കു​വൈ​ത്ത് ആ​രോ​ഗ്യ മേ​ഖ​ല​യി​ൽ കൂ​ടു​ത​ൽ നി​യ​മ​ന​ങ്ങ​ൾ

കു​വൈ​ത്ത് സി​റ്റി: രാ​ജ്യ​ത്തെ ആ​രോ​ഗ്യ മേ​ഖ​ല വി​പു​ലീ​ക​രി​ക്കു​ന്ന​തി​ന്റെ ഭാ​ഗ​മാ​യി വി​വി​ധ രാ​ജ്യ​ങ്ങ​ളി​ൽ​നി​ന്ന് കൂ​ടു​ത​ൽ ആ​രോ​ഗ്യ പ്ര​വ​ർ​ത്ത​ക​രെ എ​ത്തി​ക്കു​ന്നു. പു​തി​യ മെ​ഡി​ക്ക​ൽ കേ​ന്ദ്ര​ങ്ങ​ൾ, ആ​ശു​പ​ത്രി എ​ന്നി​വി​ട​ങ്ങ​ളി​ലെ ജോ​ലി​ക്കാ​യി വി​വി​ധ രാ​ജ്യ​ങ്ങ​ളി​ലെ ഡോ​ക്ട​ർ​മാ​ർ, മെ​ഡി​ക്ക​ൽ സ്റ്റാ​ഫ് എ​ന്നി​വ​രു​മാ​യി ക​രാ​റി​ലേ​ർ​പ്പെ​ട്ട​താ​യി ആ​രോ​ഗ്യ മ​ന്ത്രാ​ല​യ​ത്തെ ഉ​ദ്ധ​രി​ച്ച് കു​വൈ​ത്ത് ടൈം​സ് റി​പ്പോ​ർ​ട്ട് ചെ​യ്തു. ഇ​ന്ത്യ​യ​ട​ക്ക​മു​ള്ള രാ​ജ്യ​ങ്ങ​ളി​ൽ​നി​ന്ന് ഡോ​ക്ട​ർ​മാ​രും ന​ഴ്സു​മാ​രു​മ​ട​ങ്ങു​ന്ന സം​ഘം എ​ത്തും.

ജോ​ർ​ഡ​ൻ, ഫ​ല​സ്തീ​ൻ എ​ന്നി​വി​ട​ങ്ങ​ളി​ൽ നി​ന്നു​ള്ള ഡോ​ക്ട​ർ​മാ​രാ​ണ് ആ​ദ്യ​മെ​ത്തു​ക. ആ​രോ​ഗ്യ മ​ന്ത്രാ​ല​യ​ത്തി​ലെ നി​യ​മ​ന ന​ട​പ​ടി​ക്ര​മ​ങ്ങ​ളും റെ​സി​ഡ​ൻ​സി കാ​ര്യ​ങ്ങ​ളും പൂ​ർ​ത്തി​യാ​ക്കി അ​ടു​ത്ത വ​ർ​ഷ​ത്തി​ന്റെ തു​ട​ക്ക​ത്തി​ൽ ഇ​വ​ർ കു​വൈ​ത്തി​ലെ​ത്തും. ഡോ​ക്ട​ർ​മാ​ർ​ക്ക് പി​റ​കെ ന​ഴ്സു​മാ​രും സാ​ങ്കേ​തി​ക വി​ദ​ഗ്ധ​രും അ​ട​ങ്ങു​ന്ന സം​ഘ​ത്തെ​യും റി​ക്രൂ​ട്ട് ചെ​യ്യും.

ഇ​ന്ത്യ, പാ​കി​സ്താ​ൻ, ബം​ഗ്ലാ​ദേ​ശ് എ​ന്നി​വി​ട​ങ്ങ​ളി​ൽ നി​ന്നു​ള്ള ഡോ​ക്ട​ർ​മാ​രും ന​ഴ്സു​മാ​രും സാ​ങ്കേ​തി​ക വി​ദ​ഗ്ധ​രും അ​ട​ങ്ങു​ന്ന സം​ഘ​വു​മാ​യും ക​രാ​ർ അ​ന്തി​മ​മാ​ക്കാ​നു​ള്ള പ്ര​ക്രി​യ​യി​ലാ​ണ് ആ​രോ​ഗ്യ മ​ന്ത്രാ​ല​യം. ഈ ​രാ​ജ്യ​ങ്ങ​ളി​ൽ നി​ന്നു​ള്ള ബാ​ച്ചു​ക​ളും 2023ന്റെ ​തു​ട​ക്ക​ത്തി​ൽ കു​വൈ​ത്തി​ൽ എ​ത്തു​മെ​ന്നാ​ണ് സൂ​ച​ന. ഇ​ന്ത്യ​യി​ൽ​നി​ന്നും ഫി​ലി​പ്പീ​ൻ​സി​ൽ​നി​ന്നും കു​വൈ​ത്തി​ലേ​ക്ക് പു​തി​യ ന​ഴ്സി​ങ് സ്റ്റാ​ഫു​ക​ളും എ​ത്തും. അ​തേ​സ​മ​യം, എ​ല്ലാ​വ​രും നി​യ​മ​ന​ത്തി​നു മു​മ്പ് കു​വൈ​ത്തി​ലെ പ്ര​ഫ​ഷ​ന​ൽ പ​രീ​ക്ഷ​ക​ൾ​ക്ക് വി​ധേ​യ​രാ​കേ​ണ്ടി​വ​രും.