മൊ​റോ​ക്കോ രാ​ജാ​വി​ന്റെ സ്ഥാ​നാ​രോ​ഹ​ണ വാ​ർ​ഷി​ക​ത്തി​ൽ അ​ഭി​ന​ന്ദ​നം അ​റി​യി​ച്ച് മ​ന്ത്രി

കു​വൈ​ത്ത് സി​റ്റി: മൊ​റോ​ക്കോ രാ​ജാ​വ് മു​ഹ​മ്മ​ദ് ആ​റാ​മ​ന്റെ സിം​ഹാ​സ​നാ​രോ​ഹ​ണ​ത്തി​ന്റെ 26-ാം വാ​ർ​ഷി​ക​ത്തോ​ട​നു​ബ​ന്ധി​ച്ച് കു​വൈ​ത്തി​ലെ മൊ​റോ​ക്കോ എം​ബ​സി ന​ട​ത്തി​യ ആ​ഘോ​ഷ​ത്തി​ൽ സാ​മൂ​ഹി​ക, കു​ടും​ബ, ബാ​ല്യ​കാ​ല മ​ന്ത്രി ഡോ. ​അം​താ​ൽ അ​ൽ ഹു​വൈ​ല പ​ങ്കെ​ടു​ത്തു. ച​ട​ങ്ങി​ൽ മൊ​റോ​ക്കോ​യെ​യും നേ​തൃ​ത്വ​ത്തെ​യും ജ​ന​ങ്ങ​ളെ​യും മ​ന്ത്രി ഡോ. ​അം​താ​ൽ അ​ൽ ഹു​വൈ​ല അ​ഭി​ന​ന്ദി​ച്ചു.

കു​വൈ​ത്തും മൊ​റോ​ക്കോ​യും ത​മ്മി​ലു​ള്ള ച​രി​ത്ര​പ​ര​വും സ​ഹോ​ദ​ര​പ​ര​വു​മാ​യ ബ​ന്ധ​ങ്ങ​ളു​ടെ ആ​ഴം സൂ​ചി​പ്പി​ച്ച മ​ന്ത്രി അ​ൽ ഹു​വൈ​ല 1999 മു​ത​ൽ മു​ഹ​മ്മ​ദ് ആ​റാ​മ​ൻ രാ​ജാ​വി​ന്റെ നേ​തൃ​ത്വ​ത്തി​ൽ മൊ​റോ​ക്കോ രാ​ജ്യം കൈ​വ​രി​ച്ച ശ്ര​ദ്ധേ​യ​മാ​യ വി​ക​സ​ന​ത്തെ​യും പു​രോ​ഗ​തി​യെ​യും ചൂ​ണ്ടി​കാ​ട്ടി.

വി​വി​ധ സാ​മ്പ​ത്തി​ക, സാ​മൂ​ഹി​ക, സാം​സ്കാ​രി​ക മേ​ഖ​ല​ക​ളി​ലെ ശ്ര​ദ്ധേ​യ​മാ​യ നേ​ട്ട​ങ്ങ​ളും എ​ടു​ത്തു പ​റ​ഞ്ഞു. ഇ​രു രാ​ജ്യ​ങ്ങ​ളും ജ​ന​ങ്ങ​ളും ത​മ്മി​ലു​ള്ള സൗ​ഹൃ​ദ​ത്തി​ന്റെ​യും സ​ഹ​ക​ര​ണ​ത്തി​ന്റെ​യും ബ​ന്ധം ശ​ക്തി​പ്പെ​ടു​ത്തു​ന്ന​തി​ൽ കു​വൈ​ത്തി​ലെ മൊ​റോ​ക്ക​ൻ എം​ബ​സി​യു​ടെ പ്ര​ധാ​ന പ​ങ്കി​നെ​യും നി​ര​ന്ത​ര​മാ​യ ശ്ര​മ​ങ്ങ​ളെ​യും മ​ന്ത്രി പ്ര​ശം​സി​ച്ചു. മു​ഹ​മ്മ​ദ് ആ​റാ​മ​ൻ രാ​ജാ​വി​ന്റെ ജ്ഞാ​ന​പൂ​ർ​വ​ക​മാ​യ നേ​തൃ​ത്വ​ത്തി​ൽ മൊ​റോ​ക്കോ​ക്ക് കൂ​ടു​ത​ൽ പു​രോ​ഗ​തി​യും സ​മൃ​ദ്ധി​യും ല​ഭി​ക്ക​ട്ടെ​യെ​ന്നും ആ​ശം​സി​ച്ചു.