ശൈത്യകാല തമ്പുകൾക്ക്​ സമീപം താൽക്കാലിക സൂപ്പർ മാർക്കറ്റിന്​​ നീക്കം

കു​വൈ​ത്ത്​ സി​റ്റി: കു​വൈ​ത്തി​ൽ ശൈ​ത്യ​കാ​ല ത​മ്പു​ക​ൾ​ക്ക്​ സ​മീ​പം താ​ൽ​ക്കാ​ലി​ക സൂ​പ്പ​ർ​മാ​ർ​ക്ക​റ്റു​ക​ൾ സ്ഥാ​പി​ക്കാ​ൻ നീ​ക്കം. സ​ഹ​ക​ര​ണ സം​ഘ​ങ്ങ​ൾ (ജം​ഇ​യ്യ​ക​ൾ) വ​ഴി കു​റ​ഞ്ഞ വി​ല​ക്ക്​ ത​മ്പു​പ​ക​ര​ണ​ങ്ങ​ൾ ഉ​ൾ​പ്പെ​ടെ സാ​ധ​ന​ങ്ങ​ൾ ല​ഭ്യ​മാ​ക്കു​ന്ന​താ​ണ്​ പ​രി​ഗ​ണ​ന​യി​ൽ. ത​മ്പു​ക​ളി​ൽ ക​ഴി​യു​ന്ന​വ​ർ​ക്ക്​ ആ​വ​ശ്യ​മാ​യ സാ​ധ​ന​ങ്ങ​ൾ വി​ൽ​ക്കു​ന്ന​തി​ലൂ​ടെ സ​ഹ​ക​ര​ണ സം​ഘ​ങ്ങ​ളു​ടെ വ​രു​മാ​നം വ​ർ​ധി​പ്പി​ക്കാ​മെ​ന്നും അ​തോ​ടൊ​പ്പം ത​മ്പു​ക​ളി​ൽ ത​ണു​പ്പ്​ ആ​സ്വ​ദി​ക്കാ​നെ​ത്തു​ന്ന​വ​ർ​ക്ക്​ സ​ഹാ​യ​ക​മാ​കു​മെ​ന്നും അ​ധി​കൃ​ത​ർ ക​രു​തു​ന്നു. ത​മ്പു​പ​ക​ര​ണ​ങ്ങ​ൾ സ​മീ​പ സ്ഥ​ല​ത്ത്​ ല​ഭി​ക്കു​ന്ന​തോ​ടെ ചെ​ല​വു​ കു​റ​യും.

ഇ​പ്പോ​ൾ ചി​ല കേ​ന്ദ്ര​ങ്ങ​ളി​ൽ മാ​ത്ര​മാ​ണ്​ ഇ​വ ല​ഭി​ക്കു​ന്ന​ത്. സീ​സ​ണി​ൽ മാ​ത്രം ല​ഭി​ക്കു​ന്ന ക​ച്ച​വ​ടം ആ​യ​തി​നാ​ൽ​ വ​ലി​യ വി​ല​യാ​ണ്​ ഇൗ​ടാ​ക്കു​ന്ന​ത്.

ത​മ്പ്​ കേ​ന്ദ്ര​ത്തി​െൻറ അ​ടു​ത്ത്​ ല​ഭി​ക്കു​ന്ന​തും മെ​ച്ച​മാ​ണ്. ന​വം​ബ​ർ 15 മു​ത​ൽ മാ​ർ​ച്ച്​ 15 വ​രെ​യാ​ണ്​ ​ശൈ​ത്യ​കാ​ല ത​മ്പു​ക​ൾ​ക്ക്​ അ​നു​മ​തി. രാ​ജ്യ​ത്തെ കോ​വി​ഡ്​ സാ​ഹ​ച​ര്യം വി​ല​യി​രു​ത്തി ആ​രോ​ഗ്യ​മ​ന്ത്രാ​ല​യം അ​നു​മ​തി ന​ൽ​കി​യ​തോ​ടെ​യാ​ണ്​ മു​നി​സി​പ്പാ​ലി​റ്റി ത​മ്പ്​ ലൈ​സ​ൻ​സ്​ വി​ത​ര​ണ​വു​മാ​യി മു​ന്നോ​ട്ടു​പോ​കാ​ൻ തീ​രു​മാ​നി​ച്ച​ത്. നാ​ലു​മാ​സ​മാ​ണ് മ​രു​പ്ര​ദേ​ശ​ങ്ങ​ളി​ലും മ​റ്റും ത​ണു​പ്പ് ആ​സ്വാ​ദ​ന ത​മ്പു​ക​ൾ പ്ര​വ​ർ​ത്തി​പ്പി​ക്കാ​ൻ അ​നു​മ​തി ന​ൽ​കാ​റു​ള്ള​ത്. ക​ഴി​ഞ്ഞ​ത​വ​ണ അ​നു​മ​തി ന​ൽ​കാ​തി​രു​ന്ന​തോ​ടെ അ​ന​ധി​കൃ​ത​മാ​യി പ​ല​രും ത​മ്പ്​ നി​ർ​മി​ച്ചു. 5000ത്തി​ലേ​റെ അ​ന​ധി​കൃ​ത ത​മ്പു​ക​ളാ​ണ്​ മു​നി​സി​പ്പാ​ലി​റ്റി​യു​ടെ നേ​തൃ​ത്വ​ത്തി​ൽ ക​ഴി​ഞ്ഞ വ​ർ​ഷം പൊ​ളി​ച്ചു​നീ​ക്കി​യ​ത്.

ശൈ​ത്യ​കാ​ല ത​മ്പു​ക​ൾ​ക്കു​ള്ള ഇ​ൻ​ഷു​റ​ൻ​സ് തു​ക കു​റ​ക്കാ​ൻ മു​നി​സി​പ്പ​ൽ കൗ​ൺ​സി​ൽ ക​ഴി​ഞ്ഞ​ദി​വ​സം തീ​രു​മാ​നം എ​ടു​ത്തി​രു​ന്നു. 300 ദീ​നാ​ർ ഉ​ണ്ടാ​യി​രു​ന്ന​ത് ഫീ​സ് 100 ദീ​നാ​ർ ആ​ക്കി​യാ​ണ് കു​റ​ച്ച​ത്.