കുവൈത്തിൽ നിന്ന് നാട്ടിലേക്ക് പണം ഒഴുകുന്നു...

കു​വൈ​ത്ത് സി​റ്റി: കു​വൈ​ത്തി​ല്‍നി​ന്ന് പ്ര​വാ​സി​ക​ൾ നാ​ട്ടി​ലേ​ക്ക് അ​യ​ക്കു​ന്ന പ​ണ​ത്തി​ല്‍ വ​ർ​ധ​ന. മു​ൻ വ​ര്‍ഷ​ങ്ങ​ളെ അ​പേ​ക്ഷി​ച്ച് പ​ണം അ​യ​ക്കു​ന്ന​തി​ല്‍ 3.6 ശ​ത​മാ​ന​ത്തി​ലേ​റെ വ​ർ​ധ​ന​യു​ണ്ടാ​യ​താ​യി ക​ണ​ക്കു​ക​ള്‍ വ്യ​ക്ത​മാ​ക്കു​ന്നു. സെ​ൻ​ട്ര​ൽ ബാ​ങ്ക് ഓ​ഫ് കു​വൈ​ത്ത് പു​റ​ത്തു​വി​ട്ട ക​ണ​ക്കു​ക​ളി​ലാ​ണ് പു​തി​യ വി​വ​ര​ങ്ങ​ള്‍.

രാ​ജ്യ​ത്തെ ബാ​ങ്കു​ക​ള്‍, ധ​ന​കാ​ര്യ സ്ഥാ​പ​ന​ങ്ങ​ള്‍ എ​ന്നി​വ മു​ഖേ​ന ഒ​മ്പ​തു​മാ​സ​ത്തി​നി​ടെ കു​​വൈ​​ത്തി​​ലെ പ്ര​​വാ​​സി​​ക​​ൾ വി​​വി​​ധ നാ​​ടു​​ക​​ളി​​ലേ​​ക്ക​​യ​​ച്ച​​ത് 4.27 ബി​​ല്യ​​ൺ ദീ​​നാ​റാ​ണ്.

2022ലെ ​ആ​ദ്യ​പാ​ദ​ത്തി​ല്‍ 1.49 ബി​ല്യ​ൺ ദീ​നാ​റും ര​ണ്ടാം പാ​ദ​ത്തി​ൽ 1.51 ബി​ല്യ​ൺ ദീ​നാ​റും മൂ​ന്നാം പാ​ദ​ത്തി​ൽ 1.28 ബി​ല്യ​ൺ ദീ​നാ​റു​മാ​ണ് വി​ദേ​ശി​ക​ള്‍ സ്വ​ദേ​ശ​ത്തെ​ക്ക് അ​യ​ച്ച​ത്. മു​ന്‍ വ​ര്‍ഷ​ങ്ങ​ളെ അ​പേ​ക്ഷി​ച്ച് പ​ണം അ​യ​ക്കു​ന്ന​തി​ല്‍ 3.6 ശ​ത​മാ​നം വ​ർ​ധി​ച്ച​താ​യി അ​ധി​കൃ​ത​ര്‍ പ​റ​ഞ്ഞു.

വി​ദേ​ശി​ക​ള്‍ ഏ​റെ​യു​ള്ള ഇ​ന്ത്യ, ബം​ഗ്ലാ​ദേ​ശ്, ഈ​ജി​പ്ത് അ​ട​ക്കം ലോ​ക​ത്തി​ലെ പ​ല രാ​ജ്യ​ങ്ങ​ളു​ടേ​യും ക​റ​ന്‍സി​ക​ള്‍ തി​ര​ച്ച​ടി നേ​രി​ട്ട​തോ​ടെ കു​വൈ​ത്ത് ദീ​നാ​റി​ന് മി​ക​ച്ച വി​നി​മ​യ മൂ​ല്യ​മാ​ണ് ഇ​പ്പോ​ള്‍ ല​ഭി​ച്ചു​കൊ​ണ്ടി​രി​ക്കു​ന്ന​ത്. കോ​വി​ഡ് ഭീ​തി അ​വ​സാ​നി​ച്ച​തോ​ടെ, തൊ​ഴി​ൽ മേ​ഖ​ല മെ​ച്ച​പ്പെ​ട്ട​തും പ്ര​വാ​സി​ക​ൾ​ക്ക് ഗു​ണ​ക​ര​മാ​യി.