രാ​ഷ്ട്ര​ങ്ങ​ൾ ത​മ്മി​ൽ സ​ഹ​ക​ര​ണ​വും സം​യു​ക്ത പ്രവർത്തനവും അനിവാര്യമായ ഘട്ടം- വിദേ‍ശകാര്യമന്ത്രി

കു​വൈ​ത്ത് സി​റ്റി: അ​സ​ർ​ബൈ​ജാ​ൻ ത​ല​സ്ഥാ​ന​മാ​യ ബാ​കു​വി​ൽ ചേ​ർ​ന്ന ചേ​രി​ചേ​രാ പ്ര​സ്ഥാ​ന കോ​ൺ​ടാ​ക്ട് ഗ്രൂ​പ് (നാം) ​ഉ​ച്ച​കോ​ടി​യി​ൽ അ​മീ​ർ ശൈ​ഖ് ന​വാ​ഫ് അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹി​ന്റെ പ്ര​തി​നി​ധി​യാ​യി, വി​ദേ​ശ​കാ​ര്യ​മ​ന്ത്രി ശൈ​ഖ് സ​ലീം അ​ബ്ദു​ല്ല അ​ൽ ജാ​ബി​ർ അ​സ്സ​ബാ​ഹ് പ​ങ്കെ​ടു​ത്തു. കോ​വി​ഡ്-19 മ​ഹാ​മാ​രി​യു​ടെ സാ​മ്പ​ത്തി​ക​സു​ര​ക്ഷ, ആ​രോ​ഗ്യ പ്ര​ത്യാ​ഘാ​ത​ങ്ങ​ൾ എ​ന്നി​വ ത​ട​യു​ന്ന​തി​നു​ള്ള സം​യു​ക്ത അ​ന്താ​രാ​ഷ്ട്ര ശ്ര​മ​ങ്ങ​ളെ പി​ന്തു​ണ​ക്കു​ന്ന​തി​നു​ള്ള മാ​ർ​ഗം ഉ​ച്ച​കോ​ടി ച​ർ​ച്ച​ചെ​യ്തു.

കോ​വി​ഡ് മ​ഹാ​മാ​രി​യു​ടെ പ്ര​ത്യാ​ഘാ​തം ജീ​വി​ത​ത്തി​ന്റെ എ​ല്ലാ വ​ശ​ങ്ങ​ളെ​യും ബാ​ധി​ച്ച​താ​യി ശൈ​ഖ് സ​ലീം ത​ന്റെ പ്ര​സം​ഗ​ത്തി​ൽ ചൂ​ണ്ടി​ക്കാ​ട്ടി. രാ​ഷ്ട്ര​ങ്ങ​ൾ ത​മ്മി​ലു​ള്ള സ​ഹ​ക​ര​ണ​വും സം​യു​ക്ത പ്ര​വ​ർ​ത്ത​ന​വും അ​നി​വാ​ര്യ​മാ​യ ഘ​ട്ട​മാ​ണി​തെ​ന്നും അ​ദ്ദേ​ഹം പ​റ​ഞ്ഞു. പ്ര​തി​സ​ന്ധി​ക​ൾ അ​വ​സാ​നി​പ്പി​ക്കാ​ൻ നൂ​ത​ന പ​രി​ഹാ​ര​ങ്ങ​ൾ​ക്കാ​യി കു​വൈ​ത്ത് മ​ന്ത്രി ആ​ഹ്വാ​നം​ചെ​യ്തു. കോ​വി​ഡ് ഭ​ക്ഷ്യ​പ്ര​തി​സ​ന്ധി​യും സാ​മ്പ​ത്തി​ക പ്ര​തി​സ​ന്ധി​യും രൂ​ക്ഷ​മാ​ക്കി​യെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

അ​തേ​സ​മ​യം, പൗ​ര​ന്മാ​ർ​ക്കും പ്ര​വാ​സി​ക​ൾ​ക്കും വാ​ക്സി​നു​ക​ൾ ന​ൽ​കു​ന്ന​തി​ൽ ഉ​യ​ർ​ന്ന നി​ര​ക്ക് കൈ​വ​രി​ച്ച രാ​ജ്യ​ങ്ങ​ളി​ലൊ​ന്നാ​ണ് കു​വൈ​ത്ത് എ​ന്ന് അ​ദ്ദേ​ഹം വ്യ​ക്ത​മാ​ക്കി. ആ​ഗോ​ള​ത​ല​ത്തി​ൽ, കോ​വി​ഡി​നെ പ്ര​തി​രോ​ധി​ക്കു​ന്ന​തി​നു​ള്ള അ​ന്താ​രാ​ഷ്ട്ര ശ്ര​മ​ങ്ങ​ളെ പി​ന്തു​ണ​ക്കു​ന്ന​ത് കു​വൈ​ത്ത് തു​ട​രു​ന്നു. ആ​ഗോ​ള ആ​രോ​ഗ്യ സു​ര​ക്ഷ വ​ർ​ധി​പ്പി​ക്കാ​ൻ ശ്ര​മി​ക്കു​ന്ന​താ​യും അ​ദ്ദേ​ഹം പ​റ​ഞ്ഞു.

മ​ഹാ​മാ​രി​യു​ടെ പ്ര​ത്യാ​ഘാ​ത​ങ്ങ​ളെ​യും ലോ​കം നേ​രി​ടു​ന്ന മ​റ്റു വെ​ല്ലു​വി​ളി​ക​ളെ​യും അ​ഭി​മു​ഖീ​ക​രി​ക്കു​ന്ന​തി​ന് സ​ഹ​ക​ര​ണം ശ​ക്തി​പ്പെ​ടു​ത്തു​ന്ന​തി​നു​ള്ള എ​ൻ.​എ.​എം അം​ഗ​രാ​ജ്യ​മെ​ന്ന നി​ല​യി​ൽ എ​ല്ലാ​വ​ർ​ക്കും ഉ​ത്ത​ര​വാ​ദി​ത്ത​മു​ള്ള​താ​യും അ​ദ്ദേ​ഹം ചൂ​ണ്ടി​ക്കാ​ട്ടി. രാ​ഷ്ട്ര​ങ്ങ​ളു​ടെ വി​ക​സ​ന​വും സ​മൃ​ദ്ധി​യും കൈ​വ​രി​ക്കു​ന്ന​തി​ന് പ​ര​സ്പ​ര സ​ഹ​ക​ര​ണ​വും ഏ​കോ​പ​ന​വും വ​ർ​ധി​പ്പി​ക്കേ​ണ്ട​തി​ന്റെ പ്രാ​ധാ​ന്യം എ​ടു​ത്തു​പ​റ​ഞ്ഞു. പ്ര​തി​സ​ന്ധി കൈ​കാ​ര്യം​ചെ​യ്യു​ന്ന​തി​ൽ അ​സ​ർ​ബൈ​ജാ​ന്റെ ഫ​ല​പ്ര​ദ​വും ക്രി​യാ​ത്മ​ക​വു​മാ​യ പ​ങ്കി​നെ​യും ശൈ​ഖ് സ​ലീം അ​ഭി​ന​ന്ദി​ച്ചു.