പൊ​ന്നോ​ണ​പ്പു​ല​രിയിതാ...

സ​മ്പ​ൽ​സ​മൃ​ദ്ധ​മാ​യ ഭൂ​ത​കാ​ല സ്മ​ര​ണ​യി​ൽ ലോ​ക​മെ​ങ്ങു​മു​ള്ള മ​ല​യാ​ളി​ക​ള്‍ക്ക് ഇ​ന്ന് ഓ​ണം. ഉ​ള്ള​വ​നും ഇ​ല്ലാ​ത്ത​വ​നും എ​ന്ന വേ​ർ​തി​രി​വി​ല്ലാ​തെ, ജാ​തി​മ​ത​ഭേ​ദ​മി​ല്ലാ​തെ ഒ​രേ മ​ന​സ്സോ​ടെ മ​ല​യാ​ളി​ക​ൾ ആ​ഘോ​ഷി​ക്കു​ന്ന ഉ​ത്സ​വം. പ്ര​വാ​സ​ലോ​ക​വും ഓ​ണ​ത്തെ വ​ര​വേ​ൽ​ക്കാ​ൻ ഒ​രു​ങ്ങി​ക്ക​ഴി​ഞ്ഞു. നാ​ട്ടി​ലെ ഓ​ണാ​ഘോ​ഷ ഓ​ർ​മ​യി​ലാ​കും പ്ര​വാ​സി മ​ല​യാ​ളി​ക​ളു​ടെ മ​ന​സ്സ്. തൊ​ഴി​ൽ ദി​ന​മാ​യ​തി​നാ​ൽ ഇ​ന്ന് ആ​ഘോ​ഷ​ങ്ങ​ളും കു​റ​വാ​യി​രി​ക്കും. നാ​ട്ടി​ലെ പ്രി​യ​പ്പെ​ട്ട​വ​രെ വി​ളി​ച്ചും ആ​ശം​സ​ക​ൾ കൈ​മാ​റി​യും പ്ര​വാ​സി​ക​ളു​ടെ ഓ​ണ​ദി​വ​സം അ​വ​സാ​നി​ക്കും.

വെ​ള്ളി, ശ​നി ദി​വ​സ​ങ്ങ​ളി​ലാ​യി​രി​ക്കും പ്ര​വാ​സി​ക​ളു​ടെ ആ​ഘോ​ഷ​ങ്ങ​ൾ. സം​ഘ​ട​ന​ക​ളും കൂ​ട്ടാ​യ്മ​ക​ളും ഇ​തി​ന് തു​ട​ക്കം കു​റി​ച്ചു​ക​ഴി​ഞ്ഞു. മാ​വേ​ലി​യും പു​ലി​ക​ളി​യും ചെ​ണ്ട​മേ​ള​വും കേ​മ​ൻ സ​ദ്യ​യും ക​ലാ​പ​രി​പാ​ടി​ക​ളും ഒ​രു​ക്കി പ്ര​വാ​സി​ക​ൾ നാ​ടി​നെ​ക്കാ​ൾ മ​നോ​ഹ​ര​മാ​യി ഇ​നി ഓ​ണം ആ​ഘോ​ഷ​മാ​ക്കും.

ഓ​ർ​മ​യി​ൽ ഒ​രു ഓ​ണനൊ​മ്പ​രം

ഓ​ണം അ​നു​ഭ​വ​ങ്ങ​ളു​ടേ​തി​നൊ​പ്പം ഓ​ർ​മ​ക​ളു​ടേ​തു കൂ​ടി​യാ​ണ്. ബാ​ല്യ​ത്തി​ലെ ക​ളി​ക​ളും കൂ​ട്ടു​കാ​രും കൊ​ച്ചു കു​സൃ​തി​ക​ളു​മൊ​ക്കെ​യാ​കും നാം ​എ​ത്ര വ​ലു​താ​യാ​ലും മ​ന​സ്സി​ൽ ആ​ദ്യം ഓ​ടി​യെ​ത്തു​ക. മ​നോ​ഹ​ര​മാ​യ ആ ​ഓ​ർ​മ​ക​ൾ​ക്കു​ള്ളി​ൽ ഒ​രു ഓ​ണ​ക്കാ​ലം മ​ന​സ്സി​ൽ ചെ​റി​യ നൊ​മ്പ​രം​കൂ​ടി പ​ട​ർ​ത്തി.

അ​ന്ന് ഓ​ണ​പ്പ​രീ​ക്ഷ ക​ഴി​ഞ്ഞ് സ്കൂ​ൾ അ​ട​ക്കു​ന്ന തൊ​ട്ടു​മു​മ്പ്, സ്കൂ​ളി​ൽ പ്രൊ​ജ​ക്ട​ർ വെ​ച്ചു​ള്ള സി​നി​മ പ്ര​ദ​ർ​ശ​നം ന​ട​ന്നു. നാ​ട്ടി​ൽ ടി.​വി വ​ന്നു​തു​ട​ങ്ങു​ന്ന​തേ ഉ​ള്ളൂ. സി​നി​മ കാ​ണാ​നു​ള്ള അ​വ​സ​രം വ​ള​രെ കു​റ​വ്. അ​തു​കൊ​ണ്ടു​ത​ന്നെ സ്കൂ​ളി​ൽ പ്ര​ദ​ർ​ശി​പ്പി​ച്ച സി​നി​മ ഞ​ങ്ങ​ളി​ൽ വ​ലി​യ സ​ന്തോ​ഷ​മു​ണ്ടാ​ക്കി.

മ​ധു നാ​യ​ക​നാ​യു​ള്ള ഒ​രു ബ്ലാ​ക്ക് ആ​ൻ​ഡ് വൈ​റ്റ് ചി​ത്ര​മാ​യി​രു​ന്നു അ​ത്. സി​നി​മ ക​ഴി​ഞ്ഞ് അ​ന്ന​ത്തെ ഞ​ങ്ങ​ളു​ടെ ക​ളി അ​തി​ലെ ക​ഥാ​പാ​ത്ര​ങ്ങ​ളാ​യി മാ​റി​യു​ള്ള​താ​യി​രു​ന്നു. സി​നി​മ​യി​ൽ വീ​ണു​കി​ട​ക്കു​ന്ന മ​ധു മ​റ്റൊ​രു ക​ഥാ​പാ​ത്ര​ത്തെ എ​ടു​ത്തു​യ​ർ​ത്തു​ന്ന ഒ​രു ഭാ​ഗ​മു​ണ്ട്. അ​താ​ണ് അ​ന്ന് അ​ഭി​ന​യി​ച്ചു ക​ളി​ക്കു​ന്ന​ത്.

മ​ധു​വാ​യ ഞാ​ൻ എ​ന്റെ​കൂ​ടെ പ​ഠി​ക്കു​ന്ന സു​ഹൃ​ത്തി​നെ ര​ണ്ടു കൈ​കൊ​ണ്ട് വാ​രി​യെ​ടു​ക്കു​ന്നു. പെ​ട്ടെ​ന്ന് എ​ന്റെ കൈ ​തെ​ന്നി കൂ​ട്ടു​കാ​ര​ൻ താ​ഴെ വീ​ണു. സ്കൂ​ളി​ന്റെ തൊ​ട്ട​ടു​ത്തു വ​യ​ലാ​ണ്.

അ​വി​ടെ വെ​ള്ളം പോ​കാ​നു​ള്ള ചെ​റി​യ കാ​ന​യി​ലേ​ക്കാ​ണ് കൂ​ട്ടു​കാ​ര​ൻ വീ​ണ​ത്. ഇ​തോ​ടെ ക​ളി കാ​ര്യ​മാ​യി. അ​വ​ന്റെ ക​ര​ച്ചി​ൽ ഉ​യ​ർ​ന്നു. മ​റ്റു കു​ട്ടി​ക​ളും അ​ധ്യാ​പ​ക​രും ഓ​ടി​യെ​ത്തി. ഞാ​ൻ ആ​കെ പ​രി​ഭ്ര​മി​ച്ചു. കൂ​ട്ടു​കാ​ര​നെ ആ​ശു​പ​ത്രി​ലേ​ക്ക് കൊ​ണ്ടു​പോ​യി.

അ​ന്ന് സ്കൂ​ൾ ഓ​ണാ​വ​ധി​ക്ക് അ​ട​ച്ചു. എ​ന്റെ കൈ​യി​ൽ​നി​ന്ന് ഇ​ത് സം​ഭ​വി​ച്ച​ല്ലോ എ​ന്ന സ​ങ്ക​ട​ത്തോ​ടെ​യും അ​ടി​കി​ട്ടു​മോ എ​ന്ന പേ​ടി​യോ​ടും കൂ​ടി​യാ​ണ് അ​ന്ന് വീ​ട്ടി​ലേ​ക്കു മ​ട​ങ്ങി​യ​ത്. കൂ​ട്ടു​കാ​ര​ന്റെ കൈ​ക്കു പൊ​ട്ട​ലു​ണ്ടാ​യി​രു​ന്നു. പ്ലാ​സ്റ്റ​ർ ഇ​ടേ​ണ്ടി​യും വ​ന്നു. അ​ങ്ങ​നെ അ​വ​നും എ​നി​ക്കും സ​ങ്ക​ടം നി​റ​ഞ്ഞ ഓ​ണാ​വ​ധി​ക്കാ​ല​മാ​യി അ​ത്.

സ്കൂ​ൾ തു​റ​ന്നു ദി​വ​സ​ങ്ങ​ൾ ക​ഴി​ഞ്ഞാ​ണ് കൂ​ട്ടു​കാ​ര​ന് സ്കൂ​ളി​ൽ വ​രാ​ൻ പ​റ്റി​യ​ത്. ബാ​ല്യ​ത്തി​ലെ ഓ​ണ​ത്തെ കു​റി​ച്ചു​ള്ള ഓ​ർ​മ​ക​ൾ മ​ന​സ്സി​ലേ​ക്ക് വ​രു​മ്പോ​ൾ ആ​ദ്യ കാ​ഴ്ച​യാ​യി എ​ന്നും ഇ​ത് ഓ​ടി​വ​രും. ആ ​കൂ​ട്ടു​കാ​ര​ൻ ഒ​രു വാ​ട്സ്ആ​പ് ചാ​റ്റി​ന​പ്പു​റ​ത്ത് ഇ​പ്പോ​ഴും കൂ​ടെ​യു​ണ്ട് എ​ന്ന​ത് അ​പ്പോ​ൾ ഉ​ള്ളി​ൽ ആ​ഹ്ലാ​ദം നി​റ​ക്കു​ക​യും ചെ​യ്യും.