

ഫർവാനിയ ഗവർണറേറ്റിൽ മൂന്നും ഹവല്ലി ഗവർണറേറ്റിൽ നാലും കാപിറ്റൽ ഗവർണറേറ്റിൽ നാലും വർക്​ഷോപ്പുകൾക്കെതിരെയാണ്​ നടപടിയെടുത്തത്​​. ഫർവാനിയയിൽ രണ്ട്​ കൈയേറ്റം ഒഴിപ്പിച്ചു.

ആരോഗ്യ സുരക്ഷ മാർഗനിർദേശങ്ങൾ ലംഘിച്ചതിന്​ 44 സ്ഥാപനങ്ങൾക്കെതിരെ നടപടിയെടുത്തു. വരും ദിവസങ്ങളിലും രാജ്യത്തിന്‍റെ വിവിധ ഭാഗങ്ങളിൽ പരിശോധന നടത്തുമെന്ന്​ അധികൃതർ സൂചിപ്പിച്ചു.