വാ​റ്റി​നു​പ​ക​രം എ​ക്സൈ​സ് നി​കു​തി ന​ട​പ്പി​ലാ​ക്കാ​ന്‍ നീ​ക്കം

കു​വൈ​ത്ത് സി​റ്റി: മൂല്യവർധിത നികുതിക്ക് (വാ​റ്റ്)​ പ​ക​രം രാ​ജ്യ​ത്ത് എ​ക്സൈ​സ് നി​കു​തി ന​ട​പ്പി​ലാ​ക്കാ​ന്‍ നീ​ക്കം. നേ​ര​ത്തെ മൂ​ല്യ​വ​ർ​ധി​ത നി​കു​തി ന​ട​പ്പി​ലാ​ക്കാ​ന്‍ ധ​ന​കാ​ര്യ വ​കു​പ്പ് പ​ദ്ധ​തി​യി​ട്ടി​രു​​ന്നെ​ങ്കി​ലും പാ​ര്‍ല​മെ​ന്റി​ല്‍നി​ന്ന് കാ​ര്യ​മാ​യ പി​ന്തു​ണ ല​ഭി​ക്കാ​ത്ത​തി​നെ തു​ട​ര്‍ന്നാ​ണ്‌ എ​ക്സൈ​സ് നി​കു​തി ചു​മ​ത്താ​ന്‍ ആ​ലോ​ചി​ക്കു​ന്ന​ത്. മൂ​ല്യ​വ​ർ​ധി​ത നി​കു​തി നി​ർ​ദേ​ശ​ങ്ങ​ളെ എം.​പി​മാ​ര്‍ ശ​ക്ത​മാ​യി എ​തി​ര്‍ത്തി​രു​ന്നു.

കു​വൈ​ത്തും ഖ​ത്ത​റു​മാ​ണ് മൂ​ല്യ​വ​ർ​ധി​ത നി​കു​തി ഇ​തു​വ​രെ ന​ട​പ്പി​ലാ​ക്കാ​ത്ത ജി.​സി.​സി രാ​ജ്യ​ങ്ങ​ള്‍. പാ​ര്‍ല​മെ​ന്റി​ന്റെ വ​രും സ​മ്മേ​ള​ന​ത്തി​ല്‍ എ​ക്സൈ​സ് നി​കു​തി​യു​മാ​യി ബ​ന്ധ​പ്പെ​ട്ട ബി​ല്ലു​ക​ള്‍ പ​രി​ഗ​ണ​ന​ക്ക് വ​ന്നേ​ക്കു​മെ​ന്ന് പ്രാ​ദേ​ശി​ക മാ​ധ്യ​മ​മാ​യ കു​വൈ​ത്ത് ടൈം​സ് റി​പ്പോ​ർ​ട്ട് ചെ​യ്തു.

തു​ട​ക്ക​ത്തി​ല്‍ പു​ക​യി​ല, ശീ​ത​ള​പാ​നീ​യ​ങ്ങ​ൾ, വാ​ച്ചു​ക​ൾ, ആ​ഭ​ര​ണ​ങ്ങ​ൾ, വി​ല​യേ​റി​യ ക​ല്ലു​ക​ൾ, ആ​ഡം​ബ​ര കാ​റു​ക​ൾ, യാ​ച്ചു​ക​ൾ എ​ന്നി​വ​ക്കാ​യി​രി​ക്കും എ​ക്സൈ​സ് നി​കു​തി ചു​മ​ത്തു​ക. 10 മു​ത​ൽ 25 ശ​ത​മാ​നം വ​രെ​യാ​ണ് നി​കു​തി ഈ​ടാ​ക്കു​ക.

നി​ർ​ദി​ഷ്ട എ​ക്സൈ​സ് നി​കു​തി പ്ര​കാ​രം, പ്ര​തി​വ​ർ​ഷം 500 ദ​ശ​ല​ക്ഷം ദീ​നാ​ര്‍ വ​രു​മാ​നം ല​ഭി​ക്കു​മെ​ന്നാ​ണ് ധ​ന​മ​ന്ത്രാ​ല​യം പ്ര​തീ​ക്ഷ. ആ​ദ്യ​ഘ​ട്ട​മെ​ന്ന നി​ല​യി​ല്‍ ആ​ഡം​ബ​ര വ​സ്തു​ക്ക​ൾ​ക്ക് മാ​ത്ര​മാ​ണ് നി​കു​തി ഏ​ര്‍പ്പെ​ടു​ത്തു​ക.

നേ​ര​ത്തെ വി​ദേ​ശി​ക​ൾ​ക്ക് മാ​ത്ര​മാ​യി റെ​മി​റ്റ​ൻ​സ് ടാ​ക്സ് നി​ർ​ദേ​ശം പാ​ര്‍ല​മെ​ന്റി​ല്‍ അ​വ​ത​രി​പ്പി​ച്ചി​രു​ന്നു​വെ​ങ്കി​ലും എം.​പി​മാ​രു​ടെ എ​തി​ര്‍പ്പു​മൂ​ലം ന​ട​പ്പാ​ക്കാ​ന്‍ ക​ഴി​ഞ്ഞി​ട്ടി​ല്ല. അ​തേ​സ​മ​യം, രാ​ജ്യ​ത്ത് നി​കു​തി ഏ​ര്‍പ്പെ​ടു​ത്തു​ന്ന​ത് പ്ര​വാ​സി​ക​ളെ സാ​ര​മാ​യി ബാ​ധി​ക്കു​മെ​ന്നാ​ണ് ക​രു​തു​ന്ന​ത്. നി​ര​വ​ധി പ്ര​യാ​സ​ങ്ങ​ളാ​ല്‍ പ്ര​തി​സ​ന്ധി​യി​ല​ക​പ്പെ​ട്ട പ്ര​വാ​സി​ക​ള്‍ക്ക് നി​കു​തി വ​ലി​യ ഭാ​ര​മാ​കും.