മ​ഹാ ര​ക്ത​ദാ​ന കാ​മ്പ​യി​നു​മാ​യി ആ​രോ​ഗ്യ​മ​ന്ത്രാ​ല​യം

കു​വൈ​ത്ത് സി​റ്റി: ഇ​റാ​ഖി​ന്റെ കു​വൈ​ത്ത് അ​ധി​നി​വേ​ശ ര​ക്ത​സാ​ക്ഷി​ക​ളെ ആ​ദ​രി​ച്ച് ആ​രോ​ഗ്യ​മ​ന്ത്രാ​ല​യം വാ​ർ​ഷി​ക ര​ക്ത​ദാ​ന ക്യാ​മ്പ് ന​ട​ത്താ​ൻ തീ​രു​മാ​നി​ച്ചു. ജൂ​ലൈ 31 മു​ത​ൽ ആ​ഗ​സ്റ്റ് ര​ണ്ടു വ​രെ ജാ​ബ്രി​യ​യി​ലെ സെ​ൻ​ട്ര​ൽ ബ്ല​ഡ് ബാ​ങ്കി​ലാ​ണ് കാ​മ്പ​യി​ൻ. ആ​രോ​ഗ്യ​മ​ന്ത്രി ഡോ. ​അ​ഹ​മ്മ​ദ് അ​ൽ അ​വാ​ദി​യു​ടെ ര​ക്ഷാ​ക​ർ​തൃ​ത്വ​ത്തി​ലാ​ണ് പ​ത്താ​മ​ത് ക്യാ​മ്പ്.

ഇ​റാ​ഖി​ന്റെ കു​വൈ​ത്ത് അ​ധി​നി​വേ​ശ​ത്തി​ന്റെ 35-ാം വാ​ർ​ഷി​ക​ത്തോ​ട് അ​നു​ബ​ന്ധി​ച്ച് ജീ​വ​ൻ ബ​ലി​യ​ർ​പ്പി​ച്ച ര​ക്ത​സാ​ക്ഷി​ക​ൾ​ക്ക് ആ​ദ​രാ​ഞ്ജ​ലി അ​ർ​പ്പി​ക്കു​ക​യും പൗ​ര​ന്മാ​ർ​ക്കും താ​മ​സ​ക്കാ​ർ​ക്കും ഇ​ട​യി​ൽ ദേ​ശീ​യ ഐ​ക്യം ശ​ക്തി​പ്പെ​ടു​ത്തു​ക​യു​മാ​ണ് ല​ക്ഷ്യം. സെ​ൻ​ട്ര​ൽ ബ്ല​ഡ് ബാ​ങ്കി​ൽ രാ​വി​ലെ എ​ട്ടു മു​ത​ൽ രാ​ത്രി എ​ട്ടു വ​രെ കാ​മ്പ​യി​ൻ തു​ട​രും.

പ്ര​തി​രോ​ധ മ​ന്ത്രാ​ല​യ​ങ്ങ​ൾ, ആ​ഭ്യ​ന്ത​ര മ​ന്ത്രാ​ല​യ​ങ്ങ​ൾ, നാ​ഷ​ണ​ൽ ഗാ​ർ​ഡ്, സി​വി​ൽ സ​മൂ​ഹം, പൊ​തു-​സ്വ​കാ​ര്യ മേ​ഖ​ല​ക​ൾ എ​ന്നി​വ കാ​മ്പ​യി​ന്റെ ഭാ​ഗ​മാ​കും. ര​ക്ത വി​ത​ര​ണം വ​ർ​ധി​പ്പി​ക്കാ​ൻ ഇ​ത്ത​രം ശ്ര​മ​ങ്ങ​ൾ സ​ഹാ​യി​ക്കു​മെ​ന്ന് ര​ക്ത​പ്പ​ക​ർ​ച്ച സേ​വ​ന വ​കു​പ്പ് ഡ​യ​റ​ക്ട​ർ ഡോ. ​റീം അ​ൽ രി​ദ്‍വാ​ൻ പ​റ​ഞ്ഞു.

രാ​ജ്യ​ത്ത് വാ​ർ​ഷി​ക ര​ക്ത​ദാ​ന​ത്തി​ന്റെ 18 ശ​ത​മാ​നം സം​ഭാ​വ​ന ചെ​യ്യു​ന്ന​ത് ര​ക്ത​ദാ​ന കാ​മ്പ​യി​നു​ക​ളാ​ണ്. ക​ഴി​ഞ്ഞ വ​ർ​ഷം 85,028 ര​ക്ത ബാ​ഗു​ക​ളും 8,078 പ്ലേ​റ്റ്‌​ലെ​റ്റ് ബാ​ഗു​ക​ളും ശേ​ഖ​രി​ച്ചി​രു​ന്നു.