കുവൈത്തിൽ നേരിയ ഭൂചലനം

കുവൈത്ത് സിറ്റി: കുവൈത്തിൽ നേരിയ ഭൂചലനം. ​ചൊവ്വാഴ്ച ഉച്ചയോടെ രാജ്യത്തിന്റെ തെക്കുപടിഞ്ഞാറൻ ഭാഗത്താണ് ചലനം അനുഭവപ്പെട്ടത്. റിക്ടർ സ്കെയിലിൽ 4.4 തീവ്രത രേഖപ്പെടുത്തിയതായി കുവൈത്ത് ഇൻസ്റ്റിറ്റ്യൂട്ട് ഫോർ സയന്റിഫിക് റിസർച്ച് (കെ.ഐ.എസ്.ആർ) അറിയിച്ചു.

സംഭവത്തിൽ നാശനഷ്ടങ്ങൾ ഒന്നും റിപ്പോർട്ട് ചെയ്തിട്ടില്ല. ചെറിയ രൂപത്തിൽ ചലനം അനുഭവപ്പെട്ടതായി ഈ മേഖലയിലെ താമസക്കാർ വ്യക്തമാക്കി.