കുവൈത്തിൽ കോവിഡ്​ രോഗമുക്​തർ ഒരുലക്ഷം കടന്നു

കുവൈത്ത്​ സിറ്റി: കുവൈത്തിൽ കോവിഡ്​ രോഗമുക്​തി നേടിയവർ ഒരുലക്ഷം കടന്നു. 1,00,179 പേരാണ്​ രാജ്യത്ത്​ ഇതുവരെ കോവിഡ്​ ബാധിച്ച ശേഷം രോഗമുക്​തി നേടിയത്​. ചൊവ്വാഴ്​ച 630 പേർ രോഗമുക്​തരായി. ​പുതുതായി 676 പേർക്കാണ്​ കോവിഡ്​ സ്ഥിരീകരിച്ചത്​. ഇതോടെ ഇതുവരെയുള്ള വൈറസ്​ ബാധിതർ 108,268 ആയി. 7457 പേരാണ്​ ചികിത്സയിലുള്ളത്​. 139 പേർ തീവ്ര പരിചരണ വിഭാഗത്തിലാണ്​. ചൊവ്വാഴ്​ച നാല്​ മരണം സ്ഥിരീകരിച്ചു. ഇതോടെ ആകെ കോവിഡ്​ മരണം 632ൽ എത്തി. 3583 പേർക്കാണ്​ പുതുതായി കോവിഡ്​ പരിശോധന നടത്തിയത്​.