മിഷൻ വിങ്​സ്​ ഒാഫ്​ കംപാഷൻ: 10 വിമാന ടിക്കറ്റ്​ നൽകി എം.ഇ.എസ്​ കുവൈത്ത്​

കുവൈത്ത്​ സിറ്റി: കോവിഡ്​ പ്രതിസന്ധിയിൽ ജോലിയും വരുമാനവും ഇല്ലാതായും മറ്റു പ്രശ്​നങ്ങളാലും നാടണയാൻ കൊതിക്കുന്നവർക്കായി​ ആശ്വാസത്തി​
​​െൻറ കൈത്തിരിനാളം വീണ്ടും. നാട്ടിലേക്ക്​ തിരിച്ചുപോവാൻ വിമാന ടിക്കറ്റ്​ എടുക്കാൻ പണമില്ലാത്തവർക്കായി ‘ഗൾഫ്​ മാധ്യമ’വും ‘മീഡിയവണും’ 
ചേർന്നൊരുക്കുന്ന ‘മിഷൻ വിങ്​സ്​ ഒാഫ്​ കംപാഷൻ’പദ്ധതിയിലേക്ക് എം.ഇ.എസ്​ കുവൈത്ത്​ 10​ വിമാന ടിക്കറ്റ്​ നൽകി. 

ഈ പ്രതിസന്ധിയുടെ തുടക്കം മുതൽ എം.ഇ.എസ്​ കുവൈത്ത്​ അശരണരെ സഹായിക്കാൻ വിവിധ പദ്ധതികൾ നടപ്പാക്കിയിട്ടുണ്ട്. 5000ത്തിൽപരം ആളുകൾക്ക് ഭക്ഷണ കിറ്റുകൾ വിതരണം ചെയ്യാൻ കഴിഞ്ഞു. 

മാധ്യമവും മീഡിയ വണും തുടക്കം കുറിച്ച ഈ പദ്ധതിയിൽ നിറഞ്ഞ സംതൃപ്തിയോടെയാണ് എം.ഇ.എസ് കുവൈത്ത് ഭാഗവാക്കാവുന്നതെന്നും അംഗങ്ങളും അഭ്യുദയകാംക്ഷികളും ബുദ്ധിമുട്ടുകൾ മാറ്റിവെച്ച്​ സഹകരിച്ചത്​ കൊണ്ടാണ്​ പത്ത്​ ടിക്കറ്റുകൾ നൽകാൻ കഴിഞ്ഞതെന്നും എം.ഇ.എസ്​ പ്രസിഡൻറ്​ എൻ. മുഹമ്മദ്​ റാഫി, ജനറൽ സെക്രട്ടറി അഷ്​റഫ്​ അയ്യൂർ, ട്രഷറർ പി.ടി. അഷ്​റഫ്​ മൂസ, വൈസ്​ പ്രസിഡൻറ്​ ഡോ. സി.പി. മുസ്​
തഫ, ഖലീൽ അടൂർ, സെക്രട്ടറിമാരായ റമീസ്​ സാലിഹ്​, അൻവർ മൻസൂർ സേഠ്​, ജോയൻറ്​ ട്രഷറർ ഫിറോസ്​ കുളങ്ങര എന്നിവർ അറിയിച്ചു. 

പദ്ധതിയുടെ കോഒാഡിനേറ്റർമാരായി പ്രവർത്തിച്ചത്​ സാദിഖ്​ അലി, സാലിഹ്​ ബാത്ത, ടി.വി. അർഷാദ്​ എന്നിവരാണ്​.

എം.ഇ.എസ്​ മെംബർമാർക്ക്​ പുറമെ എം.ഇ.എസ്​ കുറ്റിപ്പുറം എൻജിനീയറിങ് കോളജി​​െൻറ അലുംനി അസോസിയേഷനായ എം.ഇ.എസ്​.സി.ഇ, അലുംനി കുവൈത്തി​​െൻറ മെംബർമാരും ടിക്കറ്റ്​ വിഹിതത്തിലേക്ക്​ പണം നൽകി സഹകരിച്ചു.