മെഡ്എക്സ് പൊന്നോണം

കുവൈത്ത് സിറ്റി: ഗൃഹാതുരത്വം തുളുമ്പുന്ന ഓർമകളുമായി മെഡ്എക്സ് മെഡിക്കൽ കെയർ ഫഹാഹീൽ അംഗങ്ങൾ ഓണം ആഘോഷിച്ചു.

മെഡ്എക്സ് മെഡിക്കൽ കെയർ ടവറിൽ നടന്ന ഓണാഘോഷ ചടങ്ങിൽ മെഡ്എക്സ് മെഡിക്കൽ ഗ്രൂപ് പ്രസിഡന്റും സി.ഇ.ഒയുമായ പി.പി. മുഹമ്മദലി അധ്യക്ഷത വഹിച്ചു.

മെഡ്എക്സ് മെഡിക്കൽ കെയർ സ്റ്റാഫുകളും കുടുംബാംഗങ്ങളും അവതരിപ്പിച്ച കലാപരിപാടികൾ ചടങ്ങിന് മാറ്റുകൂട്ടി. 'ഓർകിഡ്' ബാൻഡ് കലാകാരന്മാരുടെ സംഗീതനിശയും അരങ്ങേറി. മാവേലി എഴുന്നള്ളത്തും കലാപ്രകടനങ്ങളും ആവേശത്തോടെയാണ് പരിപാടിക്കെത്തിയവർ വീക്ഷിച്ചത്.